有冇人有養倉鼠睇過醫生

大家千祈唔好去深水埗楓樹珍禽異獸睇張醫生!

事源之前我隻熊仔鼠心口生左粒野,去睇佢。佢話醫到,幫我做手術,手術半至一成風險。所以做手術當日我就好似帶佢去覆診咁嘅心情,點知佢醫死左,之後話粒野生得近心臟,倉鼠負荷唔到,就帶過左成件事。當時我係好愕然同接受唔到。

嗰陣我隻倉鼠睇過另一間診所,嗰個診所就唔係好想醫佢,我諗佢地係知道好難醫之類,但我覺得張醫生無經驗唔識野,以為好易醫,其實係唔應該手術切走。

同埋手術之後我睇返切出黎粒野係粉紅色,我懷疑係良性瘤,唔需要做手術。如果唔係張醫生,我隻倉鼠可能仲可以生存多幾個月。

香港無乜幾多個醫倉鼠嘅醫生,而張醫生唔知係咪放好多資源做宣傳,好多post都會吹捧佢,我當時都誤信左吹奏佢嗰d post,睇過佢先黎後悔。我覺得佢根本未到醫生level,最多只算係實習醫生。大家千祈唔好睇佢呀,無謂害左隻倉鼠!如果大家有睇過佢嘅不愉快經歷,都不妨講下,警惕下大家!

做得手術一定有風險，冇話一定包醫好

rip鼠鼠

明你係會好傷心嘅
但你望一望粒野就話係良性瘤唔洗切 咁唔洗睇獸醫啦 仲誇張過啲病人家屬google完同醫生拗
你有證據佢係有醫療失誤/誤診一定大把人包括我都會撐你
但你乜證據都冇就話人地有問題上嚟唱人 對人地都幾唔公平

但佢話到低風險,結果係醫死左。我覺得佢係呃人醫死動物多d~

醫生話惡性,但良性惡性都好,最大問題係唔識醫醫死左

push

push

你成篇都係你覺得你懷疑 根本從來冇證實過亦都冇任何證據支持
你咁樣同啲大陸人屋企人醫唔好就去醫院大吵大鬧有咩分別
醫生都要送去化驗所驗先敢答你啲腫瘤係良性定惡性 你憑咩望一望就肯定粒瘤係良性 你對眼識化驗？
同埋好多診所唔想幫倉鼠呢類小動物做任何手術 係因為佢地體型咁細 就算有儀器幫助都好難做 而唔係因為個手街嘅危險性

倉鼠不嬲係好脆弱 人地都話咗俾你聽係會有10%風險 就算完全冇出錯都有機會會死
你冇證冇據連個獸醫邊個位犯咗錯都冇就開post唱人 癲到

再講 你至少都要post啲手術單據上嚟而唔係trust me bro啦下話
你拎得出證據證明人地邊度出錯一定有大把人撐你

懷疑腫瘤良性惡性咋。你都識講好多診所唔想做手術,但佢係唔識做都要做,醫死左就話因為腫瘤近心臟負荷唔到。

我覺得佢唔識醫之餘仲要搵我隻倉鼠做實驗品,其他人去睇佢真係要諗諗。

我就當真係惡性喇,但醫生話半至1成風險,醫死左仲唔係醫療失誤嗎

間野間唔時就有post話醫療失誤㗎喇,我一早都唔會再去啦。你講都冇用㗎,人地大公司,有咩負面野大把人出黎又屌你又盛

隻鼠咁細隻 個手術要精密到唧粉刺咁

樓主on9到

我睇荃灣個間沙咀道朋友仔，整體係ok。雖然唔係發生大件事

風險主要係講緊動物身體本身有問題，可能你唔養開小動物唔知，其實淨係麻醉對小動物都有一定風險。如果係因為手術危險有難度，風險絕對唔止一成。但做手術前我已經照晒心肺，醫生都話無問題先做手術。

到做手術死左，醫生話因為腫瘤近心臟，心臟負荷唔到。咁佢做手術前同小動物照個心，話無問題係咩意思？我個人認為咁樣講只能夠證明醫生無知，連手術個難度幾大，自己做唔到都唔知！去睇佢嘅人真係要小心，佢斷估嘅醫術同你講你隻小動物有咩咩嘅問題，係咪真係信得過。

其實周圍都有倉鼠手術做

倉鼠得2年多啲命，而且生命好脆弱，其實唔應該做任何手術…

麻醉出事都聽唔少，醫生用佢專業同經驗評估風險，但係意外一定有，醫人都會咁、更何況一隻咁細小嘅動物

明白你好傷心，自己以前養過一隻有病，睇咗好多次醫生，疫情果陣離開咗

有時倉鼠有膿斷骨嗰d可能有情況要做小手術。

想講，意外可能無得避免一定有，但出左意外你會搵下原因，唔係次次都一句係意外就算。

我當時想搵另一間診所幫倉鼠做手術，另一間都唔係好肯做，張醫生卻係搶住做，但做死左隻倉鼠，事後一句心臟負荷唔到就完左件事。我會覺得佢係醫術低其他醫生一截多過係意外。

我之前有朋友有cancer，想搵醫生問下可唔可以做手術，醫生都好直接話做唔到，咁大範圍嘅瘤硬切身體會頂唔住。但張醫生佢係做死左隻倉鼠先知自己切唔到個瘤。我唔知佢作為醫生會有幾多基本應該要識嘅野唔識。我感覺佢真係唔係好惦，佢斷估嘅醫術，重視倉鼠條命嘅主人都無理由會去睇佢。

醫生喺得呢個位醫病，我知一定有人覺得，無論佢醫成點都唔係我應該理，但我希望社會容得下唔同嘅聲音，獸醫應該要識醫，無能力嘅醫生被過份吹捧唔會係一件對大家有益嘅事。

係咪講廣東話唔咸唔淡嗰個？

楓樹以前兩位女醫生好好，但返咗台灣。跟住就睇享和，我隻熊仔鼠都係心臟有事。同埋子宮生瘤，醫生同我講冇得開到切走粒腫瘤，因為佢嘅心臟負荷唔到手術。我諗樓主係認為張醫生評估錯誤，明明話風險唔大，但最後過咗身。我覺得你可以問清楚佢，要佢解釋下當手術過程，再作定奪。

低風險咪即係有風險
唔好彩你就係個1成
係到叫春不如節衰順變