《極度俏郎君》被封「世紀膠劇」 保錡踩劇本難明 自認演得衰：唔係太想拍

保錡有份主演的ViuTV劇集《極度俏郎君》已經播完，雖然有宣萱同黑哥姜皓文擔大旗，劇集依然反應麻麻，更被網友評為「世紀膠劇」，保錡日前擔任JFFT頻道〈床哥心事台〉節目嘉賓，與主持人床哥邊打機邊傾偈，提及《極度俏郎君》劣評如潮，保錡竟自爆根本唔想拍，亦唔明劇本講乜，仲和議可以當《愛回家》咁睇，認真倒米！

保錡日前擔任JFFT頻道〈床哥心事台〉節目嘉賓，有份在《極度俏郎君》客串的床哥對ERROR四子逐一評價，笑言193就最不問世事，只想快拍快收工，保錡直言：「實情係每日我都唔知拍緊啲咩…我呢啲唔專業嘅演員，好正常，每日都想快啲收工！」

當床哥提及已播完的《極度俏郎君》定位一定係膠劇，保錡更加滔滔不絕：「衰呀！衰！我演得衰，每次演大頭我都係交死一個表情同戲…其實我唔係太想做，所以Keep住交呢個戲，一嚟就七情上面好大力，個劇本係咁寫，我諗咗好耐點演繹，個角色一見到人就講：『你係咪要隻揪呀？』叫人隻揪一定係好大力叫，所以一定要用呢個表達…」

床哥指出網民封《極度俏郎君》「世紀膠劇」好垃圾，全因唔理解劇情需要，床哥還在直播中導讀劇情，建議大家可以重看，當《愛回家》睇會舒服些，保錡亦同意：「我都唔明！拍完都唔知拍過啲咩？不過亦有人話好睇，出街大讚演得出色好笑，係家庭觀眾鍾意套劇表達夠直率，唔使諗野，唔使諗劇情，即係結局一齊BBQ，食餐飯，家庭觀眾好鍾意呢啲…係囉！估唔到我做得咁差都咁好睇，因為我做得差，之前唔想做原因係知道自己做得差，驚影響到人哋眼睛…」之後保錡話自己的演技其實係抄張家輝，又不停教觀眾做自己最拿手的摩打嘴！

以ViuTV的原創劇來看，《極度俏郎君》的演員陣容與幕後班底都唔弱，奈何播出後反應與收視都未如理想，可分為4大致命原因。

1.TVB式大團圓結局 觀眾普遍覺得故事節奏頗慢，劇情亦好一般，結局好「TVB作風」，唔知同監製係來自TVB的陳翹英有冇關係，觀眾有時睇到一頭霧水，難有墜入感。保琦的感情線仲離奇，原來佢在拍攝最後一日先知自己會與骨妹小玉(Crystal梁又仟飾演)有感情戲，仲有向星爺致敬的的對白及情節，都好無厘頭。

2.冇一個角色彈起 劇集成功唔多唔少要靠演員，有指《極度俏郎君》男女主角的年輕版由Phoebus@P1X3L與Candy@COLLAR演出，二人基本上冇乜發揮空間，表現令人失望，當中Candy爆樽一幕更令人睇到有啲尷尬，至於ERROR四子飾演的「四大金光」一開始已經甚有「鄧腳Feel」，去到中段先有得發揮搞笑本能推動劇情。

3.姜皓文極度浮誇 身為男主角的黑哥姜皓文，全套劇都以浮誇演技演出，當中一幕對住杯好多年都冇飲過的奶茶喜極而泣，嗰種表情over到，真係得佢做到！

4.宣萱冇驚喜又做「人質女王」 最後一個失敗原因可能係搵宣萱做女主角，雖然52歲仲Keep到外貌與身形十年不變，不過阿姐表情都係好單一，最叻瞪大對眼，而且去到ViuTV都難逃被綁架一劫，不愧為「人質女王」。

網民mean爆留言狠批：同《和解在後》簡直一個天一個地 網民一致地留言狠批：「同和解在後簡直一個天一個地」、「宣萱始終逃唔過做人質嘅命運。」、「劇情重心擺喺幾個中佬中女度，唔講以為自己睇咗CCTVB」。

睇晒套劇嘅我先係真心膠
不過劇入面做得最差嘅人保錡一定榜上有名
啲戲搞唔掂

又變公關床狗

網民mean爆留言狠批：同《和解在後》簡直一個天一個地 網民一致地留言狠批：「同和解在後簡直一個天一個地」、「宣萱始終逃唔過做人質嘅命運。」、「劇情重心擺喺幾個中佬中女度，唔講以為自己睇咗CCTVB」。

Cctvb用atv人
Viutv用tvb人

公道講句 好耐無睇tvb
但1x年既tvb劇最差都唔會甩皮甩骨

Viu 拍親都甩皮甩骨咁滯

Candy好慘

根本全個台就未學行先學走
TVB係差 VIU係好撚差 兩舊屎

Candy 慘你都講得出證明你無睇套戲

有幕回憶佢喊唔出 特登要搵宣圈拍返

佢根本演技未得 反而和解在後Ivy so 做得幾好

viutv死症係結構同節奏 IT狗都係好麻麻地 只係演出同部份情節搶救
cctvb倒摸式 但至少係結構完整既90年代膠劇 節奏你估到曬 但起碼唔係on99生勾勾
viutv差起上黎係完全砌唔到個故事 好似你係youtube鳩禁睇短片 睇完唔記得個故事動機目的係乜
依d其實係編劇/作者既基本功 唔只係作者本人問題 因為上面一定會有高層把關 viutv要問下自己編審班人出左咩事

個時d人話it 狗係神劇黎架，但好多情節愛回家一早拍左同之前viutv 班黃絲上腦個時明明普通劇就讚神劇，tbh 拍唔出，爛劇就話套野多暗瑜同message 唔可以睇咁表面

飲奶茶果幕絕對係電視界top10片段

劇本太老套

唔係講笑我真係嚇親，洗唔洗咁浮誇呀

好多人話好好睇

it狗其實後半，係爛尾。

好彩無搵返姜皓文做下流上車族
如果唔係又變膠劇集集都尷尬

CCViutv係垃圾就全世界都知，係得班戇鳩黃屍吹奏，最搞笑係佢地自己都唔睇

下流靠林敏聰咋嘛

Error呢啲柒頭咁輸打贏要，一見套劇柒就割席 🙈🙈🙈

林敏聰個位本身佢做, 林只係臨時拉夫

基本功問題
笑位同表達嘅意思係貼地過cctvb
但出到黎個節奏成日都唔知做乜撚
架構真係好心學下賤種王晶
人地鳩拍個結構都係好工整

真
viu d劇得殺手廢J一套睇到完
其他都係睇到一半棄劇

*IT狗都可以睇到完*