香港KFC喺香港幾十年，唯一正確既商業決定係咪買咗葡撻食譜？

我嗰陣係去Porto嘅Majestic cafe

D 新味都好難食
好鐘意食燒雞 加兩件撻
但呢家手指雞點買得落手

當年個巨型雞脾餐
真係食爆

食烤雞，食葡撻，唔食炸雞

有冇人覺得佢個包其實好食過金拱門

好聲好氣同你解釋緊兩者分別 你都要寸寸共 以為係同一樣嘢
有興趣增長知識咪自己去kfc買件萄撻同去餅鋪買件酥皮蛋撻做對比囉 用肉眼都睇得出 用把口都食得出
咁以後就唔需要用取笑嘅態度去掩飾自己嘅無知

Bakehouse落重牛油唔代表好食
你試下平日下午去買
仆街凍既
重要唔脆
入面似吉士多過蛋
食croissant 佢個面苦既
話好似果班人平時見人地排隊就話好食

平日office hours去買真係好一般
唔值呢個價
交租俾佢租成棟樓
個價錢根本唔係食個撻

仲有薯格呀

睇youtube話佢地賣franchise 為主，本土反而養住個品牌唔死就算，所以做到好撚hea

呢度係香港

我都好聲好氣同你解釋，所謂中式酥皮同西式酥皮其實做法都係一樣，只係傳統嘅中式酥皮用豬油做，西式酥皮用牛油做，不過傳統中式酥皮係講緊以前嫁女餅嗰啲質感，學你講係比用牛油做較酥同鬆，但係牛油做就夠香。 港式蛋撻絶少用純豬油做(酒樓除外)，最多都係牛油溝啲豬油(或者用廉價shorternings)，所以唔會完全係中式酥皮嘅質感，其本上係西式酥皮嚟，只係配方唔同，有啲加咗豬油令佢稍為更酥更鬆。你上Youtube睇吓，十個youtubers十個都係教你用牛油(根本就係普通西式酥皮)

眼睇得出只係個酥皮切法唔同，我#252樓已經同你講咗，可能你唔知我講緊乜明嘅，對於未自己整過蛋撻嘅你嚟講可能真係有啲難理解

我講咁多只係想話酥皮蛋撻其實同萄式蛋撻(除咗個面嘅焦糖)根本冇乜大分別，最多係各師各法大家個酥皮配方可能有啲差異。所以話鍾意萄撻但係唔鍾意酥皮蛋撻係唔合理，最多話咁啱嗰隻酥皮配方唔啱你口味，你只係鍾意KFC個酥皮而唔鍾意樓下麵包舖個酥皮

題外話見樓上好多人講crossiant，其實酥皮(puff pastry)同做croissant 嘅 danish pastry係兩樣唔同嘅嘢嚟：danish pastry 係有加酵母要時間發酵，普通酥皮(puff pastry)係冇酵母嘅。

我葡萄牙食嘅入面真係custard ，唔係蛋
所以我鍾意KFC嗰隻多啲

Kfc成日焗唔透個底

有咩合唔合理 口感根本唔一樣就唔可以偏好其中一個？ 我自己就兩隻都鐘意食 不過你食唔出就唔怪你啦 你咁講法唔知你會唔會係食開嗰啲酥皮蛋撻都唔係正常做法

btw啱啱又睇多咗少少 中式酥皮用油酥 西式用牛油 去做每層嘅分隔 兩者嘅分別唔止係所用嘅油 所以中式做法會更酥

點解無撚左巴辣雞粒

鬆餅有一排全日都有得賣
依家得番早餐先有
真係想食都難

KFC啲雞好似比貓狗食都嫌臭

珍
大家都係中國人，點解台灣做雞做叻啲

依家好難食

蘑菇飯都OK嘅 自從冇咗哈迪斯之後

steroid chicken

我都係食果間好彩早去唔洗排隊
傳統野唔岩口味

問題係唔脆

真係一樣就唔會次次投票酥皮蛋撻都大敗俾曲奇皮啦

其實我正正就係想解釋呢個現象：上連登嘅大部份都係80後或更細，佢地細個時曲奇皮蛋撻剛剛興起，所以佢地嘅認知就係曲奇皮蛋撻先係正貨，酥皮蛋撻狗也不點解萄撻基本上一樣係酥皮又冇問題？所以呢個只係先入為主問題，根本唔關酥皮定曲奇皮好食事。

我唔係想搵交嗌，唔好推