英雄聯盟歷年世界冠軍分析(歡迎討論)

我會以當年果隊既統治力同當年冠軍既含金量去評價下,邊隊既冠軍最勁,邊隊冠軍係相對死好彩。

S1:FNC
上古年代既比賽就唔多評論,當年LOL仲係草創時期,當年世界賽規模太細,大家都仲摸索緊打法,亞洲各大賽區都仲未參賽,印象中有隊新加坡隊,當時LOL都仲係鬼佬遊戲。

5星滿分
含金量:1星
統治力:1星

S2:TPA
S2時期,亞洲賽區參戰,依一年可以話係混戰既一年,百花齊放,打世界賽之前,AZF、WE、CLG、M5,都係著名既強隊,冠軍熱門,結果TPA用41分推黑馬殺出。睇返TPA既賽程其實唔易打,8強打NJS,4強打M5,冠亞打AZF,當年既戰術依家睇返仲係好簡陋,好多野仲係開發緊,而且當時賽區同賽區之間交流少,信息唔流通,大家打法理解差異都好大,不過TPA依個冠軍運氣成分都係比較重,雖然後面越打越好,打AZF明顯已經係高左對面一班,但如果當年成個S賽再打多次,我覺得TPA未必拎到冠。

含金量:2.5星
統治力:2星

S3:SKT T1
S3時期算係,第一年確認左中韓強權既時代,韓國因為成熟職業既體制快速崛起,戰術同選手實力都領先其他賽區好多班,當年決賽係SKT打皇族,毫無懸念咁3:0嬴左,果年就算重打幾多次,都會係SKT拎冠軍,而且其他戰隊少少威脅都冇。含金量冇咁高,係因為其他賽區當時實力仲係比較弱,亞軍既皇族都係完全威脅唔到SKT。

含金量:3.5星
統治力:4.5星

S4:SSW
S4時期,韓國延續左上一年既強勢,果年基本上未打已經知唔係SSW就係SSB冠軍,果年韓國之外,最勁既隊伍係OMG同皇族,但都係明顯同SSW實力差距好大,對上只係諗住偷到一場就已經好好。依一屆都係打幾多次,都會係SSW冠軍,主要係SSB唔知點解突然中左風。

含金量:3.5星
統治力:5星

S5:SKT
S5時期,第一次迎黎左決賽既韓國內戰,決賽由SKT對上KOO,果年巔峰既marin同faker,真係勁到痴線,睇返當年決賽內容,skt嬴既局都領先超多,果年亦係歐美自s1之後最吐氣揚眉一次,果年既中國戰隊全部中風,8強 FNC 4:0 EDG(加埋重賽),去到S5戰術已經好成熟,其實比之前難打好多,果年MSI,SKT都2:3 輸比EDG,可見環境同當年S3、S4差別係幾大。

含金量:4星
統治力:5星

S6:SKT
S6時期既SKT成功三冠,但依一冠拎得一啲都唔輕鬆,8強打RNG,4強打ROX,決賽打SSG,三隊都係硬骨頭,完全唔係之前既虐菜局咁,ROX同SSG都係3:2嬴,幾次將SKT逼入絕境,但S6時FAKER仲唔係廢老,成功帶隊奪冠。

含金量:5星
統治力:3星

S7:SSG
S7既冠軍SSG好完美咁顯示左咩叫團隊合作,當年作為三號種子,係三隊韓國隊之中最不被看好,陣容依家睇返亦唔算豪華,除左AD Ruler之外,其他都算唔上係超頂級選手,就係一個咁既陣容,拎下冠軍,其實係幾不可思議。含金量方面,SSG既冠軍冇想像中差,兩隊韓國隊SKT同LZ都係比SSG 3:0帶走,對上WE係3:1,SSG既風格係非常傳統既韓國隊,營運打團,地圖資源交換都做得好好,選手實力亦不錯。依一年有樣野非常值得一提,就係世界賽沉左兩年既中國隊,係大量購買韓國選手,同養自己既青訓選手下,終於迎黎大提升,以往中韓對抗,韓國都係嬴得比較輕鬆,當時除左S4 OMG,同S5 EDG BO5 有嬴韓國,基本上中國對上韓國都係輸,而且打得幾絕望。

依一年算係轉捩點,雖然4強兩中兩韓,係兩韓勝出,但你睇RNG對SKT,係2:3,可以見韓國隊係國際賽既統治力係開始下降,而且冠軍既SSG因為打法風格問題,係比RNG天克,小組賽被雙殺,仲要係幾乎0封果種,我認為係由依一年開始,中韓實力開始非常接近,如果RNG係另半部嬴左SKT,我認為SSG係打唔嬴RNG。

含金量:3.5星
統治力:3.5星

S8:IG
S8時期,結束左韓國世界賽五連冠,依成績睇韓國係雙8強,有一隊仲要小組隊就淘汰左,可以話係韓國最黑暗既時期,但睇返當年比賽內容,韓國雖然比以往弱,其實仍然係我心中S8既第二賽區,因為8強時KT係對上IG,2:3落敗,依一場其實先係實際上既冠亞,由比賽內容而言,兩邊實力都好接近,反而去到4強,決賽,全部係比IG 3:0帶走,如果唔係8強黑仔撞到IG,我覺得KT係可以行到去決賽,另外兩隊韓國就算啦,真係比較廢。

