日出康城個設計師都幾破格！

呢單之後，應該連裝修工程都要入紙申請，要屋宇處批先有得做裝修

咁呢個蜘蛛網就大囉，
設計師，設計公司，裝修工人，裝修公司，咁樣連落去，check到其中一個出事就起晒所有case出黎check，

其實室內裝修好少好少會入BD，
入得BD既裝修主要都係餐廳鋪頭有大改動（因爲要出牌），
又或者改動到令街外人都見到既裝修（例如將啲窗改大，分體式冷氣裝機架掛牆身，安裝伸縮簷蓬或晾衫架等等）。

一般裝修公司如果你要求佢裝修要跟足例入紙小型工程，一般二至三級既小型工程都會收你約3000~5000蚊一份（i.e., 如果你要室外掛分體式散熱，打大隻窗，加晾衫架，改坐廁位置（會影響公家去水喉計），咁樣已經係4份），如果係要一級小型工程既改動，就入紙起碼過萬，而且申請時間都以月計，不過入得一級，通常改動都真係大到一定要入架喇（例如要砌超過3米高既磚牆），再大啲既改動，即係涉及大廈結構既話，就小型工程都cover 唔到，要入A&A，果啲就真係好貴同要好耐（例如要係室內加部升降機）

btw, 小型工程不等於裝修，裝修本身你只需要知會大廈管理處就得，小型工程係講緊裝修裡面既某一啲比較明顯既改動，條例裡面有列明邊啲改動需要小型工程，但一般換下地板，油漆，搭棚油下室外牆身，裝下衣櫃，換下門，砌小量磚牆，換電線呢啲，係唔需要入小型工程，你想入，條例裡面都無適合既item 俾你入。

100牆應該拆得
呢橦野唔高 結構野少好多

屋宇處邊有咁多人用
每日香港大大小小裝修單位應該段千計。

其實而家就算你依足程序入小型工程，
屋宇處都只會俾張acknowledge 既紙你，
證明佢收到你既申請，
如果8個月內（唔知而家仲係咪）無收到進一步通知就即係無問題，
如果3級既話，你做完先要通知佢，
2級既話，做之前兩星期入，做完兩個星期內再入，
一般二級同三級佢地都唔會理，
你入左就算，
只會極少量咁抽樣檢查一啲入紙有無問題以及會去現場影相跟進（我試過入二級要拆一啲餐廳既室外後巷廚房抽氣喉，完工一個月後BD寄封信黎話我要改動既位置影相影唔清楚，要我影多兩張俾佢，我影完入返紙，佢就無再show 我，即係過左骨），
1級就好好好麻煩，要好多專業人士既簽名，同埋屋宇處一定會派人黎睇場，但一般家居裝修要用到1級真係少之又少。

而今次日出康城呢單，就肯定就算依足程序入一級小型工程都唔會批。

設計師其實係香港無專業資格，
呀豬呀狗都可以叫自己設計師，
但結構工程師就分兩級，
低級既係PE，即係professional engineer,
PE 會識結構計數，但未有專業資格唔可以簽名，
再上先係RSE，即係registered structure engineer,
RSE 會識結構計數，而且可以幫人簽名approve 啲圖紙，
好多時都係PE計完數畫完圖，
然後由RSE 撩隻龜。

鬼叫條仆街搞串party 咩；佢乜則都無入過，連通知屋宇處都無通知過。

條友害全行

返貼吧啦

快backup

6千幾萬都俾到
個業主都唔係普通人啦
衰咩條例搵律師搞都係賠錢搞掂

買埋上下一齊爆

做咩唔吠我

睇抖音最型