One OK Rock巡迴演唱會討論區 (3)

日本牛幾萬yen 一張好撚貴

[member]決定幫呢度既巴打抽一張OORxMFS，希望可以一齊睇到。

先講一講以免比人話我假膠：
(2位巴打睇到既話請高抬貴手唔好爆我出黎)


今次仲有2次抽飛既機會，即「official 2次先行」同埋「一般先行」。前者最多抽2張飛，後者最多4張。如果「official 2次先行」都係落選，我會係「一般先行」 再抽，但如果「official 2次先行」 我已經中既話我就唔會係「一般先行」 再抽架啦。礙於日本電話號碼有限同埋要人幫手交錢既關係，我兩次抽飛都係只會抽多額外一張 ， 即係我一張+你一張。 如果兩次都抽唔中，咁證明我（地）真係無緣見證歷史誕生啦


今次我參考呢個post裡面一位巴打既部份做法：

因為係電子飛，所以會係開show前幾日 (i.e. 11/11) 先會有。所有分配門票、日本電話號碼事宜我會 免費 幫你搞埋。我只係收翻你門票同埋系統手續費 (門票¥12,000 + eplus手續費¥660 + 網上抽飛手續費¥330 + FamilyMart留位費¥220 = ¥13210)， 匯率我會以交留位費個日為準。我都係會用random name picker 去揀一個巴打。

我自己會偏向係開show之前親身見面交收電子飛費用而唔選擇e-payment，原因有兩個。
(1) 我會收到你既錢後就會即刻轉交比日本朋友，以免佢幫我地預繳留位費之後我拖住佢條數太耐
(2) 如果你開show當日先知道黎唔到，我就會蝕左一個位既錢，所以我都要確保自己唔會有金錢上既損失。另外如果你會係10月睇香港場既話，我地當日交收會係最方便到雙方。至於係比住一半錢當訂金先定係比全數就可以同你再com。

另外請留意有機會以下三個情況:
(1) 抽中缺陷席 (比場地既柱/機器檔住, 或者企唔到起身)
(2) 有可能要提供你既英文全名比我做電子飛分配程序 (呢個tbc, 有請其他有經驗既巴打指教)
(3) 要同小弟一齊坐

===========================================
簡單總結一下 :
- 此行目的: 希望多啲巴打可以見證呢場歷史性演出
- 缺點: 有機會抽中缺陷席 + 要比你英文全名作後續安排 + 我地需要一齊坐一齊睇
- 流程: 會抽多總共兩次, 其中一次抽中我就會停止呢個計劃
- 費用及付款方法: ¥13210 (包括門票+手續費), 以現金方式提前面交
===========================================


始終都係講求大家之間信任，但連同上次4月日巡我相信好多人都係非常之希望睇到日本演唱會，見到原來上次呢度咁多巴打抽唔中就不如略盡綿力，我亦相信大家唔會甩底/呃人。

可以接受嘅話，麻煩留名，6/9 19:00截止。我用random name picker 抽左一位巴打後我會以Telegram聯絡。確認所有以上內容既巴打可以回覆呢個留言去留名

最後Sorry for 1999 + 希望大家有機會感受東京巨蛋既氣氛 (+我自己都可以去多一次)

留名 唔該曬巴打
我11月機票都買埋 係差張飛
抽唔到都要硬食黃牛