從Ken上載的圖片中可見，有人聯絡他並說出他的名字。Ken詫異對方為何知道他的聯絡方法？對方指是「TVB配音組陳欣」留下的電話。Ken又稱不認識陳欣，指已報警，「唔會莫名其妙畀錢你，希望你唔好再騷擾我…與其叫我唔好後悔，不如用多啲心機去搵番欠你錢嘅陳欣，叫佢還錢好過。」
Ken撰文叫陳欣盡快處理自己的問題，「首先我並唔認識你，我亦唔清楚你係點樣拎到我嘅個人資料，仲將我寫成你嘅聯絡人、擔保人。上網一查發現，原來你係慣犯，之前都試過一次盜用其他人嘅資料，自己借完錢就玩消失。如果有認識陳欣的人，請通知他盡快出嚟處理自己的問題。」
Ken續說，自己從來無簽過任何擔保，「追數嗰位…你確實係有我嘅資料，但我從來冇簽過任何擔保，並唔認識你口中的配音組陳欣，所以你唔使諗靠恐嚇可以喺我呢度拎到一分錢。如果靠嚇可以追得數，咁你個陳欣一早還咗錢。與其喺度浪費時間，不如早啲用法律嘅途徑追訴陳欣嘅欠款，香港係法治社會，處理問題應該用法律途徑而唔係爛仔方法。」
其實早在兩年前，資深配音員龍天生亦無辜捲入「借貴利」風波。當時他在其工作室Facebook貼文，表示近日收到恐嚇電話及恐嚇信，「早前做咗個《好聲好戲》節目，同一位知名配音員同場。點知對方曾借貴利，借錢人搵唔到佢，竟然諗到恐嚇我，先在演藝人協會門外貼大字報，再加恐嚇電話，再寄恐嚇信到我屋企，最離譜就係在我所住大廈派大字報及在Facebook貼誹謗貼文。」龍天生續指與該配音員只有數面之緣，已報警處理事件。
做乜又爭出面錢，都唔係第一次
