早兩個月去日本，認識咗一位畜牧界超級大佬，佢除咗在日本有無數牧場及牛肉供應，傾開偈先知道，原來在澳洲也有一個島、紐西蘭也有牧場。 有他支持我小試牛刀從日本直接進口咗6噸日本國產F1牛及A4和牛，產地包括兵庫縣、長崎縣、香川縣、島根縣、福岡縣、大分縣等等，由於直接進口所以成本大為降低，而且更加新鮮。 特別是日本國產F1牛，一直在香港供應不多，唔係咁易搵到咁大量。 本來諗住用嚟降低成本，但係見香港疫情完結後整體市道麻麻哋，遊客返嚟香港仲少過香港人出去旅行，加上全球經濟減慢又加息，大家消費都審慎，所以我同同事商量之後決定既然來貨價平咗咁多，而且貨源穩定，不如索性推行牛角、溫野菜的改革，大家陸續會見到我哋餐牌上邊嘅選擇不但豐富咗，而且非常value for money，廣東話就叫做抵食，文雅啲就叫做性價比很高，與其我賺多啲不如賣平啲你哋每個月食多兩次好過。 如果反應好賣晒6噸，大丈夫！ 我就再買多60噸返嚟俾你哋。
相關改革會在未來幾天開始陸續推出，第一步會係HSBC匯豐信用卡日本國產牛套餐(抵食到你唔信)，然後陸續有其他推廣及餐牌更新，包括午餐餐牌，會喺幾日以致幾個星期內明顯見到抵食，然後一兩個月內包括牛角及牛角buffet的大餐牌定價都會明顯讓利給客人，再過幾個月新裝修的牛角陸續會有新形象，整個改更姑姐可以叫做Gyukaku Next。 詳細梗係要睇公司Facebook公布，不過既然係我fans提醒你哋早啲訂位。
