歡迎想砌模型o既巴絲入黎 (185) 砌膠易過砌Zelda

如果你係計佢最hit 嗰排嘅話我都同意
但喺MD 同 AGA collab （2018）嗰陣開始計（商業上）應該叫有咗先例？（遊戲囡囡聯名模型化）

但點解喺分有戰艦同囡囡模型嘅情況下撈埋一齊會有難度就真係唔清楚

期待福巴嘅分享

係我依啲唔玩艦c/b既人眼中 兩邊除咗玩法之外
其實冇乜分別
由期發行商係dmm

竟然係咁

一邊係賣女賣肉要你課金抽女買skin
一邊係精神虐待玩家但唔會賺你錢要你課金

兩邊對我黎講都係賣肉賣女
艦c仲有脫衣 中破大破就脫唔同程度
除咗玩法 真係唔知有乜分別
課唔課金就真係唔知
留意返發行商係dmm
自己望下dmm主要賣啲咩

我覺得難度唔大
出得到咁多figure即係將佢立體化成實物係做到
不過要還原到啲細節又要做到笨大咁易砌應該唔易
不過班抖m提督出隻gk級難度既比佢哋都會砌住叫春

啱啱手痕開返艦c睇一睇啲介面
望下堆艦娘有冇新改造
然後大建晒啲資之後熄返

典型嘅出咗就有保底銷量，但因為日本人過於保守導致錯過咗黃金時間最後搞到高不成低不就唔嗲唔吊嘅例子

AGP系列咪笨大出, 拎番出黎改下得唔得

BRUH


Look at dis, dude


WOW WOOOOW WOWOWOW

我自己覺得艦C人氣最高果陣唔識搞大黎做搞到今日咁
限國內ip自己玩都算
手機版一開始仲要抽選先有得玩 又lag到嘔泡
人氣爆左都唔識發展延續ip真係冇得搞
fgo開頭都搞到一獲泡都救得番

所以我先至估唔到佢係可動定不可動

你等多一陣先, 我而家google doc第3頁

直接啪埋佢就得啦 用合金骨架要修件不了

交過智商稅下次應該識揀

關於艦Colle嘅嘢嘅問題呢...
深入淺出啦, 先放低個TD;DR

1. 設計層面棘手位: 平衝問題, 可動衝突, 部件工作量等等可大可小嘅問題加起上嚟注定咗值得開發嘅角色有限
2. 商業合作作風: 佢哋嘅合作對象嘅產品明顯係技術成熟同有絕對夠大嘅市場, 屬於非常保守嘅態度
3. 市場風氣: 相信我, 大家低估咗砌模型、欣賞模型、認識模型嘅門檻


關於設計
如果今日我老闆交咗個idea過嚟, 俾咗隻game啲artworks reference我睇
我乸起望完一眼, 第一時間我要問老闆嘅問題係
「我要做邊一隻?」
而我老闆如果冇痴線冇私心嘅話, 應該就會答我
「最紅嗰批, 理應最賣得」
我對艦Colle圈子嚟講年資唔算叫做最舊嗰批

以我有限嘅觀察篩選, 會有以下入選成員(排名先後與人氣無關)

大和、武藏、金剛、榛名、Bismarck、Iowa、Warspite
大鳳、Graf Zeppelin、加賀、Saratoga、翔鶴
高雄、愛宕 、摩耶、鈴谷、Prinz Eugen
天龍、鹿島、島風、響、天津風

(對艦娘冇印象唔知係乜又八掛嘅巴打建議自行google或者上喱個圖鑑睇
https://wikiwiki.jp/kancolle/%E8%89%A6%E5%A8%98%E3%82%AB%E3%83%BC%E3%83%89%E4%B8%80%E8%A6%A72)

相信係提督/退役提督睇到上面嘅分行已經明白我點解咁做

首先第一行係真正你就算冇玩都會喺雜誌, poster見到嘅戰艦(Battleship)
佢哋有個古老而且延續至今嘅問題
女就細細條, 架撐大大件, 頭髮長瀨瀨(只有武藏冇咁大問題)
喱啲屌你老味我睇撚到都唔知點落手
三尖八角左碰右困已經可動性上打晒折, 擺多個pose都要加關節, 加關節喺條女到破壞美感
加喺艤裝到又要分到碎濕濕
重心極後基本上冇可能唔用支架, 個支架一來礙眼二來再進一步限制可動性
地獄中嘅地獄, 以2017年前後兩年嘅模型設計習慣而言可以話根本係天方夜譚
因為艦Colle係有設計定案嘅嘢嚟, 唔係你壽屋自家嗰啲女女咁全部自己原創
喺設計嘅時候本身就冇可動組裝模型喱個前題
都仲未計真係以軍事模型水平去認真做艤裝設計, 船艦模型根本唔會考慮可動性喱樣嘢
而家唔係講緊主炮轉下角度喱啲, 係成隻船摺埋啊
你條女隻手仲有冇位擺
喺喱個思路之下, 喱行嘅絕對生還者係Warspite
因為佢係唯一唔係艤裝痴背脊, 係可以成張輪椅分離

