[SBS、Disney+] 韓劇《浪漫醫生金師傅3》韓石圭、安孝燮、李聖經（2）

前後成8年，書靜其實唔適合入黎，頂多客串下

其實今集我都幾炆恩在 佢依幾年好似無成長過 仲係成個細路女咁
雖然都知佢不嬲都衝動性格 但佢始終已經係人哋前輩
幾嬲都唔應該咁唔顧大局
咁容易就俾楊浩俊煽動到
宇鎮勸佢仲嬲埋佢一份 雖然佢好快已經醒覺返
但作為個都算資深嘅醫生 咁樣等同玩9外傷中心嘅幼稚行為 佢做得岀嗰下已經令我好失望

其實你講得好啱 佢哋幾個人嘅人設幾乎無崩過
所以去到某啲劇情見佢哋總是犯同樣嘅錯就好炆
尤其是已經得返2集 有得揀我會想睇救人情節多啲
不過都明嘅 編劇可能覺得救人情節頭兩季已經好夠
所以今季想將個重點擺喺金師傅嘅浪漫理念VS現實&原則
頭8集我都覺得仲係好好睇
但依幾集真心覺得失色左唔少 唔知係咪因為支線太多又太散
苦苦等左3年先有得睇S3 真係唔想佢爛尾

比東柱鬧完 一時衝動 一時氣盛 就係後生仔女好多人都會

而且劇本話要罷工 劇集點都加入戲劇效果

不個楊醫生對姜東柱人品問題 就應該用咗畫面去交代先 續落去

終於睇完呢兩集

恩卓 雅凜 又係臨結局前嘅愛情劇套路？ 先離後合配合大結局？

比著我係恩卓 我就屌咗東華先 我兩個感情關你撚事咩 的確呢類情況仲比身邊人教路唆擺 我以為睇緊小學男生暗戀女同學

另外東柱放晒權打理外科中心 啲護士點解唔八掛傳到畀醫生知道 搞罷工嗰度真係得啖笑

個女同學生B又係奇怪的單元 個老豆仲未知道個囡做咗人阿媽？ 睇到嗰part硬係覺得奇奇怪怪 又冇好完整解釋 點解有B

而且個女同學離開同番醫院又係乜一回事？點解醫生見到女同學唔先捉佢去檢查身體

其實佢哋唔後生啦
07年入學而家都成35、36歲
入職場都接近10年啦
就算醫生個training同普通職業唔同
都唔會有人畀個上司鬧兩句（仲要冇鬧錯佢）
就走去煽動啲人玩罷工掛
有個新嘅外傷中心但完全冇加人手已經勁bug
班人仲走去玩埋啲小學雞嘢
恩彩宇鎮畀人感覺係要得到佢哋認可
先有資格做佢哋上司咁

頭兩季其實都有浪漫同現實衝撞嘅地方
但第三季就眼高手低想玩埋政治
搞到勁多bug
下集仲玩埋火燒醫院
明明頭兩季睇金師傅係好爽好治癒
第三季睇到心口痛

我睇法係 到第三季 應該推進去講其他野 行政野 我覺得還算ok 此終夫勇周嘅心願達成都要睇佢如何運作

而恩卓同雅凜呢一pair真係copy番去第二季個感情階段freeze咁 同第二季loop番第一季內容然後少修少改一樣 但今次變咗真係好小學生暗戀方式 我相信大結局就明朗確認嘅 不過嫌佢先離後合愛情劇套路太小朋友

第14集真係特別差 寫東柱同恩彩衝突咁係有可能預先鋪定落最後兩集發展而咁寫 但罷工、女學生生B呢兩part好明顯為攝時間攝嚟到後面恩雅戀情同山火而插入去 插入去唔係問題 但寫得非常古怪同唐突

