Running Man 討論區 (65)

ching做得好
rm放預告 我都會去韓國rm youtube留言讚成員邊個環節好笑、期待下集

上面有人標榜以中立理性黎分析呢排對智孝嘅討論
我都唔介意一齊探討下有份參與嘅人係咩心態

人一定偏心←呢樣野非常同意
以我自己而言 我本身對智孝係neutral嘅
應該係話以前仲好鍾意睇佢係rm嘅表現添
我承認自己喺之前鐘國屋企嗰集之後對智孝真係大失所望
愛同恨只有一條線相隔某程度係有佢嘅道理

由鐘國屋企嗰集起 夾硬湊loveline fans出征rm 昭旻 鐘國甚至鐘國公司ig
下集撩鐘國件衫撩到韓網話佢性騷擾
再下集昭旻想同世贊一齊去鐘國LA concert佢又想硬湊loveline搞到冷場
到今時今日企喺鏡頭中間唔出聲 隔住大家互動 玩電話

空穴來風必有因 包括我對智孝失望嘅人係橫空出世石頭爆出黎嘅?
捕風捉影 人格抵毀屌到過哂火嘅人係有 但樹大有枯枝
呢d人係唔會同你達成共識 你同佢嘈只會令到佢越黎越變本加厲
你同佢嘈吹起左團火等佢越講越起勁 跟住怪其他人無視佢係=助紂為虐隻眼開隻眼閉?

要論咩人更加偏頗 喺我角度真係好明顯係另一個post嘅人
另一個post有人話批評智孝嘅人二元對立
但真正二元對立嘅人係邊個 不言而喻
捕風捉影 過分解讀 呢d point我係支持佢地
我都剩係想講鏡頭前show到出黎嘅野 而唔係藍色窗簾
但當佢地捉到人捕風捉影嘅時候 附帶嘅就一定係要延伸埋其他人都係盲反嘅
呢樣野就係點解個post會產生罵戰嘅原因
因為另一個post嘅人根本唔係要以理服人 係一捉到人痛腳就想企喺道德高地抵毀對方人格

最經典一樣野就係話「一般人睇rm根本唔會留意到智孝 係有心黑佢嘅人先會留意佢小動作」
excuse me 智孝幾乎個個星期都喺naver買大字報
玩電話發牛豆永遠都企C位 好似今集一開波直頭係成個鏡頭得兩個人都係度揸流攤
你話一集講成幾個星期就叫做針對 佢每有新一集都會企喺最養眼嘅地方hea
咁樣都叫做「有心黑佢嘅人先會留意到佢小動作」？唔係掛

係話人「特登留意佢小動作」之前 會唔會諗下係自己對佢包容度太高所以選擇性失明?
另一個post嘅人嘅言論就講緊「佢幾年前開始就有呢個問題 都唔係新鮮事 集集喺度提佢呢個問題有咩意思 無視佢咪算囉」
姐係一個人出左問題係提出左一次佢之後一直都唔改
你都唔可以再提出 你提出就係針對佢 有心黑佢

喺呢個話題上冇絕對嘅對或錯 但邊個更有道理相信都唔駛點再闡述
剩係睇呢度嘅人唔會走過去隔離post度踩兩腳就知雙方個水準去到邊度

某會員係哩個po既留言

「我作為普通觀眾(光洙粉，而家睇rm係習慣)真係睇唔出你哋ff嘅嘢囉。絕大部份智孝係冇節目效果, 但我會當佢冇到，佢唔出聲其實唔覺得影響節目啲咩，話佢hea情有可原。有啲位佢講嘅嘢係勁奇怪，但佢都係講一兩句姐，奇怪極都係嗰幾秒，鏡頭一轉睇返其他人嘅part唔覺奇怪嘅餘韻留好耐，唔明有咩值得屌咁耐」

佢今集同世燦同組，一開始傾idea單人相聲，世燦講10句佢覆1句，成個環節好尷尬，我就覺得好影響節目效果

佢拍13年，如果唔識短時間做效果，咁係咪可以係分組環節比多啲有趣意見？同世燦多啲互動？

今集我唯一不滿就係佢一開波唔出聲，宋智孝如果真係冇辦法改善，寧願佢下車。咪屈我盲反。我反既只有宋既毒唯。

依家講親宋智孝都無好野發生咁

節目內成員又唔想回應Cue佢節目外粉絲分兩邊勢成水火

ching咪鬼理嗰條友
有時都唔知佢係咪特登引戰
話唔想啲人互屌但有時又po埋啲無腦言論周圍嘈
好似咩點解標題一樣咁，自己諗一諗睇一睇都知係就爆po嘅時候開多咗，但又要特登拎出嚟講咁

你講緊我特登引戰？

班人留言大約言論
開首
我都覺得智孝有問題

主題
集集話佢有問題 盲反
放大佢問題 盲反
留意佢動作 盲反
掛著捉蟲 盲反
講負面野放負 盲反
搞到佢地唔可以開心睇節目 盲反

最後利申
我不是宋粉 我是成員粉

結論
咁到底智孝有咩問題？
就係話佢有問題既人有問題

sorry ching
我認我懶得碌番上去搵純粹係想叫嗰位ching唔好理圖入面嗰位人兄

冇事
大家都有池山貓精神 嗌交一個頂幾個
唔理智既留言唔好理就算

師兄你和應我 又會比人話互奶架

https://www.youtube.com/watch?v=Ijuj4V-_ngY

3年前我已經擺呢段片出黎講韓國人對於RM嘅意見
其實佢當時嘅觀點同而家各位ching冇咩分別
因為"sominout"係當時嘅韓國人眼中非常奇怪

https://youtu.be/K6NHB3q8Pso

有觀眾留言希望rm youtube開會員制，比超過18歲既觀眾收看冇嗶嗶嗶既版本

就咁睇似乎韓國人當時並唔太反感昭旻 , 而且都覺得智孝無表現係唔關昭旻事

開會員制就算無新嘢睇應該都好多人 join

其實都幾好，海外觀眾多個渠道支持節目。放啲平時剪走咗既畫面賺下經費

佢好直白咁講
昭旻有鏡頭唔代表智孝會冇左鏡頭
而智孝係成員當中只係出左0.2 嘅分量係節目當中

國營電視台應該無可能

睇美珠真珠somin 都應該要feel到
鏡頭唔係人地比
係自己賺番黎
又唔係洗橫手搶鏡頭

姐係一個人出左問題係提出左一次佢之後一直都唔改
你都唔可以再提出 你提出就係針對佢 有心黑佢

呢句野好中佢地嘅邏輯好野蠻
智孝已經企到中間hea 但都話人特登留意佢做乜
到企中間呢個point不攻自破 就話人睇綜藝睇到咁唔開心做乜
總之有無數咁多藉口同人講 話智孝係有問題嘅

唔係入黎講挑機 理得佢

利申 我不是宋黑 我是宋粉黑

我想睇幕後花絮

請完又要擔心你會唔會甩底

我對智孝睇法係 既然佢改善唔到
寧願佢唔出聲隱形
好過搞到冷場或者隔硬整loveline 咁尷尬
下唔下車就由佢