相信好多人都經歷過喺公司比人屈食死貓/老細缷膊瀨你/比同事跣一獲 類似嘅事
最近喺公司比個有後台嘅同事跣咗一獲
明明係佢deadline fight 又唔問人點做
份report 做得差比客鬧
但上司捉住佢嚟講嗰陣 佢扮曬野話係我老點佢
佢又高招 懶隱晦咁暗示話我教佢做既
結果上司走返黎話我
我解釋話對方冇問過我嗰陣
佢又即刻搶住出嚟話
"哎呀sorry可能我理解錯啦 佢都唔想搞成咁嘅"
然後同上司講一堆自己要點樣做好啲 要跟佢學嘢咁
最後上司好欣賞佢
但好明顯就係都係覺得我做得唔好
多咗層芥蒂
呢類事情唔係第一次發生 我本身都唔想再諗
但係見到王鋒個post 同埋咁多人留言撐佢
又繼續比viu 照住 就覺得好唔公平
明眼人都見到佢係故意咁做
專業dancer 一齊練咗咁耐 仲要係"兄弟"
點會唔小心freestyle 咗
阿澤喺台上面要舉手講個事實出嚟捍衛自己
需要幾大嘅勇氣
最後仲搞到比人foul 咗
佢竟然可以道個歉連對方個名都冇提及過
虛假到咁
Foresee 到最後等過一排等大家唔記得
佢就繼續靠後台 靠包裝上位
諗到呢度人生好灰
冇乜好勁既connection
擦鞋又唔叻
注定一世做人踏腳石