跟著第二行係航空母艦(Aircraft carrier)
喱到情況好少少但先出問題嘅就係Graf Zeppelin, 因為佢嘅問題就係戰艦嘅問題
其餘嘅生還者艤裝問題比較少, 因為飛行甲板放側邊同條女係可以冇關
只不過引伸另一個問題, 飛機嘅問題
有興趣嘅巴打可以search下1/450(對比返你哋啲女嘅比例)嘅飛機模型係咩情況
你哋如果仲有打算討論落去我就會同你講喱個世界上連本身鍾意砌艦嘅人都未必砌空母嘅原因就係唔想面對嗰啲飛機
唔係畫唔出, 係喱件事本身已經well-known fact嚟, 可以留意下空母嘅模型幾耐出一隻
點名Saratoga, 喱條女長裙, 唔係唔得但一定會有figma嗰類問題, 接唔接受到睇自己
唔計飛機問題的話, 喱到嘅絕對生還者可以話係大鳳

第三行就係重巡洋艦(Heavy cruiser)可以話係比較有機會啲嘅
艤裝雖然大但都仲算可接受範圍, 但如果條女又要做得靚, 艤裝又要好細節
就會進入有限米煮有限飯嘅取捨階段
但問題係, 喱到似乎除咗摩耶同Prinz Eugen之外冇決定性嘅曝光度同話題
嚴格嚟講喱堆嘅設計難度就比較合理, 冇致命嘅缺點

第四行就係細船了, 輕巡洋艦, 練習巡洋艦, 驅逐艦
老實講, 喱堆船完全冇問題, 落手設計應該唔會好棘
所以時雨喱隻驅逐艦GSC進行緊我覺得唔意外

其實一隻模型能唔能夠被設計出嚟係物理問題嚟
物理上唔衝突先有得講落去
之後就係有限米煮有限飯嘅問題, 如果設計完出數返開模嘅高成本位有幾多個(喱到主宰咗價錢)
咁就已經叫做設計階段樂觀(同實行與否無關)
但你可以見到喱到本身已經Filter咗好多設計
我唔會話嗰啲有致命困難嘅嘢完全冇可能推出, 因為事實上好多都有figma, agp之類嘅產品
證明咗喺某程設計妥協或者生產妥協之下(即係例如隻伸唔到直就由得佢啤成伸唔到直, 啲裝太重會反就由得佢反)
喱啲如果都ok, 咁就冇問題, 但我喺到再提醒一次, 我哋講緊嘅係2017年前後嘅壽屋, 或者其他組裝模型廠

你覺得冒喱個險同繼續專注自己嘅主打作品或者一啲合作難度冇咁高嘅對象先定係賭一鋪去呢

好, 非常好嘅覺悟, 你選擇咗賭喱鋪落去

我哋可以討論下一個問題, 商業合作作風喇

屙個尿先

其實如果你認真回想同翻查艦Colle嘅商業合作
就會發現佢哋只會選擇一啲具有即戰力嘅合作對象
三越, lawson, 7-11嗰啲貼牌嘢擺明啦
喱啲持之以恆又夠大眾嘅嘢冇咩好挑剔, 所以佢係果斷做嘅
街機, 佢搵SEGA搞, SEGA又係喺街機到有極成熟嘅運作
模型方面
Figure, figma, 黏土人唔講啦, 已發生又顯而易見嘅事唔深入討論
我唯獨想拎AGP出嚟講, 因為喱個系列的確係最有討論價值嘅
但如果你識得夠耐嘅話, 其實AGP本身喺同艦Colle合作之前已經係Bandai嘅一個成熟嘅系列嚟
之前係做開IS, Strike witches, MS少女喱類可動機娘成品
而佢又同GSC Figma有咩分別呢就在於Bandai同當時未有大量發行組裝模型嘅GSC唔同
真正主力產品就係組裝模型, 言下之意就係如果艦Colle嘅揸fit人如果要合作出模型
根據佢嘅作風, 搵嘅都只可能係Bandai
因為佢喺技術上、推廣度上都係首屈一指, 喺佢唔大唔痴, 冇成熟系列俾佢加入就唔痴嘅前題之下
你覺得你用當年嘅組裝女女去同嗰條仆街傾會有好結果咩?
如果行徑保持一致的話, 當年係唔太可能嘅
而家絕對有把握, 因為就係有創彩有megami device喱啲, 有具參考價值嘅銷售數字
所以我同意大家話而家嚟講值得研究
但壽屋, volks喱啲喺到如雨後春筍咁推自家創作仲要growth緊
咁理所當然佢就一來做唔切, 二來變咗同自己系列作競爭
所以時雨改三喱個project最終落入gsc手中係非常合理
因為佢個business本身就冇話怕系列競爭, 二來生產能力夠大
你睇佢咁多條line都咁多product係咁嘔出嚟就知接納能力有差距