值得一提係RNG果年好可惜,世界賽之外無敵,拎哂所有冠軍,而且明顯實力係壓所有隊伍一個LV,仲記得果年州際賽,打到第5場就可以派返之前上過場既隊伍上場,結果成功比RW拖到第五場,RW一嬴果下,大家都覺得中國已經嬴左,因為RNG太勁,第5場一定嬴,最終第5場都係輕鬆咁擊敗左韓國。

含金量:4星
統治力:4.5星

S9:FPX
S9時期係比較好睇既一年,因為果年有G2,韓國實力亦有回溫,三隊出線8強,歐洲實力亦唔弱。FPX依個冠軍,有人覺得係冇乜含金量,唔少人話佢地冇打過韓國隊拎冠,但睇返4強,G2,SKT,IG,FPX,你問我邊隊最難打,其實係IG,果年韓國隊一定係冇IG同G2難打。

含金量:3星
統治力:3星

S10: DWG
重鑄lck榮光 我輩義不容辭,依一句真係S10最深刻既選手賽前訪問,S10 DWG既實力係明顯要高過其他隊伍,嬴得既係比較冇壓力,依一屆令我有少少諗返起之前既韓國隊,依家睇返成隊野都係冇短板,依一年都係我認為果啲,打多幾次都會係DWG冠軍果種。

含金量:4.5星
統治力:5星

S11: EDG
EDG依年冠軍之路非常難行,個困難程度我認為係歷年之最,8強,4強,冠亞,全部都係3:2勝出,小組第2出線,打8強勉強嬴果時,你覺得冇啦打RNG都3:2,點打T1,之後4強3:2打嬴T1,你又會覺得冇啦,嬴個T1都係嬴馬鼻,DWG上屆冠軍,仲要實力明顯勁過T1,點打。結果就係場場唔被看好,場場都3:2拿下,果下先好野,仲要對手一次比一次強,真係幾熱血,雖然含金量係十足,但勝率亦係歷史冠軍之中最低,冇記錯係57%。

含金量:5星
統治力:2.5星

S12: DRX
DRX個冠軍算係近年S賽最爆冷既一次冠軍,唔計上古年代S2果次,亦係睇到我眼濕濕既一屆,因為Deft終於拎冠。陣容組成更加係差,一堆無名小將,加個老坑,憑住上天眷顧,運氣加實力,終於奪冠。依年雖然Deft冠軍,但其實睇返比賽內容佢係下路打得唔係好好,好明顯已經老左,冇以前S8係KT果種實力,對線成日都輸CS,係唔知點解個上路食左春藥咁勁,S11同S12依兩屆,我認為係如果當年重打多一次,冠軍一定會易手既兩屆。

含金量:4.5星
統治力:2.5星

你地又點睇?

欣賞你咁有心打咁大篇文

咁長邊有人睇

cls 原來十幾年喇

記錯 係Gen.g sor

S5既skt真係好誇張 全程不敗入決賽 講緊一局細分都冇輸過 唔記得係入到4強定決賽先比人第1次爆2塔
S6已經冇呢個統治力

樓主晴天打手？

Sor 其實分析左d 咩

分析咗冠軍點樣攞冠軍

S12 世界賽beryl啲遊戲理解

SSW當年真係好撚勁
世一

TPA！TPA！TPA！

S5S6最重要係下路夠穩

bang+wolf係世一下應該冇人反對

個含金量係點計
S2 tpa 親手淘汰當時最勁既m5喎

唔記得邊年開局一定上下線調轉對線，搞到開局勁悶

是咁的，因為s2既時候賽制仲好唔完善，TPA係因為種子身份直入淘汰賽，並無經過小組賽，奪冠只打咗一個BO5同兩個BO3依一個點佢既含金量一定係會比之後每屆低，小組賽會暴露好多戰術，亦會令大家更了解彼此，TPA奪冠同對手唔了解佢，成功藏招都好大關係，Toyz都講過T PA當年奪冠運氣都佔好大一部份，當年佢覺得球女依隻英好勁，但其他隊係冇發現，所以當時佢哋對伍係更加掌握版本，如果要打多個小組賽，結果又會唔會係一樣？同埋四一分推都好可能會俾人提早研究，佢打8強同4強仲要係bo3，基本上對手奶一次野，Tpa就已經掌握賽點，同Bo5差別太大。依個係我個人睇法

唔係，純粹係鍾意周杰倫首晴天，同個肥仔冇關係。

同埋TPA戰術係真係好單一，就係肥仔bd

IG 3路對線屈機到癲

s3 njs同skt打到game 5，skt贏得其實一啲都唔容易
s12 drx打msi冠軍，上屆冠軍，lck夏冠同T1，含金量應該係歷代最高？

DRX含金無5星？

炮娘計唔計

DRX含金量肯定係歷年最高，打贏晒LCK #1-2, LPL #2-4, LEC #1
其他咁多年not even close