【港講電影】《日麗》：父母子女的永恆時差，一封遲來的真摯情書

本身佢走去沙灘，我都已經諗緊，唔係呀，個女仲喺到喎⋯⋯
最初希望佢落去散吓心，但直行唔返轉頭已經覺得好大件事
好彩，佢咁愛自己個女，至少唔會係呢次旅程自殺

早排睇咗，好鍾意呢種描述日常片段丶平淡嘅節奏，睇得好舒服，推介俾覺得電影需要劇情推進嘅朋友仔睇
下有少劇透



對我黎講最深感受係，雖然有時見到自己父母都覺得佢地幾唔掂，就好似戲入面Sophie有時會窒Calum，但係都會想像佢地以前經歷啲咩，再諗返自己同佢地差唔多年紀果陣係做啲咩

防狼術嗰part 講落都似
就算唔係被侵犯，都可能係被欺凌

生日歌個段係最難忘

我都有哩份擔心，亦都可能因為咁，佢先放棄上返岸，不過已經身心俱疲係床上瞓咗。第二日佢好認真向Sophie道歉唔止係因為佢發脾氣，可能更加因為佢差啲帶俾個女一世嘅陰影。

巴打講呢幕我真係勁鍾意
一睇到呢幕，知背後意思即刻毛管戙
即刻feel到呢套戲呢個導演真係唔簡單
後嚟知到電影起源都係同父女影相有關
呢種深刻嘅感情，透過電影藝術再度呈現
應該係我近年睇過最深刻嘅一幕鏡頭

呢到係連繫埋佢隻手點受傷

好撚悶呀套戲
一味慢丶拖丶暗示
邊個話好聽, 我屌你地老母

同意係慢，係暗示，不過唔算拖，因為每場戲都有各自想表達嘅意思。

至於悶唔悶就真係睇觀眾代唔代入到角色嘅感受。好理解有啲人係覺得好悶，因為完全無一般電影中出現嘅（drama），不過有啲人如果可以感受到當個女長大後，重新睇返啲錄影並喺當中審視父親喺個旅行中背負緊嘅難處，就會好感動。

Btw, 有啲場景巴打門解讀出個老豆係窮同有尋死嘅傾向，好似唔睇車行出馬路，企喺欄杆，食霸王餐同執地下嘅煙頭。我睇緊戲嗰時都有察覺到哩啲暗示，不過可能我對西人有sterotype，我又覺得有啲西人真係咁on9同貪玩，所以無完全代入到哩個方向去諗。不過，睇完後再諗返成個故事，我都認同佢生活真係好多困難。

佢最後勁爽快唔理價錢咁同個女影個張即影即有
都暗示咗佢已經唔再care錢
因為佢應該已經諗好完咗旅程自己都會結束生命
一個場景一個行為就combine哂窮+尋死傾向特質

所以個女同佢講哩個trip係the best ever，都唔知算唔算係令佢感覺到就算死都已經死而無憾。

仲有抌本買嗰張土耳其carpet
Sophie半夜扎醒嗰幕嘅鏡頭，zoom落去影到張地氈

要諗埋張carpet好耐歷史
由佢大個應該有十幾年以上
一直keep老豆遺物，好有感情

巴打小心爆血管

同之後有個位，係咁對個女道歉
知道自己亂發脾氣（可能包埋行落海灘）
個女話無嘢，佢仲好堅持話係自己錯

最後個女出境依依不捨
係咁轉頭講拜拜，真係諗起都

用既配樂又係夾曬

https://www.facebook.com/watch/?v=151554964573882
“Hello Hong Kong!”
無論你睇咗定未睇《日麗》，飾演囡囡Sophie嘅Frankie Corio都有啲嘢想同你講，去片

真係好好睇 有浪漫嘅感覺 想二刷

呢個小妹好笑容好燦爛，同沉默嘅爸爸好大對比

係好值得再入多次戲院

有啲片，兩人真實演員互動好Cute
勁期待佢哋之後演戲嘅發展

啲配樂係選得好有心思

this is our last dance