【劇透】張敬軒Revisit演唱會討論區 (6)

寶礦力溝水

21號又要出活動
希望佢呢兩日有得抖下

香港不嬲得紅館係好其他都係垃圾

嗰班人都唔知係唔sensitive 定冇同理心，tn20佢健健康康精精神神咁有邊個唔想留喺度嗌encore玩盡佢？佢又講咗咁多次佢好鍾意我哋嗌encore, 如非真係頂唔順佢都想en耐啲啦，佢唔舒服佢自己都唔想㗎嘛

今次演唱會首首歌LED Mon嘅視覺效果都好靚，最鍾意裝睡的情人、迷失表參道同潛水嘅視覺效果。當初睇TN20無名指、騷亂情歌嗰part就係覺得個LED星球背景太簡陋（幼稚園級數）......

唱嘅話我嗰場發揮得好好，係裝睡的情人低音有少少吃力／悲劇人物flat咗少少同埋潛水炒咗少少之外，其他都好完美 隱形遊樂場唱法上太大開大合，都係適合唱live>>>>>錄唱片，現場非常震撼但用耳機聽得多，耳仔好容易會攰。整體最鍾意狐／靈魂相認／遙吻／懷舊情人／叮噹可否不要老／隱形遊樂場。

下次想聽隔夜茶／未來回憶／怎麼可／雲裏的月光／deja vu／感情寄生族／大霹靂

會展相對expo已經算好

成日好擔心佢（同其他香港歌手）嘅精神健康
香港人咩都mean一餐
人地唔舒服又係度話懶，扮弱
一唔啱心意就咁係度鬧

軒仔好鍾意encore，享受係台上表演，所以佢唔再出黎一定有佢原因
結果真係頂唔順暈低
最慘咁唔舒服都要俾人mean

咁搞法遲早出事
唔止軒仔，mirror歌手日日係公海俾人mean
歌手都係人黎
你試下自己唔舒服出黎唱到12點仲要俾人話扮病博同情
你返工俾老細咁質疑，自己會點諗

所以淨係希望香港人多d諗班歌手嘅精神健康
做人唔好咁自私

p.s. 希望Alex Fung, Marketville同其他公司唔好chur班歌手chur咁盡，俾佢地休息下，依家同殺雞取卵有咩分別

我明白
但mirror俾人mean有時係因為佢哋連基本standard都未到
就唔好同軒放埋一齊

所以我自己唔鍾意就算
其他人日日係公海鬧，仲要mean到癲就多咗

Anyways希望軒可以休息下，慢慢係錄音室錄多d音樂
呢兩年得兩首新歌，然後就不斷開演唱會
疫情後開54場，鐵人都頂唔順啦

一樣還一樣
笑AL病同姜濤精神問題就有啲過火

後面嗰段完全同意
唔休息點會有創作靈感同火花

坦白講 要唱嘅都唱晒
再不停開都只不過係炒冷飯

希望可以停一停 休息吓
等出過啲新歌嘅時候 先再開一個新concert

其實28、29首唔算特別多，只係多credit同埋啲tag長所以先晚晚差唔多12點先完場。尾場encore 環節啲tag短咗，本身以為係想爭取時間唱多幾首，點知原來係唔舒服

我都覺得真係要俾佢休息下 沉澱下
佢樣樣嘢都想做，立得太多旗
變咗最後好多嘢都做唔切，fans就會覺得你信口開河
前幾年佢講話自己要做唱作人要寫歌，個個都好興奮，當佢今日再立同一個flag嗰陣，我唔知其他人咩感覺，我自己就冇哂感覺，心諗：哦，ok，好呀，出到歌先講，呢種感覺
其實都睇到佢依兩年個工作模式都係不停馬不停蹄咁廣告演唱會廣告同演唱會，我明佢可能想keep住自己人氣同商業價值，不停討好啲出位fans, 但變相喺有啲真係純粹鍾意你音樂嘅fans會唔知佢jm9, 每一個行徑都好似唔想流失批新粉咁，某程度上有班舊人走哂都係唔多唔少有啲被漠視，被過橋抽板，被挑戰耐性嘅感覺
其實佢完哂啲演唱會之後應該好好沉澱下自己條路想點行，有咩嘢佢真係想做，想寫歌就真係寫歌，而唔好又俾藉口又話突然要搵錢好多廣告要拍好多演唱會要做而冇時間，我唔信所有野都係身不由己