拖欠咭數，銀行交咗俾財務公司

試過恆生差5萬卡數都打黎同你傾分期還，你唔理咪出事

笑乜9

13萬都搞成咁
會唔會太廢

屌你老味十萬老破

唔知你真心定假膠，用信用卡透支現金係最on9做法

層樓有冇得加按 借多1成清晒啲卡數
樓按算係最低息嘅借錢手段

建議借多幾條數再申請破產囉

好彩有呢啲on9 唔係我地邊來咁多優惠
多謝樓豬

利申 做過呢類收數
算正規，紅油恐嚇唔洗諗，一定無，全部都係碌爆卡銀行唔收彈落黎比收數公司收。

逐樣講，首先收數公司收返黎追債仔一定+30%，就好似樓主咁，10萬上到13萬左右，初頭會打電話同你講，話xx銀行條數依家我地xx收數公司收，電話內容唔會有恐嚇成份，因為有錄音，你講到幾慘佢都唔會聽，第一句就會劈頭問你幾時找到呢筆數？一炮過通常無可能，叫你入住兩三萬先，隔一個星期又叫入幾萬，佢地手法係盡量一個月收齊。

如果玩無賴唔聽電話，話入數又唔入，佢地一個星期會有兩三日唔打電話，走去行街上門，用盡所有方法一定要上到你屋企門口，禁你門鐘，會有封信比你，無人就攝鐵閘，但係正如我上門咁講，呢類收數公司只會言語上惡啲，但係唔可以做越軌行為，上去人地屋企一定會影相同錄音筆，所以你基本上點屌佢老母都無所謂

最後十單case，有一半搬走避難，另一半就老破，係得好小數最後係找（可能銀碼唔大），當然，唔好諗住避，除非自己一個，因為佢地會不斷打電話/上門煩住你屋企人/親戚，同埋佢地唔會直接同第三者對話，一定要搵到你先會同你講。

做food panda 還番d錢同利息啦

你肯做每晚都有300蚊落袋，加埋自己日頭個份工，13萬絕對可以好快還完

每晚300蚊，31日都額外多左9000蚊收入

收番條數佢就OK架啦，佢都唔想逼死債仔

收數公司都係叫你入返銀行戶口咋嘛, 唔會冇得傾
不過都唔包一定傾到

因為恒生一賣左舊爛帳已經有錢收到 可以拎番d現金出來派息

咁多人用銀行做出糧戶口，銀行用呢批活期存款去搵息差都賺到笑

當還哂話幾耐先升得返好TU 10年？

可能十萬蚊，銀行已經收番其中7萬蚊番來，餘下3萬當蝕左，減低壞帳損失率

恒生係活期息差個到搵番舊錢，好易cover到呢d損失

唯一好彩嘅係樓主只係差銀行數

有人叫你搵財仔冚數千祈唔好聽 到時就唔係咁簡單

咁如果一路有找數但只係找好少
係咪都唔會進一步 最多打嚟叫你入錢?

係，銀行數好小事，最多煩你chur你，清到數就得，黑材電話數果啲就唔知咩玩法

一定唔會少到min pay咁，我上面有講，佢地係以最快手段收齊，簡單講，例如十萬，你預佢會3萬 3萬 4萬咁逼你入數，仲要一兩個月內，唔會比你攤長慢慢還

我識人佢差十幾萬
隔一排先入一兩千(唔係唔想還 係能力問題)
都只係成日打比佢問佢 冇其他
唔知係咪間間做法唔同?

呢啲預收數佬一日一call啦個重點係，佢地唔可以做犯法野逼你還，所以如果條數上到去50 60萬，真係大把人玩無賴，幾萬果啲唔想煩就會拿拿臨找左去，始終係自己洗左既錢

樓主唔駛驚，有賭未為輸
聽日有英超，睇下仲有咩財仔可以借到盡，一定可以返身

移民

會上到咁多？
上到50萬咪佢搵自己笨？變相逼人唔好還，本金都收唔到