Alice Wong（王籽）為香港第二位AV女優，早前到台灣拍攝嘅無格仔AV亦已面世，不過評價就未如香港首位AV女優素海霖（絵麗奈）；素海霖雖然出道作被指身材肥胖、上圍無海報咁豐滿，但Alice Wong嘅負評仲多，唔少網民都表示佢皮膚黃又有紋身，臀部更加有唔少黑印，直指睇到唔開胃。Alice Wong就曾出PO細訴遇到負評嘅心情：「關於片中我會聽會改，肥可以減，撻撻我會整，其他嘅廢話就只會做自己。」
近日，Alice Wong接受媒體訪問時透露自己身世。22歲Alice Wong表示自細於高壓家庭成長，父母對佢又打又鬧，甚至鬧佢係「雞」，所以令佢決心要紅改善生活狀況，更加抱有「冇錢就萬萬不能」嘅心態。Alice Wong曾經有過一段婚姻；18歲認識前夫並誕下兒子，一家三口住喺父母家中；前夫更加嫌棄佢產後身材走樣及無能力搵錢。Alice Wong表示二人結婚3年便離婚，結婚期間前夫每月只畀4、5千元家用，離婚後亦無畀贍養費，囝囝嘅學費僅負責十分一，於是佢曾任職售貨員、飲食業、硬照模特兒賺錢，試過每日僅睡4小時，又無時間陪囝囝，捱咗一年就決定全職做模特兒及影相，直至喺機緣巧合下認識一位台灣拍攝大尺度照片嘅攝影師，再經介紹之下去台灣拍AV。至於囝囝長大後，Alice Wong表示都唔介意話畀佢知自己曾為生計影性感相、拍成人片。縱然前夫曾喺知道佢拍AV後有打電話鬧佢，但佢認為前夫無資格鬧自己......
原文：https://hk.news.yahoo.com/%E7%AC%AC%E4%BA%8C%E4%BD%8D%E6%B8%AF%E7%94%A2%E5%A5%B3%E5%84%AAalice-wong%E7%82%BA%E7%85%A7%E9%A1%A7%E5%9B%9D%E5%9B%9D%E4%B8%8B%E6%B5%B7-%E6%9B%BE%E9%81%AD%E5%89%8D%E5%A4%AB%E8%BE%B1%E7%BD%B5%E5%8F%8D%E6%93%8A%EF%BC%9A%E7%84%A1%E4%BD%9C%E5%A5%B8%E7%8A%AF%E7%A7%91%E5%AE%B3%E4%BA%BA%E5%95%8F%E5%BF%83%E7%84%A1%E6%84%A7-053200958.html?feature.socialseeding=social
