運動難度排名 不服來電

淨係分享我自己玩過嘅 無意攻擊咩運動

以下都係以一個正常鍾意運動既人角度出發
所以我把尺會放喺由入門>識打>街場勁人
呢個範圍入面去討論難易度

唔好下下都話打到nba有咩細節點點點
做咩運動打到頂點都難

身型對運動都有影響 所以都大概講少少身型
180/70 好少gym 有跑步
臂展好長 但上肢無乜力 對抗差
跑得快 跳得高 協調正常 左右手平衡

以下最難開始排：

1. 足球
本身用腳已經無手咁靈活 仲要啲技術動作咁細
腳面 內側 外側 片落唔同位又唔同效果
就算擺定個波比你踢 都未必可以下下好準
基本上除咗守龍 踢任何位置都係食體能 對抗大
位置感 觀念 捉重心 呢啲缺一不可
我覺得無論上手定要變勁人都係最難既運動

2. 乒乓波
可能我本身用拍唔叻 有半年時間狂打都係打得麻麻
球速好快 又要判斷對面落咩西做相應回擊
動作一樣係好細微 多啲少啲可能已經打出界
同埋新手同識打嘅人玩真係比人撚狗
對學新運動嚟講都幾氣餒

3. 劍擊
如果目標係去到識打/街場勁人級數
真係唔算好難 劍擊動作係細膩既
但主要係招數相比其他運動少
學起嚟基本上練熟幾招 知道對手唔同打法時點應對
就已經算係識打 之後再上去可能就係差觀念
距離感 出劍準度 反應呢啲 花劍會相對難多少少
體能都有一定需求

4. 籃球
我自己細個打籃球 點打都廢 後尾都打到頹
點知生高咗之後自自然就變到ok
令我覺得身體緊要過技術咁
直接用手觸球 動作相對易學啲
協調好嘅拍波好快上手 射波就日子有功肯練一定有
對抗就睇位置 依家風氣都越嚟越少
對體能有一定需求 而且依家多人射波空間多咗
對觀念 走位要求都越嚟越高

5. 排球
同樣係直接觸球 但動作仲少過籃球
有身高臂展已經解決好多問題
位置分工明確 基本上唔洗練晒所有技術
戰術變化多 攻擊手都看重觀念走位
但防守位置做到嘅嘢相對少 男排球速真係太高
殺波除非直接打中你先有得接
唔係都係以攔網做主要防守手段
無體能同對抗需求

大概係咁 我玩上述運動時間都有長有短
實會得罪唔少高手 預咗負皮 大家討論吓

電競都唔講 歴史上只有一隊有三個世冠

而收入嚟講 排名頭十最高收入運動員
邊類型多 都可以話係一個指標

健身呢

呢個真心難 打左幾年lol最高銀牌

網球

No.100 入張曼姿個閪 係人都入得 唾手可得

你講果d運動都好易上手， 玩過既運動唔算好多，但網球真係難上手

其實嗰啲極限運動可能已經可以霸晒頭幾名

都係大路野 網球我玩過
但連識打都未算 費事寫出嚟有偏見

咁都係 但無玩費事評 師兄有玩開可以分享吓

係咪難在搵錢返嚟玩

無乜接觸 入gym房舉過嗰幾嘢都拎出嚟講實比人屌

屌你呀咁都要搞事？

我有踩開滑板同BMX，好多時你個膽量都要有咁上吓，如果唔係好容易受傷

劍擊邊度有街場

Ice hockey
玩左兩年都仲係同初學無分別，要學要練既野多到不得了
香港冰場平時仲要好多連hockey鞋都唔入得
練到可以同人正常打一場波有貢獻而唔係淨係行行企企已經好難

無羽毛波？

依家條街周圍都有刀有劍玩

美足已經難過足球
有打過
腳步要練，接波又難

咁排名最低個樣, 公屋連燈仔有冇興趣去攞世一

我覺得要用架撐既本身已經難打啲
仲要溜冰本身要溜得好已經有排練