覺唔覺得十三么畀人神化咗

講緊清對其實都係得十番
但係難度上同十三么好似唔係差好遠

當碰出兩三對 正常都唔會有人再敢打
要靠自己摸先食到 咁高難度先係得十番
完全唔明十三么點解值十三番

仲要明明傳統十三么唔可以搶暗槓
後來啲人特登加條rules 畀佢 淨係for十三么先至可以搶暗槓
搞到十三么好似好特別咁
咁樣算唔算係神化咗佢

大三元 四暗刻 十三么確實係比較容易出
但概率都係0.1%以下
可以搶暗槓係因為佢係十三么 呢個係規則
你咁勁你咪開個自家麻雀 自己訂規則囉
咁多要求

有人統計過日本麻雀入面例牌出現嘅機率, 但係我搵唔到有人統計過廣東麻雀嘅資料
但係日本麻雀入面嘅例牌同廣東牌大部分都好似, 所以我會用佢嚟做例子

大三元出現嘅機率係0.039%
四暗刻機係0.04%
而十三么出現嘅機率係0.043%

留意返, 日本麻雀裏面嘅大三元同四暗刻個達成條件係同廣東牌一樣嘅
但係十三么要靠自己摸曬十三隻 之後先至可以叫單吊

換言之即係難過廣東牌好多

後來有人計過廣東牌入面13么嘅機率係0.345%, 但係就冇計其他例牌

雖然我知唔可以直接將日本麻雀同廣東麻雀13么嘅機率直接比較

但係由日本麻雀裏面,十三么要自己抽曬十三隻先有得叫糊咁高難度都同其他大牌出現嘅機率差唔多

我哋可以得出其實廣東牌十三么真係唔難做

但係啲人個個以為十三么好似好勁咁
純粹覺得對其他例牌好唔公平

source:
https://m.gamer.com.tw/home/creationDetail.php?sn=4372718
https://m.facebook.com/nt/screen/?params=%7B%22note_id%22%3A340202617279465%7D&path=%2Fnotes%2Fnote%2F

所以打13番既話有d人13么會計10番
但搶暗槓呢d點都會保留，牌皇地位無法動搖

講緊13么比起其他例牌本身已經咁容易做嘅情況下

仲要加多條rules畀佢 可以截人胡同搶人暗槓
咁樣會唔會太唔公平

13隻都不求人
咁都唔撚難？

試過一日食兩次十三么

唔係話唔難
但係相比起其他例牌, 數據上機率又真係高好多

但係反而得13么有得截糊同搶暗槓
純粹覺得係因為13么畀人神化咗
個個都以為好撚難

日麻十三么同廣東麻雀食糊條件一樣呀
廣東麻雀都係要靠自己摸曬十三隻 之後先至可以單吊
只係日麻如果叫13飛既話會雙倍分

牌型無話公唔公平，你可以做人地都可以做咁咪已經公平

我都試過
其實當一晚打八圈
真係一啲都唔出奇

同 天地糊 大四喜 十金羅漢 比較，
十三么真係好易

同 天地糊 大四喜 十八羅漢 比較，
十三么真係好易

根本就唔難食

神牌當中十三么真係比較常見
不過十三么係爛牌既極致
比番少少尊重都未嘗唔係不可

認同基本上有少少局都唔會想做十三么

真係手牌太爛又有返7，8隻先會做，做做下要轉都係得對對或者花么可以揀

講易食純粹係對手太屎，多數摸左三分一牌已經知你做緊十三么

我都明佢係爛牌, 一斷咗都好難轉做其他牌
但係就正正因為咁 好多時候會揸住好多已經絕咗章嘅番子同么九牌

么九牌因為冇得黐
相對上比起打中章安全好多
其實後期數住排嚟打嘅話
逐隻逐隻打根本好安全
絕章番仔更加唔洗講

overall 算係進可攻退可守

有留意開麻雀比賽嘅都會發現好多時領先嘅一家都會靠不斷做十三么去逼其他幾家棄糊

就知道其實十三么有幾op

而其他玩家根本冇路捉 好難知佢十三么做到咩情況 差邊隻叫糊等等

相反清對 大三元 大四喜呢啲就好容易畀人一睇就睇得出


所以其實我覺得真係唔使特登加啲rules去優待呢副牌

又唔止計難唔難做, 十三么做做吓絕咗章嘅話難救好多

其他大牌做唔到不不了退一步做細啲

雖然絕咗章係難救
但係揸住啲十三么都有佢嘅優勢

相對上其實唔係咁容易出沖

當你講緊去到絕咗章 仲要轉章已經太遲嘅情況下
咁我assume已經到咗中期

個個都開始清緊番仔
等有機會嗰陣就跟打下

就算冇得跟打嘅話都一定會有幾隻熟章或者絕章番子喺手

其實根本好難出統

十三么係去到 後期先斷張先無得轉
筒索萬 本身都只係各keep緊2隻only
中段已經知斷張，要轉其他牌都唔係太難

如果講緊後期先發現斷嘅話 其實仲安全
出面啲牌已經唔多 唔使捱好耐就可以完

我諗點你都揸幾隻絕章番子掛

加上好多時啲人會習慣打哂偏章先
二萬八萬 二索八索嗰啲後期已經斷曬
么九牌冇得黐其他牌 其實數下生唔生已經估到有冇人要

13么易做？認真？
主要係你棄牌大多中間牌 例如4 5 6 筒索咁
本身就已經俾人容易發現你喺度做緊十三么 ，人地會有防範 ，而且棄牌大多中間牌會好危險 風險好高，隨時比人食
十三么本身就係防守型 ，如果有人好明顯聽牌就要落車，打返d字牌出去
你係咪冇打過牌 以為就咁場場抽13隻就贏
相反大三元可以副露 碰

講真你做十三么 人哋見到你啲棄牌全部456 28咁
都冇人會打比你啦 , 加上本身可以暗槓嘅概率都唔會高
比你又如何? 30-50場先可能有1-2場有人暗槓
見你牌河全部2345678就知你做十三么啦 一個斷么 斷你啦 仲俾時間你做咩
可以做到嘅，通常都係真係運氣好 起手3-4向聽 之後抽到牌 聽牌
神化你老母咩 本身做呢個就風險大 因為好容易俾人知 同棄牌好危險
小朋友打乜牌 打飛機把啦

得啦 知道你大人打好多牌 好多經驗 好叻啦

不過想講一副牌容唔容易做唔係憑你感覺
如果憑數據上嚟睇十三么比起其他例牌例如咩大四喜 十八羅漢 九子連環嗰啲確實係容易做好多
講緊唔係淨係容易少少 係容易做十幾倍咁誇張

仲要你講到個個都知你做十三么 唔會有人肯打畀你

你咁講嘅話其實其他大牌 當你碰出兩對啲人都一樣唔會打畀你 多數要靠自摸先食到

真係完全唔知13么有咩咁難做

你講個d叫國士無雙十三面聽

我上面都有提到各種例牌出現嘅機率

亦都有用電腦model simulation result實證

如果統計學同計算學都證明到十三么唔係真係咁難食嘅話

請問你有咩理據認為十三么好難食？
心理學？玄學？