首先要釐清返一樣野先，一定有好多人覺得我將六七暴動同反送中一齊講係唔啱，一個係左派暴動，一個係港人爭取民主自由，點可以拉埋一齊講？
兩者既共通點就係都係屬於反政府抗爭，只係六七反既係香港政府（唔用左報用既“港英政府”），反送中係反港共政府，而且兩者同時都係香港歷史既重要轉捩點，相信呢個大家都認同。
唔同既地方就係香港民意既支持度，1967年好明顯市民普遍係支持政府，反對左派暴徒，而2019年就大家心照，相信大家都會認同民意喺反政府個邊，睇返當年區選就知。1967年香港政府冇關閉任何左派報館，2019年就強硬好多，幾乎閂曬立場反政府既報紙/傳媒。
講到結果，六七暴動之後香港政府改善對港殖民地政策，經濟就一路起飛，中國70年代改行親美路線，差唔多同一時間麥理浩上任，正式開始左大家最懷念既香港黃金時代。既然六七暴動得唔到當時既主流民意支持，而最後結果係開啟左香港既黃金時代，咁反送中應該會帶黎截然不同甚至相反既結果。