咦, 時間係2017年, 嘩似乎又俾你三寸不爛之舌傾到個接頭人有興趣返去諗喎
佢開始研究係咪真係有得做喇

食個宵夜先

我記得當年讀Engineering economics嘅時候阿sir舉咗個例子
「你而家要設計一件玩具推出市場, 你唔係要留意而家嘅細蚊仔興咩
而係去留意行百貨公司嘅父母停留喺邊類玩具最耐
buyer同user係兩個concept嚟
你要短期發達, 要睇buyer, 你要長線成長, 就睇user」
模型設計係同一回事
生產者其實喺喱個年代面對嘅嘢複雜咗
買模型嘅人, 砌模型嘅人, 可以話係buyer同user
但youtube年代, 多咗一群叫欣賞模型嘅人我叫佢哋做viewer
其實viewer喺youtube出現之前一直都存在, 就係嗰啲window shopping嘅人
入模型鋪「巡視業務」嘅人
同埋買雜誌睇人砌, 上網睇人貼作品嘅人
佢哋係喺市場上接近冇影響力嘅, 當時
但喺kol風氣橫行之下, 而家viewers係會driver到一啲content creators去支持某啲題材
即係viewers正式影響到生產者
喺喱到我就要提一提到Azurlane(艦B)同艦Colle嘅問題
冇概念嘅巴打可以睇圖理解
喱個係艦Colle嘅戰艦Iowa class 一號艦Iowa嘅立繪
　
下面係佢嘅限定立繪
　
喱個係Azurlane嘅戰艦Iowa class 二號艦New Jersey嘅立繪

下面係佢限定立繪　

除咗露出度之外如果都係get唔到我想講咩嘅話
我建議大家留意啲裝備同頭飾
雖然唔apply落所以情況但艦colle嘅設計細節係需要大量背景知識先能夠了解到佢唔係鳩畫
不論迷彩用色啦, 裝備嘅參照啦, 身上面「61」代表Iowa嘅艦艏印著嘅61(BB-61)

你老味你嗰隻雞lane閪嘢, 嗰條木咀換第二個名會有違和咩?
冇丫嘛
做模型都同樣, 有喱個問題
當我哋用返生產者角度去睇, 你件完成品係艦Colle嘅艦娘金剛同壽屋嚟緊嗰隻神盾艦金剛
邊一個能夠draw更多attention? 邊個有更長遠嘅價值? 邊個更高成本? 邊個有更大潛力
對於一個成日作賤自己衍生作品(例如動畫同psv game), 話題度退下第一線, 開始聲名狼藉嘅牌子
仲講甚麼經?
當然, 如果以大眾分別唔出好嘢喱個前題講, 佢哋都未必知艦Colle臭朵
喺喱一個moment最重大個分水嶺出現喇

邊隻鹹濕啲, 邊隻緊身啲, 邊隻少布啲

因為你唔識機械, 你都識睇身體曲線, 就係咁簡單
其實我覺得喱個post普遍係有高於中文圈平均嘅知識量
所以我先會嘥時間講下故事認真講下我嘅見解
喺討論日益長久之下就忽視咗事實上大家只不過係跨過咗門檻
而唔係門檻已經唔存在

所以艦Colle嘅組裝模型我依然睇淡就係咁解
劣幣驅逐良幣, 盞為人作嫁衣

嘩, 三點
我覺得都好清楚宏觀上同微觀上推出一件產品嘅關卡
即係好具體咁講咗咩叫「冇市」, 咩叫「唔夠紅」
咩叫好難整, 真係「具體地某個位整唔出」嗰種好難定係「有啲條件阻著」嗰種難
其實個分析方法apply到落好多人事上面, 自己消化下啦
艦Colle做賤自己喱個問題我覺得其實係一個cultural issue嚟
大家可以留意返當年日本acg界咩類作品彈起
而之後日本國政上有咩改變
唔講咁白啦, 喱啲都只係我個人嘅陰謀論, 同模型冇關

戰鬥左兩日砌起左本體 其實無點修件

但係用左好多凡士林同埋無數次老虎鉗