間鋪開喺3樓 就喺樓下等𨋢嘅時候 有個自稱係staff嘅男仔行埋嚟問係咪食鳥貴族 可以幫我地問吓樓上咩情況 咁佢用對講機講咗幾句日文之後 就話樓上間鳥貴族要等30分鐘 然後拎張poster講其實隔離5樓都係同一間集團開 我見佢個牌又差唔多樣 我真係好撚餓就信佢上咗去
上到去都叫伏伏地 間鋪裝修好舊 但都見仲有兩枱日本西裝客喺度 就照坐入去諗諗求其其食一餐 打開佢點餐個tablet見全日文 但啲嘢食又唔算貴 平均200円一串串燒度 就同女朋友兩個人叫咗8個串燒同2杯嘢飲 但一上杯可樂即刻屌咗出聲 成杯勁淡冇味 難飲到飲咗一啖就唔想再飲 心諗反正都要俾錢就求求其吞落肚再去隔離食一蘭 但屌 啲串燒等咗我成半個鐘先上 仲要都係唔好食。
本身呢餐都食到成肚火 但點知去到埋單仲on9 2杯嘢飲幾串串燒收我成7000円 問佢攞單嘅時候 見佢有一項お通し收我一份1760円 後尾查返先知係果份得幾條芽菜嘅前菜 仲要話最低消費每人兩杯嘢食 又要俾多1000円。
咁我就梗係想同收銀條女嘈啦 但條女就扮到完全唔識英文咁 最後都係死死地氣埋咗單。
成件事我on9係on9咗㗎喇 估唔到去日本旅行都遇到啲咁嘅事 最後奉勸大家一句千其唔好入日本會拉客嘅鋪！！！
Ps. 搵返原來拉客入酒吧嘅屈得仲甘 一杯嘢食屈十萬円
https://youtu.be/DEw7OkBiPGM
