話說我前排買左架二手車，剛巧係ig見到間洗車屋係黃大仙竹園叫 Forest Pro 好似幾細心價錢又相宜，google map comment又勁多5星，就問左價
最後就book左$1388嘅plan，加多$100 for 清理前車主autotoll張貼紙，佢話要施工3-4小時所以我中午去左交車比佢地，現場確認多次book左嘅plan同加左清貼紙嘅option，之後就諗住收工後6點半去拎返架車。
去到6點我收到電話話可以拎車，過左半小時後去到舖頭諗住拎車，點知去到現場我完全見唔到我架車，職員話我架車揸左去第二個地方清潔，依家返緊黎塞緊車要等等，我等到7點開始唔耐煩我就不斷催促職員問要等多幾耐，之後職員先帶行我去另一到3分鐘路程，一個極多昆蟲嘅位拎車，一去到就見到我架車泊左係到，但個外表好似山上啲死車咁，架車仲係好污糟完全唔似洗過黎， 全個車身無論係罅隙位定玻璃都有好多昆蟲爬嚟爬去，而且車身/玻璃/車鈴都係好污糟好多積， 我用手輕抹一下啲污漬係一抹就甩，唔係啲千啲老積，而且個autotoll仲未清理。
職員就話因為架車洗完好耐，而且架車駛出駛入所以整污糟左，autotoll係佢地唔記得清，叫我比10-15分鐘佢即刻搞，之後佢地先幫我即場抹下，我就企係到餵蚊睇佢用布重新抹，抹左九個字，再搞埋比錢8點先有得拎車走。
(啲相係重新清潔後，完成哂交車我先影，車身玻璃仲有污漬油清，車內比交車前更加污糟)
中途有一位職員話我講嘢態度好差，話佢都係打工做嘢唔係聽我喺度呻，唔滿意佢就再輕輕清潔下，唔使下下係咁比說話佢聽。大佬我係黎拎車唔係睇你再抹車，仲要現場勁多蚊蟲積水，上車check時亦發現有幾隻識飛嘅昆蟲同蚊飛咗入車廂內，而且依家架車座位唔知點解好痕好似有啲蝨係架車上面咁，如果大家時間好多又唔介意邊餵蚊邊睇佢哋做嘢嘅話可以幫襯下😅
最後真心呼籲大家唔好亂幫襯ig見嘅洗車屋，要去就去返大間啲出名啲嘅汽車美容舖，雖然價錢貴少少但起碼成個體驗同效果都有保證。
