自住樓樓上漏水

我自住樓，唔係有錢人家，Toilet出現石屎剝落，見鋼根，咁報左管理署，跟住管理署報左食環滲水辦，叫左個妹妹仔攞部機你逐個位篤，篤到一個位讀數超過39，夠料開FILE做野。
佢就話會下一步約上門業主，做色水測試。

而家好大壓力，越住越心荒，擔心搞唔惦，分分鍾條數好襟計。分分鐘搞半年一年都未有結論，上面條友唔理唔合作可能更耐。

唉，屋企人勸我換樓吧，但我諗唔明點樣賣？就算自行維修，賣樓過程會唔會受影響？大家有無試過咁嘅情況，有無意見我以指教下。

見到都唔同你買啦

咁當然要整好啦，就算自住都要維修嘅啦

如果個買家識做
就一定會問下管理處/看更
睇下你個單位有無漏水/人地漏水落你到

滲水響私樓好常見
其實你已經好好彩
更常見係查唔到源頭或讀數唔夠
File都唔開
你尾二果段之後可能會咁都唔定
但估人地唔合作果啲係你自己俾壓力自己
根據經驗
一般市民好多時收到妨擾事故通知都會做
個人建議真係嘗試處理吓先

另一個問題係你覺得換樓就唔會遇上滲水？？🤔
哪來的自信？










利申：私樓區區議員

我都明度度都有機會漏。

上面那條位業主，我本身有佢手提，但feel到佢起晒降，直接溝通都唔肯，所以先咁負面

咁又係

滲水辦垃圾黎
你唔出住錢先搵公證行實收皮

另外賣樓 比你過到骨
之後發現完來賣之前就漏
追你就仲大穫

你意思係咪滲水辦係無咩可能證實到漏水源頭？但公證行也無法定權力入佢屋，請問啲一點其實公証行可以幫到邊方面？

至於賣樓方面，其實我也未能證明上面漏水，就係證明唔到先唔可以追討上面那家人，如果係啲個情況賣左後後，請問係那一方面的法律責任

公正行用啲儀器新啲 唔洗入屋都得

梗係你問題
追返你每月供樓錢都仲得
再加間屋維修費

到時佢一邊追你
一邊追樓上維修

賣咗樓就係新業主承擔晒架

你都痴線

香港現況交樓架

你撻訂唔買 發展商都追你差價
人地唔知情 買左你層漏水樓唔可以追？

如果知情就唔同講法
但應該就唔會買

而家有啲方法唔洗上樓上都做到checking，所以真係可以揾下出面d 公證行做。
而且如果證實到佢滲到你搞到你有損失，你可以民事索償佢。

利申:聽朋友試過

攪唔掂咪搵律師囉
雖則本人覺得好多律師（除咗為民主犧牲嗰啲同維權律師外）都係賤9格

民事索償可以索償到幾多？
如果證實到係佢滲.佢都係唔肯整咁仲會有咩進一步既可以做？

可以參考下
https://youtu.be/WD-r8TDmXbw

漏水多數水喉接駁位漏，色粉係無用，我識得有人重新裝修天花，鑲塊鋁板鋼板係度頂住先跟手賣樓

鋁鋼版？表面鑲上去？可否講多少少

咪就係等啲水先滲去塊板，唔會直接滲去天花漆面住，甩咗手就唔撚理