昨晚 #姜濤、Jer和肥仔@ERROR都變身觀眾，欣賞頭場歌手的精彩演出，尤其入行前已是小豬粉絲的姜濤，更在台邊跟住偶像又唱又跳，興奮到又叫又彈，在IG分享並留言給 #姜糖：「我終於知道你們平常的感覺了！🍬」並tag了小豬：「炸🔥#鬧翻天」
姜糖紛紛回覆：「你真係粉絲嘅典範❤️實在太成功，呢個追星bucket list好難fulfil」、「求你多出幾首炸爆舞台的歌🔥🔥🔥演唱會要一起high爆」、「你就好啦，追星追到上台側睇！我哋平時為咗見你，都要用望遠鏡🔭」
小豬於9時40分登場，以半鹹淡廣東話向大馬歌迷打招呼，間中還滲雜福建話冧粉絲，一連唱跳《Only You》、《愛的主場秀》、《愛投羅網》、《精舞門》炸爆舞台，唱到尾聲時，小豬更突然跳落台，用粉絲的手機玩自拍，又送潮服給幸運歌迷，全場high爆。
姜濤在台邊睇完偶像演出後，轉頭已走到台下跟Jer和 #肥仔 繼續睇騷，當 #陶喆 壓軸登場時，姜濤和肥仔都睇到好high，負責拍片分享的 #Jer 都跟住陶喜喆唱歌；陶喆在演唱《就是愛你》走向左邊舞台時不慎跌倒，很快站起身繼續唱，還搞笑說：「剛剛掉進『流沙』，沒事。」
至於教主 #AL 原來病了！今日凌晨他在限時動態貼白粥、熱牛奶和綵排相，寫道：「用唱歌轉移腸胃炎的難受 #痛到神經都會冒汗」、「今天早上微燒 胃抽筋、肚痛、作嘔 然後才發現是腸胃炎，立刻服了很多藥，現在輕微好了一點點，放心，我好強的」
而 #Edan 昨亦在限時動態貼相報告：「Rehearsal咗一陣就濕晒了」身上的白tee被汗水沾濕，變了半透明。
