《愛回家之開心速遞》今晚劇情正式交代「天才聯盟補習社」將會畫上句號，事關熊心如（蘇韻姿飾）及大小姐（林淑敏飾）都因不同原因宣布撤資，令幾位補習社的員工都面臨失業。書蟲（林浩文飾）和面油（羅永健飾）都分別搵到工，申瑞素（古佩玲飾）在共用辦公室開設占卜公司，反而博士生Candy（葉蒨文飾）苦無目標。Candy高學歷的關係，面試十份工，十份工都聘請她，但沒有一份心有期待。
在子穎（李紹堅飾）的鼓勵下，Candy決定將自己的興趣美甲成為職業，火速將化驗員的工作辭退，跟申瑞素一人租一間共享辦公室，發展自己的事業。
不少網友都留意到Candy跟書蟲、面油及申瑞素在餐廳分享對補習社的不捨時，全程眼濕濕、眼紅紅，原來全是真情流露。葉蒨文、古佩玲和羅永健接受《晴報》訪問，葉蒨文表示：「好唔捨得，島大畢業已經喊咗一次，今次再要告別補習社...」羅永健踢爆葉蒨文綵排該場戲的時候已經眼濕濕，帶動他們都非常感動不捨，葉蒨文說：「其實排練時我直情講唔到對白，但嗰場戲本身唔需要喊，只係我好感性，話晒補習社都拍咗幾年，有感情都好正常。無論Candy定我本人都唔捨得。」
羅永健透露雖然補習社的幾位演員劇情上各散東西，不過他將會有新環境、新挑戰，敬請大家期待。古佩玲雖然是補習社最淺資歷的一人，但其實過往以不同身分參與其中，跟幾位演員私底下都成為好朋友，「其實島大嗰陣我成日企後面，演過好幾個角色，畢業嗰集我都喺度，到後尾變成申瑞素，去到補習社第一次見面就係星座公主，真係好難忘。」葉蒨文笑言還記得申瑞素第一集在補習社出現，全部人一齊唱「屯馬開通真的很興奮...」這首歌改歌詞去歡迎她，葉蒨文說：「首歌係『迎接阿June真係很興奮...用屯馬線首歌迎接佢，所以《愛回家》真係見證住香港歷史發展！」
其實今次補習社的倒閉無疑跟蘇韻姿暫時未能「回家」有關，幾位演員坦言習慣《愛回家》不同的演員更替，最重要是演員之間建立的友情不變，他們經常都會私下約食飯見面，古佩玲說：「唔捨得個景同啲人形紙牌，我哋個個最後都有同個紙牌合照，補習社啲宣傳單張都有Keep住，留個紀念啦！」
葉蒨文在IG都有分享幾位演員的合作花絮照，「再見了補習社！Thank you for all the memories!! What an amazing journey~我最鍾意最後一張 #一team人 #後會有期啦天才們~ #天才聯盟補習社 #lastday #愛回家之開心速遞 #hkig」
幾時先同朱玲一齊
