大家好!我想同大家分享尋晚帶狗狗睇病,而換黎怒火嘅經歷!記住,唔好帶狗狗睇深水埗城大動物醫療中心看診 !
尋晚Habie嘔到出血,我覺得去睇一睇醫生安心啲,夜晚11點幾到深水埗城大睇醫生。
結果我哋用咗2000幾蚊,買左成肚氣返嚟
我長話短說:
1. 疑似獸醫實習生塞唔到支探熱針入Habie屁屁 就放棄 話「佢應該都冇發燒嘅」就走人
2. 喺診療房入面, 有一個醫生加3個實習(咩都無做嘅人, 睇住Habie喺枱上掙扎大叫,佢地只係皺眉企喺度,完全無諗過點去安撫隻狗)
3. 醫生好唔客氣地話Habie行為好有問題,叫爸媽諗下點管教呢隻唔合作嘅1歲半柴犬
(識Habie,見過Habie嘅人應該絕對唔認同)
經過:
入到城大 Habie 一直都好平靜
直到疑似實習生出現 Habie 開始前所未有咁緊張
實習生一手就想擘開Habie 個嘴check牙肉
完全無諗過要先俾隻狗適應下
(做就之後Habie崩潰嘅情緒)
然後佢想探熱 但因為Habie 掙扎 佢就放棄探熱
話「佢應該都冇發燒嘅」就走人
我真係O哂嘴
呢個唔係佢嘅責任嚟嘅咩?
之後入到去診療房 入邊明明仲有幾個人企喺度 但佢哋真係淨係企喺度
無論Habie點掙扎 點情緒失控 佢哋都係企喺度 仲要皺眉
得哈爸一個人抱實Habie 我就不停摸住佢
唯一一個有郁嘅就係嗰個疑似實習生 拎個頭套嚟罩住Habie
之前喺其他診所 無論打針定係有病睇醫生 喺診療室入邊嘅護士都會好友善咁摸下Habie 嘗試安撫佢嘅情緒
佢大叫佢掙扎時 啲護士都會摸吓佢 叫佢唔使咁緊張
我相信狗仔係會感受到周圍人類嘅情緒
今次佢咁激動 唔係佢行為有問題 而係整個診治過程嘅氛圍 令佢好不安 好緊張
我從來冇見過佢亦冇聽過佢咁大聲地掙扎
比見到佢嘔更令我心痛
嗰一刻 再望望身邊企喺度只顧住皺眉嘅所謂醫護人員 我真係好嬲
再俾個醫生串一句: 你哋要諗吓點樣管教你哋隻狗
無疑係火上加油
總括嚟講
呢班夜間嘅醫護人員毫無愛心 毫無職業操守 毫無耐性!
完全不配做獸醫(學生)!
至於Habie 點解會嘔
醫生咁講:
「而家check唔到Habie 點解會嘔
如果想知 可以抽血照X-ray
不過你隻狗咁樣都唔會照到」
最後收左2000蚊
以上係我尋晚嘅經歷同感受
建議大家唔好幫襯呢一間動物醫院