被消防員出軌條港女咁快笠水？

仲講咩得到男事主同意公開個人資料
縮得咁撚快嘅

利申：幫事主archive咗website
最睇唔過眼啲死港女

應該唔係縮
係佢仲妄想有機會嚮返埋一齊

咩事？

永遠都估唔到連登風向點吹

連登個post唔係forward出黎咖咩
樓主係事主?

圖又冇 又講出軌 片又冇 乜都冇

你踩樓主就比人話合理化出軌嫁啦

仲以為佢爆出嚟係攬炒添

佢內文又話求個老公又話心軟
應該似仲妄想嚮埋一齊

邊有人同意咁on9比你放上網
所謂同意都你whatsapp 自己同自己講

咩點吹我都無話過男事主啱

咁你話點解要del post

笑撚左
咁撚on9 ?

無得睇

Lm

啊蒜香雞翼尖
用safari開都仲睇到你個post

https://amp.lihkg.com/thread/3385486/page/1

好彩仲有花生食

不過就無得下一頁啦
唯有人手係輸入欄度改頁數再睇啦

link?

出咗律師信

由同佢拍拖到依家，整整五年，一開始同佢一齊嘅時候，我18歲，佢23歲，初初同佢一齊頭幾個月，佢已經話想娶我，然後到我21歲嘅時候，我哋去咗註冊。

冇鑽石戒指唔緊要、銀行戶口冇錢唔緊要，佢愛我就夠，物質方面一啲都唔重要。就咁，我同佢到而家結咗婚兩年半，依家我23歲，佢28歲。喺兩個月前，佢去學拯溺，識咗個女仔，然後，佢選擇咗肉體同精神出軌。

而我，直至前幾日先知佢出軌呢件事，亦係前幾日先知原來佢一直有兩部手機，我一直以為佢好愛我，即使呢兩個月佢鍾意咗第二個，佢都對我好溫柔，佢會幫我襟被、溫柔咁摸我頭仔同錫我、同我發生關係，只可以話，佢偽裝得太好，咁樣嘅佢亦令我好陌生。

雖然我21歲咁後生就結咗婚，但我一直有盡妻子嘅責任，我買衫褲鞋襪俾佢、幫佢洗衫晾衫、做清潔、放工買餸返屋企煮晚飯俾佢食、擔心佢安危同健康、幫佢安排家庭活動、父親節/母親節/屋企人/親戚生日我幫佢準備禮物。係，我認我脾氣差、成日罵佢(我脾氣差呢一點，佢由同我拍拖嘅時候已經知道)，但並唔係次次都係我無理取鬧，而且如果佢不滿我，我認為佢可以直接講，我可以改，畢竟我真係好愛佢，但佢每次都唔願意多講。

婚後，我同佢搬咗出去住。因為佢爹哋前幾年炒燶咗股票，佢每個月都要幫佢爹哋還債，所以佢每個月都冇錢剩(呢件事我同初初拍拖已經知，雖然依家就快三十歲，但銀行戶口十萬都冇)，所以租金、家庭各樣開支都係我負責出，但我冇怨，我覺得我可以陪佢捱過呢幾年。令我心痛嘅係，佢識咗個女仔兩個月，就過咗$15,000俾人，佢從來都冇試過喺我身上花咁多錢。

一直以來，其實都有人話佢襯唔起我，無論係家庭定個人條件而言。我爹哋甚至叫我唔好讀master degree，因為再讀我就會叻過佢太多，關係唔平等；公司同事甚至會話”佢區區一個消防員，邊度養得起你，佢都係要靠你養㗎啦”；而朋友亦都會因為知道佢唔係ugrad後，面露難色。但人哋所講嘅呢啲雖然令我難受，但我從來都唔認同，因為我始終覺得佢愛我就夠啦，人哋嘅呢啲說話我亦冇同返佢講，因為我怕佢受傷。

如今，佢為咗一個佢都認為各方面條件都不如我嘅女人，而選擇拋棄一齊共患難、一齊立下山盟海誓嘅妻子，我都唔會再作出任何挽留。昨日早上，我曾聯絡我哋之間嘅第三者，未見佢有任何悔意/歉意，佢甚至將責任歸咎於男方。對於我相處左五年嘅男人，搵咗個內外條件、內心、道德觀都如此差嘅女人，我係感到非常失望。在此，我希望呢對不貞之男女可以認真反省自己犯下嘅錯誤。

認真 ？

告鳩條死港女就啱曬