大家幾多歲先知道屋企有冇錢

幾千萬負債

好撚細個就知道屋企冇錢開飯，然而而家大個咗大家都出嚟做嘢搵多兩個錢，我老竇真係唔知醜咁樣同人哋講窮有窮養

細個咳到甩肺想睇醫生個陣
俾人屌係咪好鍾意睇醫生，問我點解仲未好（因為真係病咗好耐
最係半年後自己好番
之後唯一目標係以後要實現睇醫生自由

是，當年話我住又一村，班公屋同學問邊區公屋，個名咁簡單

廿年前唔用紅簿仔 唔通用3310check balance?

中學去幾日遊學團交錢比學校

由中學開始啲雜費都係靠收入唔多嘅老母比同食自己
咁啱嗰陣新年完咗
我去校務處交錢比副校
攞住叠老母數好嘅新年利是錢
有十幾個利是封同一堆20蚊 100蚊紙
個副校呆咗 覺得我好慘
跟住幾日後我入咗校長房 個團費可以減半

小學雞上PE堂波鞋都無錢買,只得一對橫跨2年白飯魚,被同學遠離
孤獨性格成長,一個人食飯睇戲

我都係咁，屋企窮，但係都盡量滿足我同家姐…令到我哋大左唔會凡事只係向錢看

Covid 前年年歐遊，中小學一直以嚟身邊啲人都係一年起碼一次亞洲一次at least 1month歐洲旅行，嗰陣時仲覺得自己好窮

去到大學先發現原來好多人冇衝出過亞洲 :(


利申係一個窮L

加油

小學教到，我問阿媽，佢話係中產家庭
中學第一次識到出面朋友，原來有d人冇零用錢要part time
大學有d同學屋企已經full pay買樓俾佢，我就每日返屋企住

住又一村都唔讀私校

私校都會有公屋同學

校長都幾有人情味

講真小一/二都已經知，小三都firm。人會同身邊既人做比較，就算係屋村學校，都有啲較窮或較有錢。便服日就係最容易意識到。人地著哂啲名牌衫，你自己就普通街邊貨。當然實際上對金錢既認知係隨年歲增長。定義都唔同左好多。

同樣地諗緊點解行行下樓梯會跌兩粒

小學就知 由細到大申請好多唔同津貼
中學更加明顯 一個月得$1000零用錢左右
其他同學成身牌子野 我對adidas波鞋著左幾年都未換

上年爸爸走左
臨終前傾左好多野 先知佢當年為左養家好辛苦工作
甚至過左退休年齡都重要去做看更賺錢養家

細個唔識諗覺得爸爸做看更好失禮 唔敢比人知
覺得佢好孤寒睇錢好重 乜都話貴乜都唔捨得買
到自己大個先知原來一個人撐住頭家真係好大壓力
後悔當時年紀太輕唔識體諒爸爸
雖然窮但爸爸都將最好既比哂我地

好掛住你呀爸爸

係有，比例極少 同埋仲會問呢啲低能問題既人應該萬中無一。

當全校九成幾人都住私樓，或最少居屋既時候，公屋先係少數。 同學們甚至會認為屋企有車有工人同自已房係好正常。

咁係你屋企都對你夠好
你先會on99去到大專都唔察覺屋企咩環境

小學發現啲同學仔放學有時係爸爸媽媽一齊接，周末課外活動又係一家人出席，而我老豆幾乎365日都要翻工，就知自己屋企不算富裕，係靠佢日日兼職同拉高工時去維持家庭開支，大個咗雖然無咩兩句，但係心入面都覺得好偉大

一切都經歷了，亦都過去了

中學誤打誤撞入左英中，發現身邊所有同學都有學樂器，而我得知牧童笛時。

見到張稅單之後

咁啱個期學校教緊香港稅制 就計到屋企搵幾多