絲打圍爐｜蔡潔自認介意同李佳芯撞樣：我唔係好想提到個名 最新娛聞 東方新地 Jun 3 2023 最近憑TVB劇集《一舞傾城》成功彈起的蔡潔，早前現身蝦頭和連詩雅所主持的《絲打圍爐》接受訪問。蔡潔在訪問中不但承認介意被稱為「李佳芯2.0」，更表示因曾經全裸肉搏TVB總經理曾志偉而感到非常困擾。蔡潔自認介意同李佳芯撞樣：我唔係好想提到李佳芯個名 蔡潔自從一出道以來，就不斷被外界指她與李佳芯撞樣。對於經常被指為「李佳芯2.0」會否感到不悅時，蔡潔坦言：「首先想講唔好意思都要講句，我唔係好想提到李佳芯個名，因為我覺得其實打擾到人，成日都咁講。近呢幾年又多咗個Tag，就係全裸肉搏完總經理之後，又李佳芯2.0，個title越來越長，有時連個題連我個名都冇，你話有冇唔開心，一定會係有。」不過蔡潔指觀眾的眼睛是雪亮的，假如自己越做越好，觀眾都會睇得出。
不忿總被提起「肉搏曾志偉」
憑電影《香港仔》出道的蔡潔，第一部電影就同總經理曾志偉全裸肉搏上陣，如此破格的演出當然經常被網民提起，不過蔡潔直言因此事感到非常困擾：「頭先講到《香港仔》，其實從我真係宣傳《香港仔》開始，直到過咗嗰一年之後到7、8年之後，我做所有嘅宣傳訪問都會同《香港仔》有關，都係『全裸肉搏』、『總經理』咁樣嘅一啲字眼，咁其實人哋都係一個女仔嚟㗎嘛，一定會係介意同唔開心。」
蔡潔表示因為《香港仔》的破格演出，而經常被標籤為「全裸肉搏總經理」的演員。（圖片來源：Youtube@ChillGOOD TV ） Advertisement x 接受唔到《香港仔》尺度 笑指當年太無知 蔡潔亦談及到做咗多年演員之後，認為演員身處一個完成任務的位置，她說無論導演幾變態，劇本幾難，都要演好該角色。當被連詩雅問到暫時有什麼類型的角色難以接受時，蔡潔笑指：「《香港仔》我接受唔到㗎！嗰時可能因為我唔識嘢，就覺得好正，有得做呢一行，有得同影帝一齊工作，係大導演啊。宜家見識多咗，就心諗『洗唔洗啊？』」
