藝人陳豪與老婆陳茵媺一向喺圈中模範夫妻，二人2013年結婚後一直保持甜蜜恩愛，並不時喺社交平台放閃大曬幸福。日前二人就到港島5星香格里拉酒店Staycation，慶祝結婚10周年，陳茵媺喺社交平台上大曬酒店豪華套房Room，紀念呢個重要日子，而陳豪就親自揸機為老婆拍片，仲為老婆準備咗「巨大橙盒子」禮物，夠晒驚喜。
陳豪一向愛錫老婆仔女，近年方便仔女讀書仲搬完又搬，名符其實喺「孟母三遷」。據知，陳豪早年持有將軍澳都會駅單位，之後轉咗去買大埔比華利山別墅約4千呎別墅，但後來因為大仔入讀黃竹坑新加坡國際學校，於是舉家搬到南區以每月約7萬租住南灣嘉麟閣單位。雖然租金貴，但陳豪就好睇得開，仲話每日可以方便送子女上學，慳咗時間即等如慳到金錢。
據知道，陳豪較早前又再搬屋，不過都係同屋苑，用超過10萬月租租緊嘉麟閣 一個約2,200呎單位。
雙租唔得咩
