原來統計處好低調咁公佈咗2021年堅尼系數

話說每隔5年政府都會公佈堅尼系數嘅

2016年嘅堅尼系數喺2017年6月就公佈咗，仲有新聞稿詳細講數據。
https://www.info.gov.hk/gia/general/201706/09/P2017060900417.htm

不過2021年嘅數據拖到2023年5月23日先公佈，仲要低調到隻字不提堅尼系數。
https://www.censtatd.gov.hk/tc/press_release_detail.html?id=5362

而且報告嘅內容縮水咗好多，舊嗰份報告有唔同款嘅堅尼系數


最新嗰份報告得返兩行：

係咪數據好差，所以統計處唔敢公佈呢？
唔知道，份報告冇解釋原因。以2021年僅有嘅數據嚟睇，堅尼系數係下降咗嘅。

我睇法係堅尼系數依個概念本身係有好多限制。
例如老人家退咗休，用「按原本收入計算」嘅數字就係零收入，但實際上佢未必係好窮。
又例如「按家庭住戶收入計算」嘅數字只係睇成個家庭嘅收入，唔理家庭入面有幾多人。
香港人口老化問題過去10年嚴重咗，突顯咗以上兩個問題，令到數據好差，所以唔公佈好過。
但只憑僅餘嘅數據，去分析香港收入不均問題又有幾大意義呢？

以下比較technical，冇興趣睇可以skip。
唔公佈「按原本住戶收入計算」嘅原因，我估係長者住戶大幅增加。2021年長者住戶數目比2016年增加咗29%，比2011年增加咗70%。
由於長者好多都退咗休，用原本住戶收入計出嚟嘅堅尼系數應該會大幅上升，所以用除稅及福利轉移後嘅數據先見得吓人。

至於唔公佈「按家庭住戶收入計算」嘅數字，只係公佈「按人口平均家庭住戶收入計算」嘅數字嘅原因，我估係同小型住戶比例增加有關。1-2人住戶比例上升由46.9%上升到51%，而且獨居長者數目比2011年增加58%。

共同富裕 又成功左

除咗堅尼系數，仲可以用十等分組別分析嘅
不過我未得閒睇

2016《主題性報告：香港的住戶收入分布》
https://www.bycensus2016.gov.hk/data/16BC_Income_Report.pdf

2021 《主題性報告：香港的住戶收入分布》
https://www.censtatd.gov.hk/en/data/stat_report/product/B1120108/att/B11201082021XXXXB0100.pdf

有無總結

傳媒有冇報呢啲新聞

香港人口老化問題好嚴重，令到個數據變得冇意義，所以唔公佈好過

呢幾年政府多左好多現金干預政策for貧窮線以下既家庭，呢樣可能都大影響

咩叫差先
經濟理論係低代表貧富收窄差距 -> 好
香港特色即係搞到啲權貴冇咁有錢 -> 差 -> 低調囉

啲高官個個係upper quartile 你估政府真係以堅尼系數低為榮?

亂comment 好易比人話煽動ga

啱啱搵過得hk01有報，其他全部冇報

呢啲外國標準係唔應該強加係香港
表示強烈反對

改名叫堅尼地數啦

真野唔好講

不過無論原因係咩都好，統計處都應該自己解釋原因。

有咁大改動又唔解釋，公眾梗係會自己諗原因，公眾諗錯咗嗰陣就唔好鬧返公眾轉頭。

堅尼系數太高對香港不是好事

巴打唔講依世都唔知系列

珍

一星期返一個鐘都當有工開

數據既嘢真係唔公佈好過

日日150死廢落嚟r錢，梗老化啦。

唔想太多數據俾人分析？