IKEA 真係垃圾

你話好似小編嗰啲咁坐喺office 梗係好啦
但係做前線分店係另一回事

做咗都一段時間，真係覺得呢間公司好垃圾又庹縮，賺咁撚多錢啲電腦system 垃圾到不堪成日hang機，同事做到燥 客又用到燥，self-checkout 個system 都係office IT自己揼，真係好心你出去買人哋套System呀改下佢再唔係搬惠康萬寧嗰套過嚟都好過你自己砌，美食站買嘢食嗰啲機又係仲廢過M記都唔係第一日有客咁樣講㗎喇，又要樣樣野好但係又唔肯俾多少少資源落嚟，大家都係牛奶公司，惠康萬寧都好過呢度
Full time 人工低又要做鬼死咁多嘢，啲management 個腦全部都屎忽坐住咗，出得個雞碎咁多人工同要做嘅嘢唔成正比又要俾班management 屌又要俾客屌，依家到到都缺人加薪搶人，出邊其他開嘅人工起碼高你一半，又要上啲咩ikea culture & value堂

Full time 人工都唔高嘅時候part time 更加唔使講啦，仲要啲part time 返到成個full time 咁嘅時數，好想問班management 咩叫part time 咁仲叫part time ? 唔好問點解part time 成日請唔到人。做CS先慘因為咩都關C S事，攞貨／退貨／執車／對住啲on9客投訴，又要做埋企入口（aka罰企）講「歡迎光臨需唔需要購物袋」management 係要見到每個客都講，真係好心你不如電腦播啦，要個人係到成個機械人咁重複把聲都唔撚掂啦，成大個籃嘅黃色購物袋擺咗喺度，啲客要嘅話自己會拎嚟用，佢哋只會話係咁架啦，屌你班management 又唔見你做下，某啲就淨係識係到傾計吹水再唔係就幾個出去「呼吸」

點解IKEA 啲野食賣得咁平

就咁一條腸一個包夾埋，你想有幾貴
而且賣得貴都唔會有人買啦

急凍野翻熱
成本平撚到嘔

成日話咩創新低價，大部分都係蔗渣板做嘅

同係牛奶公司，萬寧其實都唔係好太多
都係日日做到屌晒老母

呢啲就唔講啦

買野食部自助機

用過嘅都知有幾廢

請人有講每個月都有bonus
不過冇一個月到數 有等於冇

Ching 做左幾耐

既然出面人工又高啲 咁…點解唔轉工？

Ikea d on9客會投訴d咩

唔知你知唔知啦，佢依家係365日keep 單退換，即係咁啲床笠被袋枕頭袋全部個包裝都有寫清楚個Size而且包裝透明可以睇到咩顏色（呢啲係開咗冇退換），有啲on9 就拎住開咗包裝嘅返嚟嘈就話Size唔啱／顏色同佢諗嘅有出入。又有啲拎住個用過嘅煲返嚟話佢屋企個電磁爐用唔到要退，現場即時搬個電磁爐出嚟同佢試又ok冇問題正常

咁呢D一定換俾佢啦 洗乜同佢嘈
人地企硬投訴你 公司唔會保你

唔係話開咗唔俾退?
即係如果死R話要退都要退俾佢?

你可以咁講嘅⋯⋯咁有時人地企硬要投訴，息事寧人嘅咪照退張等值禮品卡俾佢

Ikea value: 顧客永遠是對的
唔理個客有幾無理

之前唔識野 買左鋪床
陣味大到幾個月都唔散
最尾成張扔左

有冇推介邊間傢俬好 ，照計 IKEA 對室內污染物要求比其他高

做過cashier
真係俾狗做

但出面同樣既垃圾貴好多