同好多人一樣，我哋去瑞士其中一站就揀左Grindelwald，睇咗幾個酒店網見Eiger Selfness Hotel嘅評分都高，有山景又有廚房，就拿拿林book左四晚。
到咗退房前一日，我屌佢老味，我哋竟然喺酒店房俾人偷野
我哋個朝去完First就返咗酒店休息下，擺低部相機叉電，到八點就出門去食dinner。食咗個半鐘返到酒店，就發現兩部相機、相機叉電器同埋一條type c to type c cable唔撚見左！其中一個喼個密碼鎖都俾人改過黎！好明顯係有人入過我哋間房偷野！但我哋出門前已經鎖好哂啲窗，出門仲chok多幾野度門confirm鎖左。
發現俾人偷嘢，我哋即刻去左front desk搵staff，條友聽完都呆撚左
即刻話搵大粒野黎幫我哋處理。個位大粒野係叫Gisela Heller（臭G
） ，話喺Hotel Owner and Manager
佢聽完我哋講，都係一副震驚嘅樣
然後話瑞士好少有爆竊，佢自己屋企都唔鎖門。又話今次都係第一次聽佢間酒店有人被偷嘢。問完啲details，佢就話等陣幫我哋報警
但警察今晚唔會出現，因為聽朝先有technician返工，先有機read到邊個拍咗卡入我哋間房
叫我哋返去休息下，聽朝再update我哋。但我哋好撚驚條友夜晚又會用卡入房，所以叫佢轉過間房俾我哋，佢都應承咗。個陣我哋都覺得佢態度好誠懇
都信得過嘅。於是我哋就執野轉房，但都係好撚淆，大家都係坐左係梳化，唔係好瞓到覺。
第二朝我哋都仲未收到臭G嘅電話，又去咗front desk搵佢。佢同我哋講原來尋晚警察黎咗check房啦喎，但話無任何breaking in 嘅痕跡。至於房卡個到，佢show左個print out record俾我哋睇，話15/6 八點至九點半呢段時間都無人用卡入過我哋房
臭G叫我哋再親身去差館，再講清楚啲details同埋睇下有無serial number provide埋俾佢哋。
我哋報完案出到門口，見到對華人樣嘅couple，拎住我哋酒店枝野飲搵警察問野。
我哋就去問下佢哋係咪同一間酒店，係咪俾人偷嘢
結果佢哋都係同一晚俾人偷野！都係好firm鎖哂門窗！而且佢哋夜晚6-7點左右就搵咗臭G，條臭G對住我哋仲扮第一次遇到
同一晚兩單偷野，我哋覺得係有預謀犯罪！
所以我哋 2 pair人再上左去搵臭G，跟著佢先認其實過去幾個月都有人係酒店偷野，佢有諗過裝CCTV，但話酒店太大，又有好多層，好難做到
仲話尋晚警察同佢哋講其他酒店都有人偷野！我哋話門窗都鎖好哂，又無人break in，咁好明顯係有人用房卡入我哋房偷野啦，叫臭G要賠返錢俾我哋，但佢反咬我哋無將貴重物品擺係佢個細過屋企信箱嘅夾萬入面，同埋佢都唔可以100% guarantee到住客嘅安全喎
又話THIS IS LIFE!!!仲話佢有好多會要開，叫我哋唔好再煩住佢，official memo都要等佢開完會先寫到俾我哋。
我哋趕飛機同唔到佢理論太耐，臨上火車再去左差館問嘢。佢哋話CCTV is prohibited in public area，酒店有無裝就要再問返負責人。我哋再問咁附近酒店係咪都有人偷嘢，佢哋竟然話無收到other hotel guests嘅report
DKLM!!!!個條臭G由頭到尾都係到同我哋講緊大話！
我哋只係出咗去個半鐘食飯，擺明有人𥄫住我哋出入，一走就action
門窗都鎖左，無撬門又無用房卡，咁點樣入到黎偷野？
我哋問臭G啲房卡record有無人可以delete，佢話得senior staffs有authority咁做
我哋愈黎愈覺得成件事好鬼！咁岩我哋同馬來西亞couple都係被偷野後一日就check out！一定係預左我哋趕飛機趕行程，留唔到係到搞大件事！
封official memo都要email再催佢先send過黎俾我哋
我知你哋會話係酒店出門唔鎖喼，唔見嘢係抵死。的確我哋係大意咗，但過晒執房時間同鎖好晒門窗都仲俾人偷嘢，呢間酒店一定有問題！
希望呢個警世post可以warn到大家
唔好搞到我哋咁，成個trip衰收尾仆直咗
