後宮番始祖。草莓100% 你地當年係東南西北軍？

計埋外表北更加屈機

西邊fuck 港女
體貼，識氹人,成日搵野令真中開心，根本就完美女朋友，想親熱時就上唔會扭扭令令

中學雞時期就係覺得 小惡魔咁好玩夠挑逗
怕怕羞咁好可愛好想呵護

大個啲就發現呢啲地雷黎

條廢柴真中決定左先講就死得啦
最白痴就係為左另一半而冇左自己
東城就係因為冇同到真中一齊先做到作家
明明有好學校唔去仲要到最後都唔敢表白
完全浪費高中幾年 西野司合理完全冇問題

我都明以北大路咁進取的手法，加埋先天條件咁好，如果係現實嚟講一定沉船
但只係拍拖就好囉，包袱無咁大，享樂為主
又或者咁講，如果想要一段主人與奴隸的愛情關係，北大路係首選

但呢種關係要真中keep到令北大路永遠保持愛慕仰慕感覺，即係真中要keep到優勢先得，一旦佢變差左，變心可以好快

完全睇唔到西野司點解會出軌
一路都愛真中到end 唔輸比東城
咁同老屈冇分別

奥斯卡同普通夫妻都係假設性

奧斯卡唔係完全假設性，三年間佢地拍左三套學生電影，大多口碑好，證明故事、拍攝效果都吸引到人，如果多D資源，有能力創造出好似東城收埋果本筆記入邊，廣闊宏偉的電影都唔定，起碼唔係有目標無能力果D大想頭

同埋故事中 真中係對西野甜品有反應架，去法國留學前比左一次佢食，食完喊/差d喊，覺得西野好努力好叻，但自己一事無成，之後真中就開始發奮讀書想考好大學

食完喊唔係因為單純好食到喊嘛，係因為即將分手，就算西野唔係自己整，求其係便利店買件蛋糕，真中都實喊啦，除非難食到嘔姐
即係話真中欣賞西野的堅持、努力、態度，但唔係欣賞西野的甜品，就算佢地一齊住，你有你忙，佢有佢忙咁囉，加上如果真中真係走拍電影路，作息時間上會好無常，同西野甜品師呢D開舖 收舖都固定的會好大分別

又夠主動 係公園自動波

北軍，肯為自己付出的女最正

編劇一樣係文字創作
更有導演將文字化為影像
文字同影像一樣有局限
文字上局限左視野表達的範圍，就好似真實顏色有無限種，但電腦有8bit、10bit、12bit、14bit呢D上限
影像上就局限左角色內心表達，演員點將文字化為表情，語句的語氣，呢D全視乎演員做唔做到

出色的編劇家其實都可以好出名，成就未必比出書的作家低

我都認同西野出軌機會不大

但由始至終西野都講，鍾意真中的原因在於真中令到西野心動

心動呢D好虛無，無辦法複製，就好似其他人玩單槓示愛西野未必心動，同樣真中點keep住令西野心動呢？會唔會有日有另一個人做某D野突然心動呢？好難講

俾我作個續篇，就寫真中30幾歲同西野離婚仲帶住個仔，打緊頹工但仲有電影夢，東城因為敗犬左專心寫小說一早出左名，北大路嫁晒人然後個故就係佢想搵返東城合作寫劇本，東城創作已經唔需要佢，但佢創作依然需要東城。

利申：東軍

從來都唔係民意結局

情人節三年都係同西野重點過
生日又係得西野慶祝3年過
離家出走 試膽大會 夏日祭禮
講得出既經典情侶劇情全部都係同西野做

只係當時東城正印氣牆太強大家先有錯覺

唔好幻想咁多啦 創作一定要有自己風格先得
東城如果同真中一齊 一定乜都就曬真中
連個劇本要改都一定聽 點會做到出色編劇

北大路世一
東城一定屈屈埋埋然後變病嬌
西野就一定某一日覺得你唔夠上進
南就跟本唔入流

正常情況都係由心動開始啦
唔通真係對佢好足十年廿年就會鍾意咩 果啲叫施捨
同興趣有一樣話題可以做知己 唔代表做到情侶
如果係咁 啲足球員咪搵番足球員做老婆老公 邊有得咁計

同東城先難攞
後面劇寫明東城係會無條件降LV去就真中, 真中聽到東城拎獎又頹過, 東城又就佢, 無限LOOP, 真中俾個導演屌佢唔夠歷練, 亦係最後情人節先醒悟自己太依賴東西2個心靈安慰 知道自己要獨立, 最後劇情都係靠自己唔係對方拎獎, 真中東城2個係埋一齊分分鐘最後2個會一齊墮落到TVB編導LV

要派帽男神蛋糕王果陣一早派左啦

相反 東城真係懷疑過自已會中意天地 心態十足十H漫劇情D人妻咁最好笑係真中溫書溫到精神崩潰果陣 得西野知要拉返佢, 但河下係下個鏡頭就係畫東城係到諗" 唔通我真係會鐘意天地?"

細個睇個陣東城同西野都好鍾意...
我都分唔到自己係東定西軍...

改唔等於一定變差
改完可以更上一層樓都唔定
始終人眼界、想法、考慮層面各有不同，唔係話原作者所諗就一定最好

以一拳超人為例，佢「原作」故事有趣，但係咪就最好呢？佢D畫點都展現唔到琦玉果種氣勢，當攪笑漫畫就得，但重製版雖然後期越改越多，故事好似越黎越同原作不同，但正正卻展現左琦玉果種外掛級力量，打到天崩地裂，天上的雲到破開的氣勢，更唔好講將龍捲兩姊妹畫正左咁多啦，呢D都係比原作好的地方

我無話佢地一齊唔到，我只係話西野同真中一齊會好普通夫婦咁，恭恭敬敬咁囉

但真中要配東城，就可以有更大成就

我想寫真中離婚、東城高峰失落之後重遇，重燃當初果團火，拎返封塵已久果本筆記簿，一齊編寫合作搵投資者拍戲，拍出比魔戒、星戰、阿凡達更成功的科幻電影

真中個性格係優柔寡斷，而唔係無實力，佢歷練不足係當然，中學生姐，想好似異世界伯品果D咁一嚟就最頂級咩

而且杜琪峰都係tvb出身，今時今日邊個會質疑杜琪峰實力？而家不少大導演、大編劇都做過電視台，唔係得演藝、讀外國大學出嚟先叻，入電視台正正咪補足真中欠缺的歷練

估唔到一套十幾年前既公仔書可以引曬你地班阿叔出黎溫故知新,
我係(北派).
純情房東,草莓100,五等分,監獄校園,都係我後宮最愛系列