［上車］先上2房再換樓定直上3房？

啱，住幾年就走要揀啲雅裝樓，keep到幾年啦

Nope, 是會爆升, 進入大牛市，百年難得一次的機遇。XG正式脫亞入歐，重振殖民地時期輝煌盛世。

如果早幾年19年未有林鄭/波叔plan
就焗買兩房等機會轉三房
但宜家有波叔plan1000萬九成就唔駛諗
一步到位三房，慳稅慳時間搬屋

有小朋友買三房係基本，無論生一個定兩個

睇你有幾多錢喺袋㗎喎？

睇你有幾多錢，如果你有能力買同一個心水區分既兩房同三房梗係買三房。

不過如果係我會買兩間兩房

你間兩房跌左但間3房唔跌？

係，三房隨時跌仲多，但假如你9揭上車嘅兩房跌咗一成，賣樓已經無錢拎得番出嚟，除非你供樓同時仲可以額外儲到好多錢啦。

如果諗住生小朋友，一定三房

到你有小朋友你會發現3房都未夠，想要3+1工人房

香港地兩公婆打份工家庭收入5-6雞都基本，基本上實會想請工人。兩房基本上搞唔掂

而且唔好諗有左先去換樓，到你有左BB根本唔會有心機去換樓。

如果無諗生，咁講真住幾多房真係無所謂自己開心。唔洗理人意見。

如果會打算生而有能力，一定係一步到位買3房。有大買大。買大最多係買貴但一定唔會買錯。

如果只可以勉強9揭上車 本金都買唔到3房

我認同2房轉3房既費用貴 （按保 稅 aa佣等等)
但如果無咁大本金 買左兩房先 過幾年再轉都叫做有個置業階梯 如果供間兩房都已經儲唔到錢 更加無可能買3房

當然你一開始本金夠大 直上都可以

同你講呢d 一係中學生毛都未生齊，一係就係住公屋仙都唔仙，正係識係到唱淡同叫人移民， 但自己就係香港死做爛做攬住層公屋死都唔放手

生小朋友就直上3房

之後換樓既話
時間+換樓成本太大

加上而家樓價下行週期
理論上3房會抵過兩房

推到第6頁，樓主都仲未現身。
記者朋友你好👋🏻

一定3房 供得起即係加埋月入150k以上轉工輕鬆220k

到時一開二供多間2房都重得

輕鬆

同你差唔多情況
我揀咗case 1
寧願手頭有錢鬆動啲
同埋我自住
暫時兩房都夠用

你預生仔一定有大買大

買2房，盡量簡裝然後將來有小朋友再換3房
穩陣d又再儲多d彈藥來換樓

我覺得睇你兩個咩職業

如果你兩個係類似護社教年年跳point，做多幾年其實買到1000萬樓，就倒不如儲本金直上三房，我自己就覺得長遠慢牛，係可以咁做

但如果只有一個跳point/ 可見將來無咩大人工加幅，就不如平平地一步到位買補價居屋三房仲好用

所以真係百貨應百客

首先你搞清楚買樓目的係咩先
投資儲錢定生小朋友自住？

另外係邊度嘅2房同3房先，有啲2房仲闊落個3房。
仲有新樓/舊樓，尺數，層數，景觀，有無裝修，好多野要考慮。

想當年我都係諗住買2房，睇睇下俾aa帶左睇3房，自己又好鐘意，所以炆車邊上左3房。

買樓都要講少少緣份，最緊要睇多啲樓你先有比較。

最後當然要聽你另一半意見，你想同佢有小朋友嘅話，佢一句唔鐘意嘅你都應該唔會買。

買細3房，無套廁果啲
進可攻退可守
只係兩房價貴少少
最後唔生仔就爆佢做兩房
生仔嘅就可以住到小朋友起碼小學

諗住請工人，應該基本上都3 房架啦。
唔請工人，自己湊仔咪2房先

咁巴打快d大手購入
我睇穩步下跌
但值唔值租2年去等就可以商榷

三房自住爽