[膝頭]公立骨科定私家專科

我係診所等睇佢，見有個學生係房出嚟手腕至手踭打石膏，家長比錢時聽到姑娘講個價我
聽到姑娘解釋照咗MRI 同丁丁屎止痕藥膏，斷手骨要照MRI真係仁醫

個藥膏唔記得$200定$300

有老婆仔女啦

mri照軟組織多 ,同埋貴好多

我fd 受傷膝頭 骨科醫生refer去照下都近6千元

佢睇過樹熊醫生 諗住佢比意見，點知條友無料到 比埋mri圖佢，話無事架，保守治療就ok, 仲叫佢keep住做運動

fd睇過3個骨科醫生，其他兩個，一個就話打prp一個就叫佢做關節鏡



樹熊條友係唔識睇定係為左賺多d referral既錢？

佢型同有料過樹熊好多

樹熊醫生睇落就似無老婆仔女 讀書尖子咁樣，又串又hea, 仲要話幫老人家 仁心仁術

人好nice, 做野認真，脾氣好

條友都係賺多幾舊水，反正呢d病冇生命危險

我上年隻手指公想打類固醇（因為彈弓指）， 打電話去以前QM脊椎組識咗30年醫生嘅私家診所，反而個姑娘同我講X醫生係睇脊椎不如睇診所另一個骨科醫生。

問診金連打針 $1000左右，都唔算貴。

呢個骨科醫生咪有醫得囉。 打類固醇針係骨科醫生都識，佢專長係脊椎唔會為咗錢其他骨問題都攬晒嚟睇。

最後整親腳指入咗公院骨科病房，醫生順便幫我打埋支類固醇

加油吖 我膝頭哥半月板都傷咗
照MRI先知原來係撕裂 前排做完手術

你照完MRI 份report寫咩 應該有寫乜乜injury???

如果運動員打波嘅真係唔好等 等唔起
我自己就唔想停年幾唔打波 睇咩年紀啦
私家貴就一定架啦 保守8萬～
你無保險無預算嘅
如果唔急唔影響生活就公立啦

結果有無做到手術

Hello，
今日剛做左

你個比喻會殺晒成個世界有流程嘅工作

我update下各位，我最後都係冇左搵其他醫生睇，
直接相信公立醫生。
做完醫生話至少放6星期假
但出院果時醫生比我既病紙係兩個星期，
覆診果日，係咪個個醫生都係咁開

係，覆診再開病假
抖得六星期應該做咗軟骨手術？

係，開左膝頭先知有塊軟骨直頭爛左，甩左咁，
之後搞 發炎，刨變厚既皺摺，鑽窿，加埋prp

乜都做曬咁滯 仲有prp打 抵做啦

開刀前入院果日醫生先同我講
話開左會會做埋PRP
BTW PRP好似好貴?

係，我知公立做開手術見到有咩問題都會做埋，
所以我都無謂去搵其他醫生意見同埋D醫生護士都好好，
仲幾靚女做完兩日都冇痛既感覺

有冇人有係QM做過韌帶重建手術
嚟緊十月中做 係比Dr Siu Kam To睇
我第二次扭親膝頭哥 照咗MRI
佢話我鬆咗 唔做之後會甩開有條路

師兄而家復康如何？
我都係軟骨(菠蘿蓋）磨損醫生建議我做鑽窿+ prp

黎緊將會重回工作崗位
抖左4個幾月
你有冇咩野想知，睇下答唔答到你

四個幾月咁耐
以為關節鏡算微創復康會快d tim!
而家做完有好到嗎eg 少左痛/生返軟骨？（不過好似係渣d 的“纖維軟骨”？）你其實咩位置軟骨甩左/磨蝕？

以為關節鏡算微創復康會快d
我初頭都係咁諗，原來個概念唔啱
微創只係個傷口細，唔代表係小手術
我好似係菠蘿蓋內側軟骨蝕左，
直頭有塊崩左甩左，好似係菠蘿蓋內側。

而家係物理治療當中，上落樓梯用力仲係會有痛，
但手術前果隻痛就已經冇左，一般行冇問題，未可以跑。
生番出黎既軟骨係渣d，但我問醫生踢波有冇問題，
佢話唔係太激烈應該都冇問題。

btw如果你工作係文職應該唔使好似我放咁耐SL

多謝你分享！
我係顧慮值唔值得花錢（骨醫話佢經驗保險未必包呢種手術, 我冇野斷/撕裂呢個手術唔係必需 我又不太想排公立）+復康幾個月去試呢個軟骨重生, 因為生出黎都唔係透明軟骨係渣d 嘅纖維軟骨 （我驚我繼續運動好快又磨走唒佢哋...但唔比我運動又好傷心）, 同埋個關節開過都驚會發炎/風濕果類
但又驚而家有機會比我試下做d 野我都唔試 過幾至十年可能真係退化要換關節

我做文職嘅呢個磨損又唔係好影響我工作, 係我比較喜歡運動（行山/跑步）唔想收山啫（我而家三十中）

好糾結...

我公立做，的確
做左鑽窿同PRP都未必會令軟骨重生，
當初公立都係話：做都未必可以完全解決問題。
我考慮既係我工作要行黎行去，興趣踢波跑步，我都係30幾歲人，
我當時考慮趁仲做到運動既年紀，不如搏下照做手術解決左佢，
所以選擇左做，而軟骨崩缺呢樣野，係醫生做完手術先同我講，
話開刀先見到佢甩左出黎，所以照MRI都未必照到晒所有野。
其實生出黎既軟骨一定係弱D，但應該我地呢D普通運動既，
唔太激烈同頻密應該都仲可以用得著，
你不妨叫私家醫生開轉介信比你去公立排期，應該平好多。
咁你錢果方面就唔使考慮太多。