講下背景先，小弟自小頭髮已經好濃密，爸爸媽媽都冇脫髮問題。
係中四個年，開始出現斑禿，個陣無為異，結果愈生愈多斑禿。 之後，頭皮受到真菌感染，頭髮開始大量咁脫髮，當時唔識野，聽阿媽話係訓唔夠太多壓力，冇睇到醫生，結果甩到咁樣。
斑禿同脫髮，令到個陣得16歲既我生不如死，女朋友仲因為我冇頭髮飛左我戴我綠帽。 屋企人終於意識到好大問題，帶左我去睇普通科醫生，check到個頭皮受到真菌感染，成個療程用左成$5xxx 。因為得翻少量頭髮，同擦藥唔方便，得16歲既我就去左剃光頭。
個陣仲讀緊書，被逼無奈下我要帶帽翻學，成日受到同學奇異目光同輿論，連D老師都係講。
不過好幸運，我遇到好好既同學同老師，佢地都會鼓勵同關心，令我有翻信心。
當D真菌死曬頭皮好翻，為左加快頭髮既生長，買左個500$既生髮水，於是我每個月係到紀錄個頭髮生長。
當我好翻曬之後，已經係要準備考DSE，受到老師同屋企人既壓力，我個頭髮再次出事，斑禿係不斷咁復發，我既心態再次奔潰，好驚又黎多次。經歷過之前，我冇再拖，直接去左睇皮膚科醫生，醫生個陣開左D營養藥比我，差唔多keep住睇左成年，但係我發現我既髮量冇以前咁濃密，係網上做左好多功課，擔粗粗去左個D生髮中心，檢查頭皮，發現原來我係敏感性頭皮，要用溫和既洗髮水，同埋都做左清潔treatment 10次同買左佢比既生髮水，做完之後我既髮量變得愈黎愈多，跟著開始食supplement，食生物素、魚油同鋅，食左2個月之後，M字位開始生翻頭髮，好多毛毛，所以頭皮健康先會生到頭髮！
有頭髮問題，記住唔好拖，快D去睇醫生！
如果有問題可以留低，答到盡答
