唔想幫人打工，又有小本想創業，記住記住，一定要自己一手一腳setup，唔好偷懶諗住直接買人地盤生意番黎
首先，賣得既生意多數有伏，個個東主開口埋口都話移民呀身體原因呀，屌啦有錢賺點解要俾人賺，真係做唔到，都益自己人，朋友親友，益自己員工都未輪到你啦。
其次，我地呢啲小本經營，搵得既都希望係搵平野買，正所謂好野唔平，平野無好，尤其係啲睇落好正既野，貪平頂番黎既生意9成9中伏，蝕頂讓費就甩到身已經要還神，最怕有債同法律責任要上身。
上轉facebook大把中伏例子，一係就同業主有租務糾紛，廿幾萬頂間小食店番黎，業主跟住無諗住續租or天價續租，個單位keep住爆屎渠業主唔肯整。一係就頂手番黎之後，啲設備係咁壞，隔離舖係咁惡意投訴你。反正啲問題真係層出不窮。
如果你新手，諗住搵agent幫手多個人把關，千奇唔好，仲衰過直接俾東主呃，因為你會俾人呃2次
你google下生意轉讓，頭幾個result，都係同一間公司。佢啲生意個標價最少mark高左3成，記住好似睇樓咁，簽睇樓紙同買樓落名果個可以唔係同一個人
（睇完盤自己諗辦法搵東主啦，人地成間舖係到，做乜要俾人抽3成水）agent係完全唔會幫你把關，東主講咩佢就同你講咩，更甚者，為左開單，東主講咩佢再吹大啲同番你講。就算合約話咩幫你keep起一半錢，等你滿意先放數俾賣家，係呃9你。當你發現中伏果陣（例如：頂左間飲食舖發現個大牌係轉唔到手，因為改晒則過唔到食環，要拎幾十萬出黎重新裝修），agent只會叫你打官司，贏左佢地先可以做野。
大佬，追討個賠償額先係廿幾三十萬，請律師打民事又係呢筆錢，仲要拖2－3年，根本就係無得追。最衰係生意中介完全無監管，無發牌制度，完全亂咁黎，仲衰過地產保險aa
我自己買賣過幾次生意，飲食零售，中過伏亦都伏過人，想創業既朋友隨便問，可以share多少少經驗等大家行少啲錯路，自爆唔答
