摟屌裙又名摟hi裙，內地稱之為齊B小短裙，正名「包臀裙」。一睇個名就知呢款裙有幾大威力，係一條可以引起男人慾望既裙呀！高登仔更加講過：冬天冇著過摟屌裙加黑絲，唔可以稱之為女人。
筆者好喜歡著包臀裙，貪佢著到線條又可以拉長身型比例，加上其實真係好易襯。每次著包臀裙加高跟鞋時都會發現一樣野：男士既目光都常都係猥褻但欣賞既，而女士呢，都係厭惡而歧視既。即係點呢？即係你著條呢條裙出街，有部分女人會忽然道德撚上身以「哇！洗唔洗呀~~」既眼神黎望你，仲會係從頭掃到落腳個隻，令你差尐以為自己下身咩都冇著！如果你著番工，就一定會有數個女同事同你講：「哇！你唔凍架？」「哇！會唔會短得濟呀？」「哇！你唔驚走光呀！」「哇，你行唔行到路呀？」哇~哇~哇．．． 早前網上有人share一個褸屌裙既post，我甚至發現有位平日女權主義當道既朋友like左一個咁既comment：「d女仔著到咁短真係被人非禮都唔好怪人。」老實講，以一個愛著包臀裙高跟鞋既女人黎講，你問我係猥亵既眼光難頂，定係女人歧視既眼光難頂？一定係後者！
香港係一個好神奇既地方，女權一早就大過男權，女人就做乜都得，疑點利益永遠係歸於女人既。舉個例，消費HeHe以任何形容詞，甚至用粗口都係可以既、係講笑係開心既，但話行動升級、讚靚女鬧臭西就全部係物化女性；生活化尐講，港女上下其手A&F男model係開放同開心既，但港男掂下女model就係非禮變態；港女煲韓劇睇韓仔沖涼係浪漫，港男睇AV就係咸濕╮(╯_╰)╭係咁既形勢下，港女仍然日日話要爭取女權，男女平等．．．但你又會發現，好多時，批判女人呀、批判風化案女受害者呀個尐，都係女人、八婆！成日話爭取平等既佢地會突然道德撚上身，認為阿邊個邊個唔應該著咁性感啦、衫唔應該咁deep咁貼啦、裙又唔可以太短啦，然後以你既性感淫賤黎襯托佢地既保守清純（文青就最鐘意呢尐襯托法啦）。其實好多物化女性批判女性既都係女人，但耐何男士經常往往躺著也中槍，只怪佢地生於女權香港。女權道德撚呢把尺同政府搬龍門係一樣勁架！人地性感就係淫賤、姣婆，自己flirt仔做第三者遺背道德就係無辦法控制唔到、個個都張愛玲上身咁樣，真係多變過24個比利！
又，對摟屌裙有微言既女人，一般都係身材比較本土既，即係點？一係C9個款、一係就A級港女、再加偏到無既patpat囉。除左衣著清純保守，佢地亦都非常偏好復古風呀懷舊呀個尐look，總之就係出廛脫俗啦。
其實呢，摟屌裙都要著得起先會有摟屌既效果，如果唔係，只會引黎一句：「哇！屌～～」
關於作者：微言
80後普通香港市民，鐘意寫字講粗口，最大願望係有日可以成為離地中產，不問政治又不問世事。 FACEBOOK: https://www.facebook.com/imlowly
http://www.vjmedia.com.hk/articles/2015/02/12/99074/
