【高級督察涉非禮 指黃絲孕婦以美色作招徠 老屈設局】
【叫得好姣、叫得好溫柔】
一名防止罪案科高級督察李卓賢涉嫌於前年11月23日，在尖沙咀美麗華廣場「Tiny微影」模型車店內，借醉行兇強吻及胸襲一名懷孕3個月的女店員，並提出以100萬了事「一球夠唔夠？我即刻開支票比你呀，比夠兩球你」。案件今（19日）在九龍城裁判法院續審，被告指X在案發時大叫「做咩呀？！」、「喂呀」等叫聲「好姣」、「叫得好溫柔」。
被告今繼續親自作供，指當晚約9:01到店，X故意使走店內其他職員，形容「從來未見過佢使走佢下屬，咁多年都未試過」。X向被告求救指當天的銷售額不足，要求被告再買車仔「你幫我再買多啲嘢啦」，而且以往X亦非常頻繁地要求被告在店消費。
【指X以美色作招徠 呢個真係老屈嚟！】
被告雖然曾經問X：「隆胸呀？」，庭上解釋是因為X自稱年紀大或需到韓國，而被告發現X懷孕後開始谷奶，才會揶揄X隆胸。被告又指X當日最少3、4次不停主動談及敏感谷奶話題，查詢被告的太太懷孕時谷奶的情況，又突然大讚自己身材好。被告自稱因感到尷尬而轉移話題。被告庭上激動斥責X：「我同你講緊生仔問題，你就同我講你身材好。我講緊一個好正式嘅生理問題，你就讚自己身材正。依家係佢無啦啦講咸濕嘢，佢唔尷尬嘅，尷尬嘅就係我」，反指「咸濕嘅就唔會講谷奶啦，直頭話你大波大胸啦！呢個真係老屈嚟嘅根本！」。另外貨倉門上貼上一張口號寫有「微影車仔人人愛，尖咀店員好可愛，尖沙咀微影日日爆數開大單」，被告指控「扮曬可愛，以美色女色作招徠」的招牌只有尖沙咀分店有，而X為該分店最店長。
【被告指X姣叫 自稱不想被敲詐】
被告指X暗示引誘被告到休息區私下交談：「收工前有嘢同你講」，被告及X到休息區後，被告指X又再次索取金錢援助：「我就嚟唔撈啦，阿哥唔係唔幫下阿妹吓？」多次被要求消費的被告覺得非常煩厭，便再次轉移話題到車仔上，X再要求消費時扮慘，被告形容其「表情好豐富，演技十足」，被告不勝其煩右手一指呼喝一聲：「妖！」X回應「做咩呀？」。被告強調X的叫聲「好姣」。
【被告嘗試離開 X拉扯阻止】
早前X作供時表示反抗是曾經多次大叫「喂！」、「喂呀！」、「冷靜啲！」。被告今日作供時解釋因「好介意成日問我攞錢」，想離開現場但去路被阻，便單腳企上凳上，X拉扯被告的右手，期間大叫「喂！」、「喂呀！」等，而且曾對空氣大叫「喂！」，反斥X「做戲都唔使咁？」、「成件事唔合理嘅佢份口供」。被告承認曾經推開X，但強調X的叫聲「叫得好溫柔」，質疑如果被人突然非禮，理應大叫「行開呀！非禮呀！」，而非「喂！」。
【721拉人都係之後先拉喇，唔一定要即刻拉，係大眾對拉人嘅誤解】
被告指X的丈夫Y是「深黃，好鍾意上街表達訴求」。Y講粗口、大力卸除背囊的行為都是裝兇作勢想打架，而且堅持報警，被告自稱作為高級督察，認為是一個圈套（set up），認為警方無需再犯罪現場進行拘捕，日後亦可再行拘捕「721拉人都係之後先拉喇，唔一定要即刻拉，係大眾對拉人嘅誤解」，所以要求先行離開「自己知自己無犯法，點解唔走得」。
【「畀一球你」因被暴力對待】
被告指控Y對他的暴力程度逐漸升級，包括拉扯、撞牆、叉頸、手指公叉大動脈等，當時表示以100萬了事是因為「真係好痛」。跪低求饒非因做錯「跪低唔係因為我做錯，而係比人打到跪低」，斥XY一聽解釋堅持報警或是圈套，本能反應下只好投其所好，提出金錢賠償以停止Y的暴力行為及逃離現場，並非意圖妨礙司法公正，「以我對刑事嘅認識，根本無非禮，無非禮又如來老妨？」又澄清銀行只有40萬元，而且家境有問題不可能有一百萬賠償，只屬亂講「我都講過1億，你哋當真呀？」。但當X為朋友，又知道XY家境不佳，不想控告Y。
【X胸貼粉絲合照 收兵手法】
被告指X多次與男粉絲合照時，用胸貼近男粉絲，態度親暱「佢真係成日攞個胸撞人㗎！無屈佢」。指X的意圖是賺錢，身為微影女神，「用呢個方式去收兵，叫啲兵不停買嘢，咁佢就賺佣金」。而且經常扮慘扮被非禮「靠依樣嘢作招徠」、「女神收兵就係要成日楚楚可憐咁樣，咁就引咗啲兵返嚟，我唔知點解佢哋用呢個模式」。另提及X在whatsapp中多次要求助養「助養就嚟尖沙咀消費」、「3萬蚊請我做工人」等，且不認為是講笑，但被告亦曾指自己想被助養，只是揶揄。又質疑X被非禮後再到該分店上班，認為正常人被非禮後都不會再到相同地點地作。而被告又指X就算不喜歡一名痴漢，都仍會「黐身黐勢」。強調自己當局者迷，事後才醒覺X從來都是只關心錢，但控方指被告提出以100萬了事時，X沒有接受，被告急著反駁「事情唔係咁簡單」，控方則指片段中如實反映X沒有接受，被告再指「騙徒技倆唔係咁簡單」。指X在正常社交行為下，都會以胸貼客人，要好多男仔服侍，喜歡扮弱者，不盡不實地指自己經常被非禮。
【受酒精影響】
被告回憶當晚飲了2杯Whisky Highball，或受酒精影響。而且X故意引導被告：「阿哥如果飲野自便喎」，令被告飲下喜歡的凍朱古力奶，與酒精相冲。辯方播出片段指被告曾將模型車的車門逐個打開，引證被告失常。而且飲朱古力奶時，被告已一直除下口罩，而非X早前所指入到貨倉後再將2人口罩拉低。被告自稱受酒精影響，事發前已有不適，之後更胃痛呼吸困難，口吐黃色泡沫。
李卓賢（33歲），案發時任防止罪案科高級督察，已被停職。被控於2021年11月23日，在尖沙咀美麗華廣場一期2樓一店舖內猥褻侵犯X；並在同日同地作出意圖妨礙司法公正的行為，即向X及其丈夫Y提議給予他們一筆金錢，以換取X不追究針對他的猥褻侵犯案件。
相關報道：
高級督察涉胸襲強吻大肚婆 欲以100萬了事
被告警：主動攞個胸撞埋嚟！突然間兩個胸撞埋嚟！一撞撞埋嚟！
https://bit.ly/3MF3oyN
防止罪案科高級督察 胸襲強吻大肚婆 欲以100萬了事
以「家姐」「阿哥」相稱 X強調無曖昧關係
https://bit.ly/436YjVn
案件編號：KCCC 218/2022
#爆炸頭
Facebook: https://www.facebook.com/boomheadhk
