[KOEI] 信長之野望 新生 威力加強版 7月20日發售！

革新之後冇玩過，掂唔掂呢次

但知道Ai計算兵力個概念，又會覺得佢好蠢。

加強版加多左外交指令，可以割城投降or臣服，小勢力都有好多玩法

豐臣做final boss嘅話勁難打
佢啲爆兵勁過所有其他人

不過換個角度講
玩家配搭政策，同埋揀家宰、外樣、奉行都幾fun嘅

掛機睇多幾次海就知AI咩料

倒轉，大坂之陣，豐臣打德川，都幾有難度

咁呢個一定係，德川都成晒型
唯有靠幸村玩合戰

用真田1582年劇本，一開始臣服上杉偷左德川一個城，之後投靠北條，逼德川唔打我，一定要觸發第一次上田城戰（如果投靠德川唔會發生）。之後會臣服豐臣，然後3年內滅北條，之後叫豐臣幫你打德川，打左22年終於滅左德川（好彩真田昌幸死之前有眼見到德川滅亡）

之後要快過豐臣搶東北嘅人，然後開始同豐臣打，打左差唔多30年終於爆機

呢集外交同謀略好重要

今集冇咗包圍網，玩外交打少幾個已經屈機

我唔想次次都打合戰有冇得自動打

好開心終於有人討論下
我上一頁個回覆係十幾日以嚟第一個但隻game先出咗個零月

咪就係大地圖扣兵，不過低效好多

成日覺得D人玩本能寺真田家真係好自虐
前期容錯率低 後期又要打豐臣政策+威信超高既關白秀吉
但呢種體驗係得昌幸先有

遊戲太小眾掛

BTW

加強版，軍團好用左。

70智既軍團長，出陣既時候，可以提議“增援”增加出兵兵力。 即是原本一萬兵既城可以出超過一萬兵。

變左就算自己控制範圍內既 內政城，都可移交比軍團長，就可以瞬間轉移D兵比戰鬥城

最麻煩係打完夏之陣，又死D猛將，周圍D大名又係D冇乜將。

比D無眼隨機人都好啊

軍團好用好多 覺得D謀略實用過之前
而且我出兵打到強威風之後 軍團長識得出兵搶城執雞

可能多左“動搖”，個軍團長計算某個範圍冇敵軍，唔洗留兵守，就進攻

暫時玩咗100個鐘（暗恥驚唔玩原版等PK是常識），覺得幾好玩

本身鍾意玩ck，好鍾意今集個封地系統，封地重要睇特性同武將相性，呢點某程度上超越咗ck（不過ck都係虛構人物亂咁封都得），尤其一啲一門多嘅廢將，同城一個一門就四圍+2，疊疊下都可以媲美神將不過可以亂咁轉封幾乎冇代價就唔太真實（ck拔封臣代價大好多）。個人會睇埋啲列傳，盡可能封返歷史上嘅領地俾佢哋

暫時玩咗桶狹間織田同群雄伊達，織田主要睇劇情慢慢打，伊達就超超級（全部set電腦多自己少），主要想試下堆極限龍騎兵。玩到同長宗二分天下，我打完關東甲信佢已經打到美濃但佢全開加兵政策有成70幾萬兵我先得三十萬雖然質素低但無限兵海

岩岩都係玩1582真田
最難個難關真係搶人才
靠住真田三父子可以打敗德川同北條
但係問題就算你不斷搶佢地既城
你無乜途徑係滅佢地前增加人手
我試過搵唔到人做城主

等九月大更新先繼續玩

全世界幾乎都有玩呢個劇本
真田真係主角格

自動打嗰邊搵格夾攻絞肉機
再另一邊手合咪得
覺得東日本啲人勁過西日本

今集算好，有流言再挖角，然後細城大名又係要搶
俘虜到敵方啲人唔投降就斬，因為真係唔夠人，最後成個德川家族都係俾我斬晒

呢集好刺激，同埋係得昌幸可以不斷毁棄盟約都唔俾人打。真係點都要試吓