「FIRE – 財務自由，提早退休」，只要FI，不要RE，RE是騙人的

FIRE = financial independent, retire early = 財務自由，提早退休

Blind是矽谷的匿名討論區，很多科技從業員上交流就業情報。雖然Blind是匿名，但必需使用公司電郵註冊，所以不似Reddit那邊太多閒雜人等。討論雖然不一定有禮貌，但內容有一定程度的質素保證。Blind有一個不成文規定，留言必需要報上年薪銀碼，儘管沒有辨法知道真偽，但總不能偏離薪金行情市價太遠。如果心理質素不夠高，上得Blind多會很自卑，在FANG打工的網友幾十萬鎂年薪起錶，新畢業生年薪也至少過十萬鎂。

近日有一則帖引起很多人參加討論，話說樓主最近領了一筆七百萬鎂的遺產，他本身某大tech公司任職，年薪也有二十多萬鎂一年，不過工作壓力很大，他考慮好不好提早退休去享受人生。七百萬鎂以目前三十年國債4%利息計算，每天大約有二十多萬鎂，正好等於他辛辛苦苦返工的收入。

網友們七嘴八舌給意見，有詳細的投資建議，也有關心他年紀輕輕便退休會不會悶。我當然也有加入戰團，我給他的建議是與其退休零收入，不如輕輕鬆鬆打風流工，只要不再追求升職年尾高評分高花紅，當個老海鮮每星期蛇王做少過三十個小時沒有難度。輕鬆地賺錢買花載，才能真正享受人生。

FIRE是代表財務自由提早退休，追求財務自由這點很容易理解，錢不足生活壓力很大。早兩年我細仔出世後，在我轉新工作大幅加薪前，每個月收入剛剛夠用，要左計右計節省開支，每年去完旅行後戶口清零，沒有多餘的閒錢去投資儲蓄，精神壓力真的很大。退休不工作完全沒有收入，只靠投資收入支撐生活開支，還要負擔投資失利蝕錢的風險，光是想像已經覺得會很大壓力。沒有收入坐吃山崩，又何如能夠擁有財務自由，FI和RE根本是自相矛盾啊。

很多坊間提倡的FIRE計劃，鼓勵投資儲蓄達到財務自由那部份很正路沒有問題，但講退休後的生活那部份卻有很大問題。FIRE計劃總是說退休後要降低物慾，減少消費，過簡單生活。要慳住慳住洗錢，是那門子的財務自由？真正的財務自由，是買東西去餐廳完全不用看價錢牌，想買什麼就買，想吃什麼叫吃，出門旅行坐商務住五星級酒店，去看演唱會看打波坐第一行。我不知道要多少積蓄，才能在不動用本金只靠被動收入，仍然能擁有真正的財務自由。我只知道我現在的收入遠遠不夠，更枉論要提早退休了。

七百萬鎂以目前三十年國債4%利息計算，每天大約有二十多萬鎂

Fire係不再為錢工作，唔係唔工作。

利申fire做緊pt保安，隨時放假去旅行。

噢~ 寫錯字。每天廿萬鎂，就真係唔洗做。

寫果個都未明咩係Fire …

FIRE＝財務自由，提早退休
問題係提早退休，就很難財務自由

作者強行扭曲fire意思

fire一向強調每人嘅支出都唔同，你鍾意食好西唔使睇價錢睇演唱會坐握手位，咁要達到fi個水平咪相應提高囉

financial independent係講緊財務獨立，唔需要再依靠打工嘅收入去生活，依靠其他被動收入就可以維持生活水平

需樓主講個啲乜撚唔睇價錢飲飲食食，想玩乜就玩乜呢個啲叫做發達，或者香港人所理解嘅「財務自由」，但呢種並唔係作者原意

其實樓主想要你口中嘅財務自由，好難唔打工維持到，估計你都係打工打到70歲退休啱你啲

這正正是FIRE誤導人的地方。只要你物慾夠低，領綜緩就可以馬上退休，根本不用存錢。

一開始你要存錢先可以退休，就代表你對生活質素有要求。那退休完全不做野，就不會是最佳的選擇。可以選擇打風流工打兼職工，有一定現金流和平衝返工時間等等。而事實上最佳的選擇，就是不要面做一個尸位素餐老海鮮在職癈人。應該咁教人才對嘛。

七十歲有人請，只要人工夠高，工時夠低，我最唔會全退休。

我公司就有個伯伯contractor，退休後回來寫code過日神，一年只返八個月工，四個月同老婆去旅行，每天五點準時收工。我依家個director仲係做卒仔時，個伯伯就係佢個director。

對，只有發達了才有真正的財務自由。
要就住就住洗錢，何來自由。「財務自由」根本是在誤導人啊。

那是基金騙你去存錢的廣告，提早退休後就會發現貨不對辨，沒有現金流，根本就財務不自由。

要依靠被動收人可以維持生活水平，就是要發了達才做得到。說只靠打工儲錢可以達到，根本就是騙人。不然你去領綜緩也算是財務自由了。

這正是我想表達的話啊。
恭喜你可以FI，但你沒有RE喎。
FI 十分重要，但RE就不必了。

財自financial independence定義唔係一直係資產洐生回報多於你生活所需咩? 如果提早退休, 就很難財務自由, 咁即係你未揾夠錢財自

咩叫fire誤導人？你係咪覺得‘身體健康’呢句說話都誤導你？

如果有人物慾真係咁低，而又有資格拎綜緩，咁佢確實係fi狀態（大把白卡過緊呢啲生活，其實幾chill)。不過佢無權調配佢嘅被動收入，呢個狀態又唔算好自由

其實你係咪對fire有誤解？fire係一種狀態，唔使為錢打工，你嘅時間真正由你支配，做黎生、義工、發展興趣，真正由你話事

簡單講樓主認為財自=發達，一般人認為財自=唔打工都過得去，道不同不相為謀

高質留言
RE紥炮咁就即係未夠FI
我都係類似處境
要RE, 要可以靠收息過活，最好係靠利息既利息，咁就可以真正RE了

最後都係昆你去投資, 然後蝕晒你啲錢， 最後佢財務自由， 你就繼續返工

一年廿萬美金息都唔夠退休
你講嗰啲食好西住五星級完全做到喎
如果夠既話 呢個算係support 篇文既例子咩？

個問題係FIRE叫你存多錢買多D基金慳住洗，就夠錢提早退休。根本是販假希望比打工仔。

那叫存錢然後追尋夢想，轉換人生跑道，不叫提早退休。

好老實用你講，係矽谷一家四口要生活舒適，廿萬鎂一年唔夠用。甚至任何一個美國大城市都唔得。除非搬去泰國住就得。

Blind原po入面大家例了好多的數據，大約要三十萬鎂淨開支才叫做有舒適生活。計埋要儲蓄要交稅之類，收入要超過七十萬鎂才夠應付。