有關香港夾公仔改裝一事回覆（台主版）

首先做番小小自我介紹先
本人曾經係香港台式夾公仔機入面既台主
咁岩見到有人話香港既夾公仔機係呃人
想就住文章幾點做番回覆

1.每夾10下鬆一下實
呢個已經係好舊時代入面既夾公仔機 係大陸機先係咁樣用鬆爪實爪既機率，而家基本上係set死左

2.夾起左上到去又扔入入面
如果遇上會扔既機台，呢部就真係台式機
咁佢每下都扔 點玩？ 就係用技術 甩爪 二收
當然都會有運氣成份
但識夾既人會有自己既思路去玩
用技術將拉位同出貨既畫面實現

3.部機係咪改裝過？
基本上台式機黎到有既野就係檔板，爪，天車，防甩片（姐係撞到就會扔番入去個塊鐵）仲有其他微動太複雜既野就唔講住
而台式機既程式本身都有好多野可以調整
例如
1.第一段抓力（隻爪第一下夾實既力度）
2.第2段抓力（隻爪夾實之後上番黎既力）
3.第3段抓力（隻爪撞到防甩片個刻既力度）
4.天車移動前後速度（姐係你隻爪向前後行行得幾快）
5.天車移動左右速度
6.遊戲時間
7.保夾金額
8.落線長度（姐係隻爪可以去到幾低，有啲係隻爪根本掂唔到啲貨就一定係呃人）
9.落線速度（隻爪落去有幾快，會影響甩爪既拍子可以話你要識技術先會有影響）
10.上線速度（隻爪上番黎幾快，都係影響拍子）
而呢啲係真係台灣人本身就係咁玩
會扔真係正常 想玩係要學技術

4.機入面既貨品咁平 但夾又要5蚊一鋪
係，真係好貴。所以我依家都無點玩
但有小數所謂「夾客」係同台主賭錢
夾完出黎賣番比台主 所以根本唔志在件貨
係真係賭緊錢
用400蚊夾到出黎台主比黎800你
完全唔關貨事
所有玩法已經寫哂係玻璃
唔岩玩或者唔識就唔好入錢

6.啲台主封住個洞口或者加支野縮洞
基本上係on9，我見到呢啲都唔會想入錢
但總有啲癲佬鍾意向難度挑戰
唔關你事就算 但最好唔好入錢助長癲狗台主。

如果有其他問題可以再問
我會盡量回覆
希望大家保持理性討論 感謝

簡單黎講拉水魚

做台主係水魚一

顧客係水魚二

用技術呢兩個字掩飾呃人咋
正正經經經咩都唔set咪算
係要呢樣果樣搞臭自己

可以咁講
因為真係純粹好玩
咁點解唔搵其他興趣？
咁要問番啲台主

咩都唔set都係會扔 台灣機就係咁

去gotcha夾算啦

行過興起想夾下
點知原來要有技術，要交學費既
屌，你夾埋我果份啦咁，夾下公仔都講到專業技能咁

係架 所以真係對新手好唔友善
但最起碼唔係呃人先

點撚樣唔係呃人啊。
你係咪係部機上面貼住你改過ｄ咩？

痴撚線，你開賭檔，你粒骰做撚左手腳。
然後你同其他人講去開你間檔既人都知你做過手腳所以唔撚係呃人?

佢本身個玩法就係你要摸佢個解法
姐係用錢同技術換方程式
搵到你就會贏
本身就唔係做手腳
唔同機唔同setting就係本身台灣起源玩法

點解用夾公仔嚟玩骰仔仲喺度？

百貨應百客
一個5蚊換到2000蚊我都試過

你部野叫夾公仔機，唔係叫猜謎機。
如果本身個玩法就係你要摸佢個解法，點解唔係部機度貼張紙講明個玩法就係要估佢做左咩手腳?

因為寫左出黎就唔叫摸佢個解法
寫左出黎既話有番咁上下經驗會直接知解法
同埋
會比隔離台主抄
變左無左自己部機既特色
生意會分薄

咁撚樣都唔叫呃人
本末倒置

香港夾公仔？
一律當智障

老千解畫

無做好耐啦
依家間唔中會夾下
但普遍難玩既程度係識夾都好難贏到台主
所以個個都話呃人都好合理
有啲機係真係整出黎呃人
但純粹作為娛樂夾公仔唔係無得解
但我都覺得要重新洗牌好似台灣咁起碼街客都拎到野走唔係成日夾一百蚊新鮮空氣先

可以屌台仔
台仔發明

一部有獎品既遊戲機 每舖入既錢少過獎品價值
其實都已經話左比你聽呢句唔係一部汽水機販賣機
而係一個有技術成份既遊戲
入機舖打咩機係唔洗交學費 玩一兩次就要包贏
行過興起想玩 就一定要包你贏到
咁你掟彩虹會唔會賴條邊太窄？玩籃球機又話個框太細？

咁又係邊個灌輸比你知夾公仔唔洗技術 對準直落就一定夾得出？
無心機無時間無錢去練個遊戲技術 就屌返個遊戲本身？

詐騙方法唔可以公開
因為會被行家分薄，水魚去左人地到，自己賺少左