[電子焊接] 辣雞頭變黑

第一次用辣雞整野，整到尾成支辣雞頭黑晒，係咪無得救要換過支辣雞頭？變黑係因為太熱？點用先唔會變黑

下世小心啲

用緊垃圾國產咪咁囉 用日本野嫁嘛

海綿蘸水捽捽佢，唔得就用黃銅絲擦

已經係用日本野

如果用goot個隻助焊劑救唔救得返？

用之前加啲石落個頭到 再抺再加幾次就好了

買定一排頭換，好平姐

買過支啦, 記得每次用完上番D錫包包個咀位

其實駛唔駛一放返落個辣雞座一陣就熄電先？到辣野時先再著返？

都諗住要買過，不過驚下次又佢咁，所以問定正確手勢

唔洗 不過怕頭氧化 所以用完個頭要加石

其實用濕水海綿抹夠唔夠？定要用銅絲個隻清雞頭個舊野？

加熱-加石-海綿抺-加石-海綿抺 做幾次
佢個頭有層涂層 令啲石易啲上 耐左冇左或者氧化左個頭就要換

上錫再搵塊紙皮一野篤穿佢，做完呢個動作，個頭可以再戰多

要復活佢都係個幾招，辣雞著緊個陣先用濕水海綿捽下，
唔得就用銅絲，再唔得就焊鐵復活膏，再唔得就用界刀削下
去到用界刀削係最後手段會減少個頭嘅壽命，急住用懶得去買先用呢招。
會黑就一定係辣雞太熱或者乾曬無錫都照用。
視乎你辣雞有無温度控制，無温控都係垃圾。
長期專業用就要買温控，你淨係用幾次嘅垃圾辣雞就用上面個方法夾硬復活幾次，一辣完收工就熄電，應該夠用

即刻用緊個時都要keep住整返層錫比佢做保護？

熱左枝雞，插落松香膏再用厚布抹

無錯，焊緊個陣要有錫佢先有個接觸面去焊接。焊完唔駛去海綿抹乾淨，留佢係個頭上面會保住個頭。
下次焊先抹乾淨上新錫。

其實焊PCB用幾多watt辣雞好？

有大買大

石?

點加法???

10-30W

用60w係咪太勁