MPF強積金掃盲/ 表現討論 (4)

咩事 樓上突然開戰

想問下環球股票基金同世界股票基金係咪差唔多？

我依加兩隻都有買
有冇需要轉埋一隻？

有自稱HSBC MPF agent話幫人搞整合MPF，我路過提醒大家話其實佢有佣分嘅，建議大家傾吓點樣回佣/回贈，同埋要搞就落分行搞，咁樣就唔會俾人呃

我懷疑佢其實都係一隻基金/保險狗，只係利用幫人整合MPF，喺網上套取大家嘅個人同財務資料

比較下top holdings囉
中意邊間咪邊間

想問而家由受託人A轉去B，係咪通常有基金單位送？

公司得HSBC North American Equity同ValueChoice North American揀，冇自選，咁邊隻好？

valuechoice咪自選囉，而家叫智優逸

想問下
離職之後幾耐供款戶口會變返個人戶口
個人戶口係咪自己轉走就得
應該無一個曆年一次走佬限制？
唔想迫交貴管理費

要等舊公司出離職通知畀MPF受託人，之後受託人會寄信通知你去處理舊公司MPF戶口

睇下你公司個HR快唔快手，正常黎講3個月內就會轉做個人戶口
咁你就可以立即抽走

其實唔使等佢自動轉做個人戶口
MPF受託人會出信通知你點處理個供款戶口，收到封信個下已經可以轉，HR快手通知MPF受託人的話，一個月內就收到信，你已經可以揸住封信安排轉會

今日想同大家分享下
話說我早幾日要等船，係附近間老麥度呆坐左成個鐘，我就睇到個保險佬點去sale野，真係非常非常唔令人嘔心，從我坐係度得知
SALES係AXA 既人
被哄果個客47歲女人，有個女準備送出去讀書

首先個agent係度sell pay5年8年回本既product，年供25000美金
之後就講派息基金，講到幾咁美好，雖然佢都認有部份信支那搞到賺息蝕價，講到派到既息拎黎日常生活洗費幾好幾好咁，但係在整個過程都絕口不提管理費開支，亦唔講經保險公司買呢類基金首5年提早拎錢係會有高額行政費，提取費等等

我相信好多人係佢自身既行業係好PRO，賺錢能力好高，但係係投資上真係比呢度狗賊agent 累死，根本佢就唔係要有呢個「保險需要」，白白比呢類高管理費既派息投連險基金食曬回報。

講過好多好多次，低管理費係好重要，3-5 ETF組合已經夠建立一個終身合用既投資組合，真係唔使靠呢類人幫你理財，你既金錢成就緊佢既富足生活呀

講真，強積金係貴管理費走唔到，所以真係揀相對最平既被動式基金，係儲到錢的，不過而家5%呢個比例係絕對唔夠退休，我一直都講，每個月不論你月薪係幾多，都應該儲15%人工作為額外退休儲備，投放係環球類既ETF度 (如果你問我選擇，我會係exclude左新興市場既野，只係集中係已發展經濟體既股票，即係例如我揀URTH 而唔揀ACWI)

再推求幫手

想聽多少少
連登仔成日講嘅VOO呢
太過集中地區？

自己可以睇下你揀果隻ETF 個BETA對比SP500，越接近1即係同SP500高度關聯度
再對比返過去表現
就會發覺搞咁多都不如買VOO算鳩算
叫大家買環球類別只係想再分散返個風險

放曬落世界股票度就OK
不過可以半自由行點解唔轉走~
收0.99%我都覺得有點貴

啱啱查咗top 10 基本上一樣
world都係好US ？

想請教下有無聽過愛爾蘭版嘅上述各個ETF
我知可能已經講得好遠
但係聽到40%遺產稅個心好唔舒服
URTH - IWDA
VOO - CSPX