命運石之門根本吹大咗

歌好撚好聽喎
幾鍾意痔瘡春袋丸啲歌

老實講 點解冇人認同2套都係佳作
係都要踩死另外一套 黎拎優越感 lol

負皮
上一頁

命運石之門好多位都可以自圓其說 成條時間線都好清楚 不過夏日都唔差 但一定贏唔到命運石之門

劇情人設節奏畫風

我主觀認為除咗你可以話石頭動畫比較崩之外
上面呢四樣都冇得比

Huke嘅畫功點會差

本身都唔j黑皮
依個係我唯一一個j得落既黑皮…
主要都係聲優同性格昇華

要講就係菲利斯喵喵、琉華子呢兩條線太過平庸，其他劇情幾乎100分
真係得小圓呢啲完美劇情+完美美術設計+完美音樂先有機會過到頭

夏日重現我係真係當左做石頭門接班人去睇，但論劇情真係爭少少

琉華子我覺得ok
但菲利斯真係有啲難接受
有邊個會因為朋友而放棄自己親人 有啲夾硬黎
命運石之門劇情上最差就係菲利斯條線
只係唔影響主軸劇情先冇乜人講

本來想睇多少少沼男 (扮本體)
結果好似都唔多關事

基本上galgame改嘅動畫, 唔cut班速食觀眾就話悶, 一cut就變垃圾
Clannad動畫神作, Rewrite動畫垃圾就係一個例子

要睇埋0先會有完成史詩級任務既震撼

其實依家個時代睇clannad仲會唔會當佢神作
可能2x都滿足唔到

套套野連登仔都話吹大左架啦
雞毛蒜皮小小事都要開po

你真係收撚皮啦扮乜野客觀，扮乜野想同人討論，你扮撚夠未

我話石頭門前12集對應後12集係神來之筆，你就同我講話我美化石頭門12集好撚悶既劇情
但套野冇頭12集，後12集就唔成立，人地個故事結構就係咁

再加上上面都有巴打講當年時代背景容許節奏慢啲，節奏慢描寫深先係主流，而家世代就係要節奏明快，你係都要夾硬拎住呢點話石頭門節奏有問題，而家邊個夾硬嚟

即係你拎鄭少秋battle鄭中基，然後話鄭中基啲歌好聽啲因為啱而家大眾主流啲，唱腔現代啲，鄭少秋啲歌同唱腔又老土，所以鄭中基超越鄭少秋

你聽到呢啲logic覺唔覺得尷尬

時代背景唔同，大眾追求唔同，請問劇情節奏呢樣野既又如何可以對比？

你一下就落呢啲定論，咁我分析比你聽嚟把撚咩，你都唔識用個腦去process人地講乜，最核心原因係根本你default 就係踩緊石頭門，覺得石頭門廢過夏日時光，所以先引申到你乜野新作超越舊作logic

同埋你比乜撚野，都冇對照可言，你要對比潔世一vs大空翼啲乜柒，鬥邊個人物描寫多啲定邊個踢波勁啲?
咁點定義人物描寫多同踢波勁？
足球小將畫咁多年都係講緊大空翼咁佢人物描寫既篇幅實屌打潔世一？
大空翼拎過世界冠軍，潔世一仲係on99未拎過，所以大空翼又屌打潔世一？
所以blue lock就超越唔到足球小將？
新作超越唔到舊作？

呢啲咪張飛打岳飛，自己柒啲乜都未知就喺度吠，踢波最撚勁係閃十一添呀，踢撚到去外星，踢到返埋過去呀


仲好意思人身攻擊我，講唔撚掂數就人身攻擊都真係動物台慣常做法 你柒唔柒呀

依家啲人會話第一季好悶,
之後出個post講 "Clannad根本吹大咗, 四月是你的謊言好睇好多"

時代背景問題，係當時既時代背景先可以容許到呢種節奏，你要而家重現返都冇可能

你下下拎而家既眼光、畫風、節奏嚟對比既話，其實所有舊作都係節奏慢、畫風差既垃圾，唔洗下下針住石頭門講

例如今日我想開po講水星魔女vs元祖高達，元祖高達就係一套節奏慢、好易估到發生乜事、畫風柒，又成日畫面崩壞既垃圾

個對比根本就冇意義

結論︰夏日重現好好睇，不過係樓主係on9

On9 夏日重現後面變左打鬥為主，命運石由始至終貫徹命題

其實龍珠 以前想到變頭髮變色變長度, 合體等
好多都係當時嘅正野 / 新野
依家睇, 「其實啲橋段都好普通」

如果對文字遊戲有興趣, steins gate elite 全語音,用埋動畫畫面係良好入門作
好多時文字遊戲得立繪, 內容唔夠睇十幾個鐘就會比人話短
動畫化咪多數無兩季都搞唔掂
一cut就無曬細節, 但原本細節係文字

讀中文都有教時代背景對作品嘅影響架...

就係呢d垃圾引戰post拉低哂動畫台個討論水準，兩套都好睇 點解要踩低某一方黎抬高自己鍾意果套呢