32歲想重新讀書 會唔會好遲

唔好比上一輩唯有讀書好的心態耽誤你
依家大學生周街都係
唔計上面講讀護士（唔易入唔易讀）
有degree一樣都係搵萬幾蚊
唔好有幻想

你學到門手藝
條路一定易行過你讀書
我有朋友會考0分做左幾年野轉行渣的士
輕鬆月入2萬幾3萬
又可以隨時放假去旅行
生活一樣可以過得唔錯
樓豬加油

成績唔夠人好
工作機會少
就懷疑人哋講大話
你咩心眼？

咩科先

點解抹殺人哋嘅機會，嚟證明自己啱？

人哋想試，咪去試

好過未試就當自己輸硬

我覺得可能可以俾個參考你。

我自己廿中開始讀ft degree，讀書前同你差唔多人工。嗰陣男朋友人工係我三倍，雖然無用佢啲錢但係生活上會好依賴佢。加上男朋友學歷人工前途都好過自己，自己性格都小小自卑。

之後趁疫情的起心肝報non jupas，又真係有大學收。好笑嘅係嗰陣都有報pt嘅higher diploma，點知佢哋建議我讀多年foundation，啲學店真係好蠱惑。咁我老撚都揀degree啦。

讀書之後個人開始有自信，有目標，學業又繁忙唔似以前朝九晚六，然後就開始同男朋友有嗌霎，後來分咗手個心即刻無咗底。本身覺得萬一有咩事唔夠錢都有男朋友幫手，宜家真係唔敢大洗，壓力即刻變到好大。

大學第一年係開心嘅，但讀到就嚟上year3，就會發現自己真係跟唔上。當年18歲全盛時期都唔係讀書材料，唔會到廿幾歲變好。宜家要靠sem break自己溫書去追進度。

仲有慣咗大人嘅洗錢模式，每個月仲要返pt去維持開支，其實個人真係好攰。唔係話後悔，但有時真係會懷念嗰種每日放工就打機，然後準時訓教嘅日子。

所以如果你要呢個歲數讀書，你要諗清楚：
啲錢夠唔夠你讀到畢業。
揀嘅係咪真係你興趣嘅科目。
如果唔係，自己又係咪讀書嘅材料。

如果你考慮清楚啦，你要開始準備面試。基本上你作為年長生我自己覺得你個學額係extra俾你嘅，姐係你唔係要同其他學生鬥叻鬥高分入，而係你要有一理由點解佢要收你。

你係度懶正能量
鼓勵緊人去做自己完全唔擅長既事
你唔需要負任何責任，仲可能覺得自己做左好事
但你記得人地係要用一世人去埋單
如果佢只係需要好聽既說話，就唔洗上黎
大把學店講到前途一片光明啦

"比心機讀啦，讀十年都唔得就讀廿年，特首都有得做"
係咪咁？

真心
唔好讀
留得在香港做愛国者
一係去考公安
一係加入做愛国區議員

過左讀書黃金時間
你上堂唔會有以前的集中力
仲有會驚左考試
乜都記唔入腦

反正想揾錢
做公安唔嫖唔賭
最好守水塘過世又唔洗煩

講得難聽啲，你三十歲人咁樣已經係一世啦

太遲 咪撚浪費時間讀

我覺得你可以做義工、甚至讀PCW呢類護理員感受下類近既行業先
如果你想人收你，其實都要你有Ｄ類似行業既經驗
就咁報名冇人採你架
加油　有決心總會成功

讀咩hd?

個問題從來唔係遲唔遲
係值唔值，如果有人同你講 「係呀，遲呀」，咁係唔係就唔諗住讀呀？
仲有護士真係要諗清楚，始終係高薪酬嘅厭惡性行業，唔係人人岩做，同埋要一定英文程度
我建議樓主讀自己有興趣嘅科就算，至少應該可以畢到業。
希望樓主可以好好做好資料蒐集諗清楚先去做。 同埋盡量清晰返個目標，始終想高D人工都唔一定要學位。

最後你讀唔讀書都唔會再有人指責或者嫌棄你，你都大個嫁啦。

雖然你係可以用mature student報
但好多人ielts 6.5-7，大學都要同英文拉鋸
更何況呢啲range只係mean…
你搞左英文先啦。。。

MU EN好多學位，最重要唔使錢，有部份同學都年近30或者已經過咗30不過佢哋入讀之前一直做醫護有關行業，同埋佢哋年年都報，有個報咗10年先入到

大把方法搵多啲 例如揸車 地盤

答案係真係讀得書嘅人就算好似你咁hea讀心態
佢地都會好好成績
千祈唔好諗住淨係自己唔夠努力 跟本就俾廢過人
你宜家要諗下揾咩唔使學歷嘅工都「顧照」到自己先

講到依家啲護士全部都好有責任心同熱誠咁
大家咪又係為份糧

地盤

其實你ive 讀咩科

好多人後生會考得幾分，到廿幾三十歲突然會覺得自己可以讀返書做到佢地眼中既「大學生」
事實係花完一大舊時間同錢換左張冇人認可既沙紙，你都係做返自己之前做既野
得罪問句，你有冇見過有人三十歲走去讀完個濕鳩top up degree返黎工作能力會突然間高左或者個人思維層次會突然間唔同左？