有冇人一次過剝4隻智慧齒？

驚驚

建議一邊一邊剝，第二邊食野，都係逐粒計錢

我有三隻智慧齒另加兩隻增新齒。。。。。

一次過5隻？

一個月只飲粥水

我同細佬都係 冇咩野 全身麻醉 一出院夜晚已經食麵

兩邊都剝會食唔到嘢，粥都唔會得

係邊度做？

應該會分開幾次。。。

咁點解決肚餓問題

睇你係打橫生定打直。要開刀就做左一面先

開刀全麻緊係一次過搞掂好啦

同事試過一次剝2隻
第2朝起身個口流成床血

無呢個問題
頭一星期食物種類少左

唔介意嘅話入院係可以一次過搞晒四隻
痛少啲時間

箍牙之前有試過同一邊剝兩隻牙兩隻智慧齒

一次過入院開刀剝4隻 白粥加肉碎都食唔到

有 全身麻醉 醫院一次過搞掂
頭個幾星期食下粥同薯蓉
之後已經可以輕鬆食老麥

試過一次剝3隻
一邊就咁剝 一邊開刀
整完之後得夜晚嗰餐要食啲流質食物
第二朝就食返啲正常嘢
但就要注意唔好咁用力咀嚼
唔係傷口會爆

試過
入醫院剝
剝完完全冇流血
同事話醫院醫生手勢應該好過私家診所好多

睇你駛唔駛開刀啦 要開刀 聯針 真心痛到仆街 成個星期 唔好話食野 野都唔想講 飲水經過傷口都痛

嗰陣費事煩兩轉
搵鄧仔一次剝晒兩邊 兩邊都打橫要開刀
頭一個星期兩邊都痛 唔係好食到嘢
但食下yogurt 粥 bb仔嘢食好快捱過
俾我揀多次都係會一次過剝
唔係嘅又要驚兩次 又要搞勁耐

我剝右上先，之後過左兩星期一次過剝三隻。

上面兩隻出哂黎剝完好得好快。
下面兩隻出得一半/露龜頭。要開刀聯針。
做完個日開口都痛，開唔到口，但未至於非常辛苦，微燒。兩邊腫左但無腫到雞蛋咁，好似因人而異。
要食止痛同抗生素。有料既粥都唔會食到，要食純粥只能用門牙同脷妹幾下就吞，用小朋友匙羹，個幾日阿媽用魚湯底去滾粥我食。
諗返應該準備定baby food去食。
到第三日就可以開到口同咬到啲淋野。慢慢就正常返，最麻煩係下埋會有個牙骨洞，要時間埋口，大概兩至三個月。呢幾個月內食完野啲飯粒次類會跌入去，次次食完都要用牙縫刷/綿棒掃出黎。

感想：唔好聽日講咩剝一邊先仲有一邊食，無撚用的。因為你個口咬野開合都係一齊，其實開口都係痛，係就一次過痛