文末會放一啲個人認為對初學者非常有用嘅LINK 同少少參考書，以及樓豬開嘅discord grp link，希望有人同樓豬瘋狂傾人格學
正文：
市面上流行嘅16型人格測驗（包括最熱門嘅16 personalities 測試網站）過度簡化心理學家榮格嘅原型理論，變成流於二分法嘅性格描述／標籤，但其實真正嘅八維理論係可以描述我哋每一個人認知世界嘅思維模型，從而搵到自己嘅優勢功能、劣勢功能、潛意識壓抑嘅面向、壓力大時會傾向如何表現等等。就樓豬個人經驗而言，了解八維理論幫到自己正確認識自己，知道多咗點樣可以令自己更有動力做一件事同活得更開心自在，而唔係去仿傚其他人進步嘅方法，亦都有一個好清晰嘅guildline，知道自己下意識逃避使用嘅認知功能。
坊間流傳的二分法（I/E; N/S; T/F; P/J）過於片面陳述每一個人格嘅特質，無辦法令我哋真正理解到自己人格同世界觀如何塑造而成，點解咁講呢？例如二分法中的N 型人代表直覺，彷彿只要係N 型人就係同一種N 的思維方式，但其實在八維功能中，N 可以被分為Ni 和Ne，Ni 係聚焦型思維，可以喺大量嘅資訊中窺見未來趨勢，從ABCDEF 可以預測到Z；而Ne 則是由中心發散開去嘅跳躍式思維，可以從A 聯想到BCDEF，BCDEF 又聯想到GHIJK。亦因此，在二分法中看似非常類近的人格，例如INFP 和INFJ，睇落只差最後一個英文字母，一旦深究兩個人格嘅功能，就會發現兩個人格認知世界的方式根本南轅北轍：
INFP：FI > NE > SI > TE
INFJ：NI > FE > TI > SE
係四個功能都唔o能同啊大佬！
坊間嘅二分法只靠靈活與否、喜愛計劃與否來區分最後字母J 或者P，所以經常見到有人做完16 personailties 就會話自己最近由INFP 變成INFJ、由ENTJ 變成ENTP 等等。但其實根本係唔可行的，16 personailties 之類的網站，透過錯誤的測驗方法，極有可能導出錯誤的結果，二分法結果顯示嘅百份率，令我哋誤以為只要稍加努力，就可以成為其他人格，例如51% F的ISFJ，只要稍為克制情感就會變成ISTJ，殊不知兩者認知世界方式其實大相徑庭。錯誤的測試方法和理解方式無法令我哋真正接納同了解自己嘅心智如何運作、如何用得更好，亦經常見到有不少人妄自菲薄，認為自己嘅人格不及其他人格，樓豬個人認為只流於片面陳述同埋測試論證方法有問題的二分法測驗責無旁貸
而且喺認知功能的層面而言，功能係中性的，並無價值上的高低優劣判斷，例如「I」或者「內向功能」並不代表「毒」、「怕羞」等等，而係描述緊一個人與主體嘅互動，同埋偏好喺內在處理接收訊息，同內向嘅性格或者有一定程度上的關聯，但並非直接等同於本人性格就係內向。例如因為以Ni 功能為主導而成為「I」型人嘅INFJ 或INTJ，Ni 功能係一個極強大嘅內在處理資訊功能，可以幫助使用者喺潛意識中處理極大量資訊，從而彷彿能夠預知未來一樣（從ABCDEFG 的資訊得到Z 的結論），所以INFJ 或者INTJ 經常會覺得自己突然唔知點解會有個直覺，最後又真係會發生喎，咁其實係Ni 幫助佢哋喺無意識間處理咗ABCDEFG 同Z 之間嘅事。所以擁有Ni 功能嘅使用者之所以容易顯得內向，只係因為佢哋背後嘅CPU 喺度高耗能地運作，喺潛意識中處理海量有意無意吸收返嚟嘅資訊，以致於佢哋比較少對外界有即時反應。
而且八維人格係可以講到每個功能與功能之間的關係，又以INFP（FI > NE > SI > TE）或ISFP（Fi > Se > Ni > Te）為例，INFP 或ISFP 之所以不擅於掌握效率、外在準則、社會規則、SOP的處事方式（Te 功能），正正係因為強勢的第一主導功能Fi ，令INFP 或ISFP 非常看重個體嘅價值觀和情感，一旦看重個體，就難以顧及外在的冰冷規條。所以一旦Fi 成為強勢的第一功能，Te 就注定成為劣勢的第四功能。因此，INFP 或ISFP 的人生課題，並唔係努力成為Te作為第一功能嘅ESFJ 或者ENFJ，而係學習了解Te 嘅好處，然後學會平衡Fi 同Te 之間嘅關係，甚至運用得好嘅話，可以用Te達成自己嘅Fi，例如內心認同某個價值觀或者熱愛某個興趣（Fi），然後使用計劃與執行力（Te）去達成，最終成為能夠掌控與平衡Te 功能的INFP 或ISFP。因為，榮格嘅八維理論（Si / Se / Ni / Ne / Ti / Te / Fi / Fe），係描述緊我哋由出世以嚟認知模式的建構過程，舉個略嫌粗糙嘅例子：以右手（優勢功能）作為慣用手嘅人，大個咗可以鍛煉用埋左手（劣勢功能），但唔代表呢個人成為咗左手慣用者，佢只係一個掌握到左手嘅右手使用者。
而榮格嘅人格理論，正正係希望引導人除咗了解到自己嘅主導優勢功能之外，都可以喺往後幾十年嘅人生，逐步面對、統合自己嘅劣勢功能同陰影，成為一個更完整、合一嘅自己
，而唔係不斷否定同擺脫現在嘅自己
如果再深入啲了解，人格理論仲可以幫助我哋了解自己喺Comfort zone 時嘅狀態、如何使用第二功能令自己擺脫comfort zone 狀態、壓力下會如何表現、有咩認知功能係我哋下意識忽略而成為盲點等等，暫時就唔喺呢度講埋住（打到攰了
），如果有講得唔好或者錯，請多多指正同膠流Discord grp link:
https://discord.gg/xSwT7H28
推介IG及網站（樓豬都係喺呢啲IG度開始入門
）：https://www.instagram.com/mbti.land
https://www.instagram.com/mbtisunpo_bruh/
https://sites.google.com/view/mbtisunpo << 非常推介呢個網站嘅整合，簡潔清晰、由淺入深
https://www.instagram.com/personalitystudy_hk/
推介書：