而暫時整套劇我認為啲敗筆位係 將新加入去嘅角色 畀太多位佢哋表演同發揮

14集收視有keep到 仲唔去還神 執到喇

supposed新加嘅角色係要有發揮
尤其張東華個身份
但去到得返兩集都仲未開估
前面寫張東華不思進取寫得太長
2集不思進取咪算囉
雄醫生個角色有同冇都冇分別

雅琳同恩卓鬧交好似係因為冧樓恩卓冇報平安?
寫到佢哋平時神交咁又會因為呢啲小學雞嘢鬧交
恩卓又唔係走咗去玩唔知佢發生咩事
咁都要嬲你兩個分手算啦

其實宇鎮同恩靜都係衝動撚
佢哋跟得金師傅多
沾染哂金師傅嘅嘢仲要進一步強化左
所以一個危樓都照衝搞到受傷 隨時以後做唔到手術
一個就違反命令 走去另一邊做手術 跟住死左個patient

罷工就真係唔知做乜
請多幾個醫生又唔會令到啲護士失業

罷工嗰到睇到好忟
不過啲護士罷工好似係因為東柱加血庫冇問過護士意見
其實佢哋大部分都係唔妥東柱獨裁
乜都自己話曬事冇諮詢過下屬意見
得楊狗唔知真係眼紅後輩做佢上司定以前有過節
個朱閪就不嬲都bitch嚟
恩彩就純粹衝動+比人煽動

外傷中心冇人手
連make sure血庫夠血都唔得真係得啖笑
明明恩彩之前冧樓都跟規矩
聽到成班人講佢老豆壊話都忍到
但自己唔跟程序做嘢搞到入唔切手術室畀人鬧就要發癲
點解編劇要咁樣寫衰恩彩

書靜同金師傅都係同一類救咗人先既人黎，留喺石垣會好過去外科中心

程度唔同嘅
冧樓災難規矩係救生還率高嘅人
外傷中心要你數手指standby唔好理急症室就死嘅人

其實恩靜嬲嘅位係自己明明力所能及 可以救到一個人性命
但就要因為啲規矩而白白浪費救人機會
同冧樓嗰陣唔同
佢冇能力救到哂所有人
你睇佢同嗰個學生就知
佢一知個學生好友冇左脈博就果斷放棄左去救第二個人

而至於所謂唔跟程序搞到有個傷者死左
只能夠講係劇本嘅安排
佢受到金師傅影響見到病人就救
冇諗過東柱整呢啲規矩背後嘅目的係咩

東柱對自己嘅定位好清楚
就係跟住國家對外傷中心嘅定義
從原則上塞住人哋把口
佢將啲傷者分類合乎原則
而且佢咁做都等於佢相信金師傅handle到
又何嘗唔係一種信任呢

Sor 搞錯人名
恩彩

咁佢而家係返緊外傷中心定石垣醫院
成班好似手術上癮咁

程序係死嘅但都唔係龍門任搬
冧樓就跟程序standby緊就唔跟
就算石垣真係要佢幫手
都應該由金師傅開口同東柱講
啲後輩跟佢呢個方式做嘢死得啦

佢喺外傷中心handle傷者
石垣有傷者唔關佢事
除非東柱調佢過去

恩彩呢班人以為自己可以handle一切
最後搞到成個系統亂哂

其實大家將佢變成其他公司/dept就明

本身係Marketing team，公司開左新Sales Team
部份同事調左去Sales Team

跟住見到MKT team忙到PK，Sales Team新阿頭又好西
然後d同事竟然違反新阿頭order，衝返舊team幫手
然後仲要搞Wor左Sales team的生意

點睇都唔岩啦

佢哋個個都想做金師傅
但師傳得一個

我覺得如果呢個情況喺一個醫院發生仲得人驚

所以醫院會有1st call 2nd call一層一層咁call 上去，點會成個centre 得一個cs咁恩彩咪要24小時on call?

之前集數榮榮仲多戲份喇
榮榮：好 同個女修好
差 太多戲份&唔係正式反派

之前集數恩卓同雅凜互動場面太少 正式開始應該係東華到12集對雅凜八掛戀情開始

戲份分配比例唔平衡 宇鎮爛手看似對劇情推進冇乜大幫助 睇宇鎮康復感覺好睇？我自己唔覺好睇 前兩季總有個會爛手 今季又睇？