整理左幾個心得，一齊討論下
1. 加拿大本來就係「移民國家」，唔好單以膚色區分人既素養
單純用皮膚既顏色去區分人係好容易
但其實同顏色既人素養可以爭好遠
例如黑人有牙買加、加納、尼日尼亞、剛果
而白人也有法國、意大利、英國和本土
就如黃皮膚都有中國人同日本（未計其他）啦係咪
所以唔好用膚色去即刻評價人
可以用對方讀咩科、傾下對生活既睇法等等會全面好多
你以為人地黑人就係黑鬼？
人地可能學識多過你
以為人地白人就好高尚？
其實都可以係homeless
所以多啲同人傾計，聽下口音，估下對方性格更好
2. 不要問人「來左幾耐」，要問「你係咪起到出世？」
即使對方口音好重，一睇都知來左無幾耐
都盡量避免問人來左幾耐
因為有些人好敏感比人覺得係「新來」/新移民
我會問佢係咪起到出世
人地當然會話唔係 再打蛇隨棍上問背景
3. 做野方面，寧做醒目仔互相通水同吹水，不要做戇直守到最後
呢點同香港好類似
因為做野有唔同文化既人
要預左識同唔同人溝通
多啲主動問人同埋同同事打好關係
有幾個問題幾好用，例如：
- 你係咪起到做左好耐喇？
- 你鐘唔鐘意起到做呀？
- 問下佢地比較起加拿大做過既唔同工作
通常佢地會好喜歡分享
亦代表你有聆聽佢地講野
同埋你係代表黃種人/華人/香港人
幫手做好香港人既印象
多啲留意份工有咩走棧位
例如有無得遲到早走
唔好懶正經 會比人傻仔感覺
同埋如果千其唔好帶比同事麻煩
你唔會知道果個人係咩文化
如果對方暗地裡係racist你就大獲
比晒位人入
相反做得好可以建立華人良好形象
（當然如果同事知你係Hong Konger就更好）
4. 見工方面，一定要做準備，有機會甚至同僱主維繫下關係
外國人好注重傾得開心，你有準備更好
就算今次唔請你都可以同佢吹水
試過有個僱主唔識，但我keep住email同佢吹水
之後佢再請人就搵返我，雖然我已經有更好既offer
但我就再介紹個香港人去左做
所以平時無野做就多啲同打黎條友吹下水都好
5. 友善，但是可以係虛偽/禮貌
好多人感覺係加拿大人係好友善，我好認同
我上司好似成日同我吹水，但唔好以為人地真係好鐘意聽你講任何野
適可而止唔好chur人係咁講自己野
問下對方點睇
我親眼見到兩個白人傾計
其中一個男既事後同講話好累，但果時只係客氣死撐照傾
所以唔好因為對方好似好耐心同有興趣同你傾計就係咁chur住人，有時只係禮貌（同溝女有啲似
）平時多啲讚人，適時就中止語題，練好small talk
6. Downtown真係好多精神病人同流浪漢
未搵工前出街，幾乎日日都見到精神病人同homeless
搵到工後搭車，每星期都會見到有流浪漢訓起車
甚至坐起地下
或者起車廂到走黎問你要錢
未見過有人俾
甚至試過成架巴士因為有流浪漢上來搞到全車都都有陣酸叔味
所以袋定個口罩已備不時之需都有用
7. 地鐵真係好垃圾
基本每個月都有壞（甚至每星期都有）
我有次交收，跟住地鐵壞左，遲大到，比人鬧到傻
當場見到有個鬼佬上去地面時，一腳開左度門走
果陣會有接駁巴士
但唔會接得晒啲人（類似香港，但頻密過香港好多）
如果份工唔遲得，有得自己揸車就唔好依賴咁多鐵
我又試過搭搭下無啦啦車長所有人落車話要check車
又試過行行下向北行話下個站向南行，要落車等下架
又試過搭搭下叫人落車後，去對面月台等下架繼續搭
唔識聽英文真係會比佢玩死
仲要唔係耐唔耐一次，只睇你好唔好彩
唔好彩每星期都可以中幾次
—————-
不過又咁，起到又講下我自己留下來的原因：
第一係起外國可以見證住自己成長
我以前英文弱，但而家愈來愈強
加拿人有唔同口音，自己聽得明同流利溝通真係好爽！
同埋咩人種都有，可以識來自世界各地既專才都開心
畢竟其他國家來既人唔係讀書、專業就係有錢（難民都去歐洲同美國）
第二都係成功感，起加拿大撈得掂，都好大機會代表起世界舞台都撈得掂
多倫多再落去係美國，大把機會
有種遇強愈強既感覺
唔同香港，政府會同你講想再多啲機會就去「大灣區」
你唔係同個世界最頂尖既人才去競爭
而係返去搵人笨柒咁feel
（當然都有個人因素，自己果行起到都好搵得
唔洗轉行）
——————
最後想問下大家
當有外國人問你香港同中國關係時，你點解釋呢？
我試過講One country two system、Special administrative region，當然佢地都聽到R晒頭
我亦會解釋Chinese不等如China government(CCP)
Chinese可以是來自不同國家如：China、Taiwan、Singapore等等
Chinese係種族，而不是國藉
當然對方都可以認住我是Hong Konger
最後：中共我真係屌你老母搞到好似Chinese代言人
祝各位加拿大朋友都搵到自己開心既崗位
樓主邊行
