出軌係咪得零次同一百次

脾氣壞習慣呢啲都可以磨合
忠誠呢樣嘢就老撚都駁唔過

其實幾好吖，知道嗰個人唔值得你繼續中意落去，我寧願佢出軌跟住分手。

我男朋友都試過玩app差啲就約出黎 但我最後都比次機會佢 feel到佢真係知錯所有pw都比我 同埋我個排因為發生所以冷淡左佢一排 我都有錯既所以諗左好耐先原諒佢加上佢平時對我都真係好好

通常第一次唔忍心又唔捨得去分手，最多俾一次機會好了，但信任變咗0，一個疑神疑鬼，一個係咁被懷疑，重建信任嘅路唔會易行，需要雙方極大努力。

但出現第二次後，無論點都必須斬攬，由破碎嘅心慢慢建立信任過程中二次受傷，係超級痛苦，要盡快遠離呢個人，等自己好好療傷，先可以遇見下一個，就算冇下一個都請好好愛自己，唔好再浪費時間喺垃圾到。

我都係咁諗，第一次可能真係一時糊塗，但有第二次就不了

精神出軌都計嘅所有人都無限次

出左軌 無論佢真係1次定無限次都好難有將來
有朋友出軌 出完軌氹返做左年幾狗仔 亂咁洗佢啲錢 經常抽秤佢 不信任佢 撚到佢頂唔順 日日唔開心 然後個女仔飛左佢
伴侶出左軌 我原諒左佢 然後佢好擔心我同異性玩 但明明我咩都無做 佢覺得我報復佢 我氹好多次佢都唔信我 然後佢頂唔順 飛左我
如果要原諒 就原諒得徹底啲 做錯事就會重犯咁所有有案底都唔洗做人 有人做錯以後都唔敢做 有人重犯 睇你好唔好彩同你有幾愛 始終以香港社會標準0同無限次洗哂腦 不過我啲例子都係柒左 自己諗啦

講到好似得男人會偷食咁喎
咁女人出軌又點睇呢？

都係仆街 唔洗爭

雖然未出過軌
但有時遇到條件好既
真係有一刻會有小小幻想

有時會諗
而加個女朋友又好似唔太適合結婚
同時又驚後悔做錯決定
未試過拍拖拍到咁無感覺
可能因為真係覺得佢唔太醒目
明白佢都進步緊
慘在愛情既感覺已經比佢磨蝕晒
而加好多人生決定都唔會諗佢先
感覺無左就好難撻返着

內心好清楚
如果有一日有一個條件好既
對方又不停撩自己既話
其實女朋友都好危險
佢捉唔到我心理唔太知我想要咩
同埋覺得條女都幾自私

唉

一次不忠

係。

直至到佢遇到一個唔會再令佢出軌嘅人為止，而嗰個人唔會係你

可唔可以講嚟聽下
想參考下

真心 只係你自己說服自己原諒佢
根本無咩真心道歉
佢出軌個陣唔知係錯？唔知你會傷心？
出軌係一個人道德同價值觀既問題 唔係咩我好後悔啊下次唔會嫁啦就可以解決到